ꓟꓮꓲ,‐ꓡꓲ ꓟꓵꓽ ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ ꓟ (100) ꓘꓳꓼ ꓐꓲ ꓙꓴ‐ꓐꓲ‐ꓡꓲ ꓑꓮꓲꓽ ꓓꓽ ꓟ ꓬꓰ ꓔꓬ ꓟ ꓓꓳꓽ

ꓟꓮꓲ,‐ꓡꓲ ꓟꓵꓽ ꓗꓪ ꓗ‐ꓕꓳ‐ꓡꓲꓗ  ꓘꓴ ꓜꓲꓼ ꓞꓳ ꓛꓲ ꓡ ꓟ (100) ꓘꓳꓼ ꓐꓲ ꓙꓴ‐ꓐꓲ‐ꓡꓲ ꓑꓮꓲꓽ ꓓꓽ ꓟ ꓬꓰ ꓔꓬ ꓟ ꓓꓳꓽ

12 ꓦ ꓟ 6 ꓠꓬꓲ ꓗꓪ ꓐꓰ 8 ꓠꓬꓲ ꓗꓪ ꓛꓲ ꓗꓰꓠꓖ ꓔꓴꓠꓖ ꓢ‐ꓢꓶ‐ꓠ ꓗꓪ ꓙꓳˍ ꓟ ꓟꓮꓲ,‐ꓡꓲ ꓟꓵꓽ ꓗꓪ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓛꓲ ꓡ ꓟ (100) ꓘꓳꓼ ꓐꓲ ꓙꓴ‐ꓐꓲ‐ꓡꓲ ꓑꓮꓲ ꓔꓯ ꓬꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓙꓴ‐ꓐꓴ‐ꓡꓲ ꓑꓮꓲ ꓗꓪ ꓔꓲꓺ ꓒ ꓓꓽ ꓙꓳꓧꓠ ꓢꓮꓪ ꓬꓮꓪ‐ꓧꓮꓠ ꓡꓰ ꓪꓽ ꓘꓴ ꓶꓽ ꓥꓳꓽ ꓙꓱ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓗꓳ. ꓗꓷ ꓟ ꓙꓵ, ꓕꓯ ꓗꓰꓠꓖ ꓔꓴꓠꓖ ꓢ‐ꓢꓶ‐ꓠ ꓟꓮꓲ,‐ꓡꓲ ꓟꓵꓽ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓗꓷ ꓢꓴ ꓐꓴ ꓐꓱ ꓶ ꓟꓶꓽ ꓘꓶꓼ 3 ꓙꓵ, 30 ꓕꓯ ꓟꓲ‐ꓢ ꓔꓲ ꓪꓽ ꓘꓴ ꓙ ꓖꓶ ꓗꓷꓳ꓿

ꓟꓮꓲ,‐ꓡꓲ ꓟꓵꓽ ꓗꓪ ꓬꓲ. ꓪꓴ. ꓪꓴ‐ꓢ ꓟꓬꓱꓽ ꓟꓯꓻ ꓢꓴ ꓠꓬ ꓔꓲꓺ ꓒ (Fr. Luigi Combiaso) ꓠꓬ 1922 ꓘꓳꓼ ꓕꓯ ꓪꓴ‐ꓢ ꓶꓽ ꓓꓳ ꓫꓱ, ꓓꓳꓽ ꓚꓺ ꓟ. ꓖꓶ ꓗꓷꓳ꓿

ꓖꓳ ꓗ. ꓠꓯ. ꓔꓲꓺ ꓒ (30) ꓣꓳ ꓠꓬ ꓟꓮꓲ,‐ꓡꓲ ꓟꓵꓽ ꓗꓪ ꓔꓬ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓗꓷꓳ꓿ ꓮ ꓟꓶ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ ꓔꓲꓺ ꓒ ꓠꓬ (Fr. Peter Ai Lone) ꓥ ꓡꓳ꓿ ꓟꓮꓲ,‐ꓡꓲ ꓟꓵꓽ ꓗꓪ ꓪꓴ‐ꓢ ꓐꓯ ꓘꓶꓽ ꓶꓽ ꓓꓳ ꓫꓱ, ꓓꓳ ꓛꓲ ꓡ ꓟ (100) ꓘꓳꓼ ꓐꓲ ꓙꓴ‐ꓐꓲ‐ꓡꓲ ꓑꓮꓲ ꓓꓽ ꓟ ꓔꓯ 12 ꓦ 6 ꓠꓬꓲ ꓗꓪ ꓐꓰ 8 ꓠꓬꓲ ꓗꓪ ꓛꓲ ꓬꓰ ꓓꓴ ꓥꓳ ꓐꓰ ꓣꓦꓮ ꓗꓮꓣꓰꓠ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿