ꓟꓬ-ꓟ ꓗꓴꓷꓼ ꓧꓶꓽ ꓗꓴꓷꓼ ꓗꓪ ꓓꓵꓽ ꓓꓳ ꓐ ꓡˍ ꓟ ꓚꓮꓣꓓ ꓔꓯ ꓟꓬ-ꓟ ꓟ-ꓑꓳ-ꓔꓲ ꓙꓳ ꓢꓴ ꓥ ꓕ ꓑꓳꓸ ꓔꓯ ꓫꓬꓹ ꓖꓶ ꓔꓬ ꓡꓳ

ꓟꓬ-ꓟ ꓐꓰ ꓧꓶꓽ ꓠꓬꓲꓽ ꓗꓴꓷꓼ ꓗꓪ ꓓꓵꓽ ꓓꓳ ꓬꓰ ꓐ ꓡˍ ꓟ ꓚꓮꓣꓓ ꓔꓯ ꓟꓬ-ꓟ ꓟ-ꓑꓳ-ꓔꓲ ꓙꓳ ꓢꓴ ꓮꓽ ꓟˍ ꓟꓲ ꓫꓬꓹ ꓐ ꓡˍ ꓟ ꓥ ꓢꓲ꓾ ꓕꓲ ꓠꓽ ꓓꓵꓽ ꓓꓳ ꓬꓰ ꓐ ꓡˍ ꓟ ꓚꓮꓣꓓ ꓔꓯ ꓥ ꓟꓲ ꓫꓬꓹ ꓖꓶ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓟꓬ-ꓟ ꓗꓴꓷꓼ ꓧꓶꓽ ꓗꓴꓷꓼ ꓓꓵꓽ ꓓꓳ ꓐ ꓡˍ ꓟ ꓚꓮꓣꓓ ꓔꓐꓑ ꓔꓯ 9 ꓦ 4 ꓠꓬꓲ ꓟꓳꓼ ꓡꓳ 12ꓽ00 ꓙꓵꓹ ꓕꓯ ꓡꓰ ꓪꓴꓸ ꓔꓴ ꓢꓲ ꓫꓬꓹ ꓖꓶ ꓔꓬ ꓟ ꓥ ꓢꓲ ꓠꓬꓲ ꓠꓮꓠ-ꓓꓮꓪ ꓖꓮꓔꓰ꓾ ꓢꓲꓠ-ꓒꓬꓴ ꓖꓮꓔꓰ ꓐꓰ ꓟꓯꓸ-ꓪꓰꓲꓹ ꓖꓮꓔꓰ ꓐꓴ ꓗꓪ ꓫꓬꓹ ꓖꓶ ꓔꓬ ꓟ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓷꓸ ꓙ ꓟꓳ ꓙ ꓔ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓠꓬꓲꓽ ꓗꓴꓷꓼ ꓓꓵꓽ ꓓꓳ ꓐ ꓡˍ ꓟ ꓚꓮꓣꓓ ꓠꓬ (6) ꓦꓬꓼ (7) ꓠꓬꓲ ꓐꓱ ꓶ ꓚꓮꓣꓓ ꓥ ꓢꓲ꓾ ꓕꓲ ꓘꓳꓼ ꓔꓬ ꓐ ꓡˍ ꓟ ꓕꓳꓽ ꓶ ꓑꓷꓠꓽ ꓐꓰ ꓗꓴꓸ ꓙꓲꓽ ꓙꓳ ꓢꓲ ꓠꓬꓲ ꓠꓬ ꓮ ꓫꓵꓽˍ ꓟꓲ ꓟꓽ ꓐꓯ ꓔ ꓐꓰ ꓢꓷꓸ ꓪ ꓡꓳ=

ꓕꓲ ꓫꓵꓽ ꓠꓽ ꓓꓵꓽ ꓓꓳ ꓐ ꓡˍ ꓟ ꓚꓮꓣꓓ ꓔꓯ ꓣꓱꓽ ꓢꓲ ꓟꓬꓱꓽ ꓬꓰ ꓠꓹ ꓟ ꓙꓵꓽ ꓪ ꓟꓽ ꓖꓶ ꓔ ꓟ ꓥ ꓢꓲ꓾ ꓖꓳ ꓟ ꓠꓬ ꓓꓵꓽ ꓓꓳ ꓙꓰ ꓓꓴ ꓐꓱ ꓶˍ ꓡꓰꓽ ꓥ ꓟ ꓐꓰ ꓟꓬꓱꓽ ꓬꓰ ꓔꓬ ꓟ ꓔꓯ ꓢꓷꓸ ꓡꓰ ꓠꓬ ꓣꓴ ꓐꓱ ꓓꓴ ꓥꓳ꓾ ꓐꓰˍ ꓟꓲ ꓢꓷꓸ ꓪ ꓡꓳ=

2020 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓧꓶꓽ ꓟꓬ-ꓟ ꓟꓵꓽ ꓫꓸ ꓗ ꓗꓹ ꓘꓶꓽ ꓚꓲꓸ ꓗꓷ ꓗꓸ ꓠꓯꓸ ꓛꓲ ꓠꓲꓹ ꓕꓲ ꓘꓳꓼ ꓗꓪ ꓠꓬ ꓝꓮꓲ ꓕꓲ ꓧꓪꓹ ꓒꓴ ꓡ ꓢꓲ꓾ ꓠꓬꓲꓽ ꓗꓴꓷꓼ ꓡꓱꓸꓼ ꓗꓪ ꓓꓵꓽ ꓓꓳ ꓢꓴ ꓐꓴ ꓥ ꓟꓲ ꓮ ꓟꓬꓹ ꓟꓬꓽ ꓡ ꓗꓷꓳ꓾ ꓐꓰ ꓢꓷꓸ ꓪ ꓡꓳ=