ꓟꓬ-ꓪ-ꓓꓲ꓾ ꓗꓪꓸ-ꓗ-ꓣꓲ ꓮꓢꓲꓮ ꓟꓳ-ꓓꓳ ꓙꓻ ꓖꓴ ꓓꓽ ꓐꓯ-ꓡꓲ ꓓꓽ ꓖꓴ ꓗꓪ ꓟꓳ-ꓓꓳ ꓮ ꓟꓬꓹ ꓙꓰ ꓟꓽ ꓙꓲ꓾ ꓞꓲꓽ ꓔꓬ ꓟ꓾

ꓟꓬ-ꓪ-ꓓꓲ꓾ ꓗꓪꓸ-ꓗ-ꓣꓲ ꓮꓢꓲꓮ ꓟꓳ-ꓓꓳ ꓙꓻ ꓖꓴ ꓓꓽ ꓐꓯ-ꓡꓲ ꓓꓽ ꓖꓴ ꓗꓪ ꓟꓳ-ꓓꓳ ꓮ ꓟꓬꓹ ꓙꓰ ꓟꓽ ꓙꓲ꓾ ꓞꓲꓽ ꓔꓬ ꓟ꓾

ꓗ-ꓬꓲ ꓗꓴꓷꓼ ꓫꓴꓻ ꓗꓪ ꓔꓬ ꓟ ꓟꓬ-ꓪ-ꓓꓲ꓾ ꓗꓪꓸ-ꓗ-ꓣꓲ ꓮꓢꓲꓮ ꓟꓳ-ꓓꓳ ꓙꓻ ꓖꓴ ꓓꓽ ꓚꓱꓹ ꓟ ꓗꓪ ꓟꓶꓽ ꓦ ꓮ ꓘꓶꓸ ꓦ ꓢꓲ꓾ ꓪꓽ ꓚꓲ ꓬꓲꓻ ꓙꓬ ꓧꓳꓹ ꓟ ꓑꓶ ꓓꓴ ꓡꓳꓽ ꓧꓳꓹ ꓧꓳ ꓟ ꓔꓶꓸ ꓗꓪ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓕꓲ ꓑꓹ ꓞ ꓙꓰ ꓢ ꓠꓹ ꓟ ꓐꓱ ꓶ ꓓꓽ ꓖꓴ ꓫꓬꓹ ꓖꓶ ꓔ ꓟ ꓥꓳ=

ꓕꓱ ꓡꓱ ꓓꓽ ꓖꓴ ꓫꓬꓹ ꓖꓶ ꓔ ꓥ ꓟꓲ ꓮ ꓠꓶꓸ ꓣꓳꓺ ꓟ ꓑꓶ ꓓꓴ ꓙꓰ ꓔꓬ ꓟ ꓟꓳ-ꓓꓳ ꓮ ꓟꓬꓹ ꓙꓰ ꓟꓽ ꓢ꓾ ꓞꓲꓽ ꓡꓰ ꓔꓬ ꓟ ꓥꓳ ꓐꓰ ꓟꓳ-ꓓꓳ ꓫꓵꓸ ꓒꓽ ꓕꓲ ꓣꓳ ꓗꓪ ꓐꓰ ꓢꓷꓸ ꓪ ꓡꓳ=

ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓙꓰ_ ꓟ ꓟꓳ-ꓓꓳ 10 ꓟ 15 ꓟ ꓕꓲꓽ ꓧꓪꓹ꓾ ꓡ ꓡ_ꓟ ꓟꓳ-ꓓꓳ 10 ꓟ 15 ꓟ ꓕꓲꓽ ꓧꓪꓹ ꓙꓰ ꓝꓲ_ ꓟ ꓥꓳ= ꓶꓻ ꓤ ꓚꓰꓹ ꓟꓳ-ꓓꓳ ꓕꓲ ꓧꓪꓹ꓾ ꓦꓲꓻ ꓟꓳ-ꓓꓳ ꓕꓲ ꓧꓪꓹ꓾ ꓞꓳ ꓤ ꓚꓰꓹ ꓟꓳ-ꓓꓳ ꓕꓱ ꓡꓱ ꓬꓲꓸ ꓫꓳ ꓫꓳ ꓙꓰ ꓝꓲ ꓡ ꓠꓬ ꓟꓬ ꓠꓬꓲ ꓙꓲ_ ꓡꓳ꓾ ꓮ ꓟꓶ ꓠꓬ ꓮ ꓙꓵ ꓕꓲꓽ ꓫꓳꓹ ꓗꓷ ꓡꓰ ꓠꓬ ꓬꓲꓸ ꓙꓵꓹ ꓮ ꓘꓶꓸ ꓟꓶ ꓫꓵ_ ꓡꓳ ꓐꓰ ꓙꓻ ꓫꓱꓽ ꓢꓴ ꓡꓰ ꓐꓯ ꓔ ꓡꓳ=