ꓟꓰꓫꓲꓚꓳ ꓗꓴꓷꓼ ꓗꓪ ꓢꓰꓼ ꓡꓯꓽ ꓘꓳ ꓓꓴ ꓮ ꓟꓬ, ꓙꓳˍ ꓟ ꓪꓴ. ꓠꓬꓲ ꓔꓲꓺ ꓒ ꓓꓽ ꓐꓴ ꓡꓰ ꓗꓴꓷꓼ ꓘꓴꓽ ꓗꓪ ꓢꓲ ꓡꓲ, ꓟꓶ ꓠ, ꓟ ꓐꓱ ꓶ ꓪꓽ ꓘꓴ ꓙ ꓠ, ꓟ ꓐꓱ ꓶ ꓓꓰꓽ ꓔ ꓟ ꓓꓳꓽ

8 ꓦ ꓟ 18 ꓠꓬꓲ 2023 ꓘꓳꓼ ꓕꓯ MEXICO  ꓗꓴꓷꓼ ꓗꓪ ꓠꓬ ꓢꓰꓼ ꓡꓯꓽ ꓘꓳ ꓓꓴ ꓮ ꓟꓬ, ꓙꓳˍ ꓟ ꓪꓴ. ꓠꓬꓲ ꓗꓴꓷꓼ ꓘꓴꓽ ꓗꓪ ꓢꓲ ꓡꓲ, ꓟꓶ ꓠ, ꓟ ꓔꓲꓺ ꓒ ꓓꓽ ꓐꓴ ꓡꓰ ꓪꓽ ꓘꓴ ꓙ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ 2018 ꓘꓳꓼ 12 ꓦ ꓗꓪ ꓛꓲ ꓞꓳ ꓤ ꓢꓰꓼ ꓗꓷ ꓟ (131507) ꓣꓳ ꓔꓯ ꓟꓽ ꓙꓲˍ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓥ ꓡꓳ꓿ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓟꓽ ꓙꓲˍ ꓢꓴ ꓐꓴ ꓡꓰ ꓤ ꓟꓶ ꓤ ꓕꓲ ꓣꓳ ꓔꓯ ꓣꓴ ꓔ ꓢꓲ ꓠꓬꓲ ꓒꓴ ꓞꓼ ꓞꓼ ꓟꓽ ꓖꓶ ꓟ ꓪꓴ. ꓠꓬꓲ ꓢꓰꓼ ꓗꓷ ꓟ ꓦꓲꓓꓰꓳ ꓠꓬ ꓳꓠꓡꓲꓠꓰ ꓕꓯ ꓢꓲ ꓗꓪ ꓮ ꓘꓶ. ꓛꓲ ꓠꓲ, ꓟ ꓟꓽ ꓢ ꓓꓴ ꓗꓷ ꓡꓰ ꓟ ꓥ ꓡꓳ꓿ ꓝꓮꓲ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓢꓳꓻ ꓦꓲꓻ ꓗꓪ ꓟ. ꓔ ꓢꓴ ꓟ. ꓒ ꓟ. ꓟ ꓐꓴ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓒꓴ ꓓꓰꓽ ꓟ ꓚꓱ, ꓮ ꓟꓬ, ꓛꓲ ꓙꓳ ꓟ ꓔꓯ ꓡꓳ. ꓟꓳ ꓪ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓡꓰ ꓟꓰꓫꓲꓚꓳ ꓗꓴꓷꓼ ꓗꓪ ꓢꓲ ꓡꓲ, ꓟꓶ ꓠ, ꓟ ꓚꓱ, ꓔꓯ ꓢꓷ. ꓠꓲ, ꓖꓶ ꓠ, ꓟ ꓐꓰ ꓞꓳ ꓡꓯ. ꓐꓴ ꓡꓰ ꓪꓽ ꓘꓴ ꓟ ꓙꓵ, ꓗꓪ ꓐ ꓠ, ꓟ ꓘꓴˍ ꓔ ꓟ ꓥ ꓡꓳ꓿ 2022 ꓘꓳꓼ ꓕꓯ ꓙꓰꓢꓴꓲꓔ ꓜꓴꓻ ꓗꓪ ꓐꓰ ꓔꓲꓺ ꓒ ꓠꓬꓲ ꓣꓳ ꓔꓯ ꓟꓽ ꓙꓲˍ ꓢꓴ ꓐꓴ ꓡꓰ ꓢꓰꓼ ꓗꓷ ꓗ. ꓠꓯ ꓢꓲ ꓡꓲ ꓟꓶ ꓠ, ꓟ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓪꓽ ꓘꓴ ꓟ ꓙꓵ, ꓔꓯ ꓬꓰ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓰꓫꓲꓚꓳ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓡꓰ ꓗꓴꓷꓼ ꓘꓴꓽ ꓗꓪ ꓢꓲ ꓡꓲ, ꓟꓶ ꓠ, ꓟ ꓮ ꓟꓬ, ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓐꓯ ꓔ ꓡꓳ ꓐꓰ (Catholic News Agency) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿