ꓟꓯꓼ ꓛꓰꓹ ꓑꓬ ꓔꓶꓸ ꓗꓪ ꓟ ꓞꓳ ꓦꓲꓻ 34 ꓦꓲꓻ ꓐꓴ ꓔꓯ ꓗꓟꓢꓢ ꓟꓬꓲꓔꓗꓬꓲꓠꓮ (ꓫꓱꓸ ꓤ ꓟꓬꓱꓽ ꓬꓰ ꓢꓴ ꓐꓴ) ꓡꓰ ꓙꓰ ꓢꓲ ꓢꓯꓼ ꓖꓶˍ ꓟ

Wednesday, August 02, 2023

ꓟꓮꓲ-ꓠ ꓙꓲꓻ ꓫꓬ ꓢꓴ ꓬꓳ-ꓢꓷ ꓟꓯꓼ ꓛꓰꓹ ꓑꓬ ꓔꓶꓸ ꓗꓪ ꓐꓰ ꓪꓮꓲ ꓟꓮꓪ ꓔꓲꓺ ꓒ ꓙꓵꓽ ꓔꓶꓸ ꓢꓴꓔ ꓚꓧꓬꓮꓲ ꓘꓹ ꓫꓵꓼ ꓗꓪ ꓚꓵꓸ ꓙꓰ ꓟ ꓞꓳ ꓦꓲꓻ 34 ꓦꓲꓻ ꓐꓴ ꓔꓯ ꓢꓯꓼ ꓖꓶˍ ꓟ ꓙꓵꓹ ꓔꓯ 7 ꓦ 31 ꓠꓬꓲ ꓕꓯ ꓬꓰ ꓓꓳ ꓡꓰꓳ=

ꓢꓯꓼ ꓖꓶˍ ꓟ ꓖꓳ ꓟ ꓗꓪ ꓗꓟꓢꓢ ꓟꓲ-ꓚꓲ-ꓠ ꓟꓬꓱꓽ ꓗꓪ ꓧꓳꓽ ꓣꓱꓽ ꓔꓬ ꓟ ꓔꓲꓺ ꓒ ꓑꓮꓴꓡ ꓗꓲꓠꓢꓮ ꓔꓴ ꓮꓴꓠꓖ꓾ ꓪꓮꓲ ꓟꓮꓪ ꓔꓲꓺ ꓒ ꓡꓴꓚꓴꓢ ꓡꓮꓦꓰꓠ ꓓꓮꓴ ꓧꓗꓮꓪꓠꓖ ꓐꓰ ꓟꓲ-ꓚꓲ-ꓠ ꓔꓲꓺ ꓒ ꓓꓽ ꓙꓵꓽ ꓔꓶꓸ ꓗꓪ ꓐꓰ ꓔꓲ ꓒ Msgr ꓔꓲꓺ ꓒ ꓓr.ꓑꓰꓔꓰꓣ ꓧꓗꓮ ꓮꓴꓠꓖ ꓔꓴ ꓐꓴ ꓡꓰ ꓙꓰ ꓢꓲ ꓢꓯꓼ ꓖꓶ ꓪ ꓖꓶ ꓗꓷꓳ=

“ꓞꓳ ꓤ ꓕꓲ ꓣꓳ ꓪꓴꓽ ꓡ ꓟꓴ ꓡ ꓠꓹ ꓟ ꓠꓬ ꓚꓲꓸ ꓛꓬ ꓖꓳ ꓓꓱꓽ ꓢꓯꓼ ꓕꓵꓼ ꓠ ꓗꓹˍ ꓟ ꓥ ꓡꓳ= ꓟꓯꓼ ꓛꓰꓹ ꓑꓬ ꓔꓶꓸ ꓗꓪ ꓔꓬꓹ ꓐꓯˍ ꓥ ꓟꓲ ꓢꓯꓼ ꓕꓵꓼ ꓗꓴꓸ ꓠ ꓗꓹ ꓡꓳ= ꓢꓴ ꓔꓯ ꓡꓰꓽ ꓦ ꓡꓱ ꓟꓽ ꓓ= ꓝꓮꓲ ꓙꓵꓻ ꓠꓲꓹ ꓗꓪˍ ꓟꓲ ꓢꓯꓼ ꓕꓵꓼ ꓠ ꓔ ꓥ= ꓪꓴ-ꓢ ꓠꓬ ꓮꓽ ꓟ ꓔꓯˍ ꓟꓲ ꓟꓽ ꓡꓳ ꓔ꓾” ꓐꓰ ꓔꓲ ꓒ ꓑꓰꓔꓰꓣ ꓡꓰ ꓐꓯ ꓡꓳ=

ꓕꓱ ꓞꓳ ꓦꓲꓻ 34 ꓦꓲꓻ ꓐꓴ ꓔꓯ ꓗꓟꓢꓢ ꓟꓲ-ꓚꓲ-ꓠ ꓡꓰ ꓢꓯꓼ ꓕꓵꓼ ꓢꓲ 2022 ꓘꓳꓼ ꓗꓪ ꓔꓬꓹ ꓖꓴ ꓦꓲꓻ ꓟꓶ ꓡꓰ ꓠꓹ ꓟ ꓬꓰ ꓙ ꓖꓶ ꓗꓷ ꓟ ꓥ ꓡꓳ=

ꓟꓯꓼ ꓛꓰꓹ ꓑꓬ ꓔꓶꓸ ꓗꓪ ꓐꓰ ꓥˍ ꓟꓲ “ꓗꓳꓸ ꓗꓷ ꓟ 12 ꓘꓳꓼ ꓕꓯ ꓡꓰ ꓬꓲ ꓫꓵꓽ ꓬꓲ ꓙꓰꓽ ꓬꓰ ꓙ ꓗꓷ ꓟ ꓗꓟꓢꓢ ꓟꓲ-ꓚꓲ-ꓠ ꓔꓯ ꓮ ꓘꓶꓸ ꓫꓸ ꓟꓳˍ ꓡꓳ= ꓮ ꓟꓶ ꓟ ꓡꓰ ꓦꓲꓻ ꓫꓬꓹ ꓖꓶ ꓡˍ ꓟ ꓐꓱ ꓶ ꓐꓯ ꓟꓽ ꓗꓴꓸ ꓠ ꓛꓲ ꓫꓸ ꓟꓳˍ ꓡꓳ꓾” ꓐꓰ ꓬꓲ ꓪ ꓐꓴ ꓡꓰ ꓐꓯ ꓗꓷꓳ=