ꓟꓯ-ꓙꓯ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓤ ꓠꓱ ꓤ ꓐꓴ ꓔꓯ ꓢꓳ ꓜꓲꓼ ꓓꓴ ꓕꓲ ꓟ ꓬꓰ ꓖꓶ ꓓꓳꓻ ꓡꓰꓳ

ꓟꓯ-ꓙꓯ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓤ ꓠꓱ ꓤ ꓐꓴ ꓔꓯ ꓢꓳ ꓜꓲꓼ ꓓꓴ ꓕꓲ ꓟ ꓬꓰ ꓖꓶ ꓓꓳꓻ ꓡꓰꓳ

ꓐ-ꓟꓮꓪ ꓢ-ꓢꓶ-ꓠꓽ꓾ ꓟꓯ-ꓙꓯ ꓔꓲꓺ ꓒ ꓙꓵꓽ ꓔꓶꓸ ꓗꓪ 2022ꓘꓳꓼ 10 ꓦ 11 ꓠꓬꓲ꓾ ꓮ ꓟꓰ ꓕꓯ ꓘꓴ ꓜꓲꓼ ꓞꓳ ꓗꓪ ꓟ ꓤ ꓠꓱ ꓤ ꓐꓴ ꓐꓱ ꓶ ꓢꓳ ꓜꓲꓼ ꓓꓴ ꓬꓰ ꓖꓶ ꓓꓳ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓢꓳ ꓜꓲꓼ ꓓꓴ ꓕꓱ ꓟ ꓠꓬ ꓟꓯ-ꓙꓯ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓟ ꓔꓲꓺ ꓒ ꓡꓴꓗꓰ ꓡꓮꓑꓧꓮꓲ ꓧꓗꓮ ꓡꓲ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ꓾ ꓙꓲꓻ ꓫꓬ ꓢꓴ ꓬꓳ-ꓢꓷ ꓪꓽ ꓘꓴ ꓦꓲ ꓗꓪ ꓠꓯꓼ 8ꓽ00 ꓙꓵꓹ ꓗꓪ ꓐꓰ ꓟꓶꓽ ꓘꓶꓼ 4ꓽ00 ꓙꓵꓹ ꓗꓪ ꓛꓲꓺ ꓢꓳ ꓜꓲꓼ ꓓꓴ ꓬꓰ ꓗꓷ ꓟ ꓥ ꓡꓳ=

ꓠꓯꓼ 11ꓽ00 ꓙꓵꓹ ꓕꓯ ꓟꓲ-ꓢ ꓬꓰ ꓪꓽ ꓘꓴ ꓗꓷ ꓢꓲ ꓟꓶꓽ ꓘꓶꓼ 4ꓽ00 ꓙꓵꓹ ꓕꓯ ꓠꓬ ꓢꓲꓽ ꓫꓬ ꓖꓳꓽ ꓓꓱꓽ ꓔꓯ ꓪꓽ ꓘꓴˍ ꓟ ꓬꓰ ꓗꓷ ꓢꓲ ꓢꓳ ꓜꓲꓼ ꓓꓴ ꓔꓯ ꓠꓽ ꓗꓷꓳ=

ꓢꓳ ꓜꓲꓼ ꓓꓴ ꓗꓪ ꓡ ꓗꓷ ꓟ ꓟꓯ-ꓙꓯ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓟ ꓧꓳꓡꓬ ꓚꓧꓲꓡꓓꓧꓳꓳꓓ ꓤ ꓠꓱ ꓤ 300 ꓣꓳ ꓟꓽ ꓛꓲ ꓔꓯ ꓔꓲꓺ ꓟ ꓐꓴ꓾ ꓐ-ꓣ-ꓓ ꓐꓴ꓾ ꓟꓸ ꓒ ꓟꓸ ꓟ ꓐꓴ ꓡꓰ ꓟꓸ ꓖꓶ ꓗꓷꓳ꓾ ꓐꓰ ꓢꓷꓸ ꓪ ꓡꓳ=