ꓟꓲ‐ꓚꓲ‐ꓠ ꓡꓳ ꓒꓱ ꓙ‐ꓟ‐ꓗꓳ ꓙ ꓖꓴ ꓗꓪ ꓟꓳ‐ꓕꓳ (ꓢ‐ꓗꓰ) ꓙꓵꓽ ꓗꓷ ꓟ ꓪꓴ. ꓠꓬꓲ ꓢꓳꓻ ꓤ ꓙꓳꓻ ꓟ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ

ꓟꓲ‐ꓚꓲ‐ꓠ ꓡꓳ ꓒꓱ  ꓙ‐ꓟ‐ꓗꓳ ꓙ ꓖꓴ ꓗꓪ ꓟꓳ‐ꓕꓳ (ꓢ‐ꓗꓰ) ꓙꓵꓽ ꓗꓷ ꓟ ꓪꓴ. ꓠꓬꓲ ꓢꓳꓻ ꓤ ꓙꓳꓻ ꓟ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ

11 ꓦ ꓟ 1 ꓠꓬꓲ 2022 ꓘꓳꓼ ꓕꓯ ꓟꓲ‐ꓚꓲ‐ꓠ ꓡꓳ ꓒꓱ ꓙ‐ꓟ‐ꓗꓳ ꓙ ꓖꓴ ꓗꓪ ꓟꓳ‐ꓕꓳ (ꓢ‐ꓗꓰ) ꓙꓵꓽ ꓗꓷ ꓟ ꓪꓴ. ꓠꓬꓲ ꓢꓳꓻ ꓤ  ꓙꓳ ꓟ ꓕꓲ ꓣꓳ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ ꓢꓳꓻ ꓤ ꓙꓳꓻ ꓟ ꓠꓬ ꓬꓲ. ꓕꓳꓽ ꓶ ꓢꓳꓻ ꓔꓬ ꓟ ꓟꓬ‐ꓟꓲꓼ ꓘ, ꓗꓪ ꓡꓽ ꓙꓰ ꓟ ꓙꓵ, ꓕꓯ ꓟꓳ‐ꓕꓳ ꓢ‐ꓗꓰ ꓗꓪ ꓐꓰ ꓙꓵꓽ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

 ꓫꓵꓻ ꓡꓰ ꓢꓴ ꓢꓳꓻ ꓤ  ꓙꓳꓻ ꓟ ꓠꓬ ꓗ‐ꓐꓴ‐ꓓ ꓚꓳꓚ ꓚꓮꓟꓑ ꓗꓪ ꓔꓬ ꓢꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ꓢꓳꓻ ꓤ ꓙꓳ ꓟ ꓔꓯ ꓙꓵꓽ ꓗꓷ ꓢꓴ ꓐꓴ ꓠꓬ ꓢꓳꓻ ꓤ ꓙꓳ ꓟ ꓔꓯ ꓠꓯꓺ ꓞꓲꓼ ꓦꓲꓻ ꓗꓪ ꓟꓽ ꓧꓳꓽ ꓙꓰ ꓡ ꓙꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓢꓳꓻ ꓤ ꓙꓳꓻ ꓟ ꓠꓬ ꓢ‐ꓗꓰ ꓙꓵꓽ ꓗꓷ ꓟ ꓬꓲ. ꓔꓶ. ꓗꓪ ꓟꓶ ꓫꓵꓺ ꓫꓵꓺ ꓔꓬ ꓗꓷ ꓟ ꓪꓴ. ꓠꓬꓲ ꓠꓯꓺ ꓞꓲꓼ ꓦꓲꓻ ꓛꓲ ꓡꓰ ꓕꓯ ꓫꓵꓻ ꓡꓰ ꓟ ꓥ ꓡꓳ  ꓐꓰ ꓐꓯ ꓔ ꓡꓳ꓿  ꓫꓵꓻ ꓡꓰ ꓢꓳꓻ ꓤ ꓙꓳꓻ ꓟ ꓐ, ꓐ ꓡꓰ ꓐꓯ ꓔ ꓟ ꓠꓬ ꓡ ꓞꓳ ꓔꓯ ꓠꓵꓻ ꓠꓲ, ꓡꓰ ꓬꓰ ꓙ ꓠ, ꓟ ꓠꓲ, ꓫꓵˍ ꓡꓳ꓿ ꓢ‐ꓗꓰ ꓙꓵꓽ ꓗꓷ ꓢꓴ ꓐꓴ ꓔꓯ ꓫꓵꓽ ꓟꓽ ꓕꓱ ꓐꓯ ꓔ ꓡꓳ꓿