ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓗꓷ ꓟ ꓪꓴꓸ ꓠꓬꓲ ꓗ-ꓬꓸ ꓗꓴꓷꓼ ꓫꓴꓻ ꓗꓪ ꓟ ꓟꓯꓼ ꓘꓰꓹ ꓑꓬ ꓢꓴ ꓐꓴ ꓬꓰ ꓙ ꓔꓳꓹ ꓙˍ ꓟ ꓠꓲꓹ ꓞ ꓣꓱꓽ ꓞꓹ ꓔꓬ ꓟ

ꓟꓶꓽ ꓦ ꓦ ꓢꓲ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴꓸ ꓠꓬꓲ ꓗ-ꓬꓸ ꓗꓴꓷꓼ ꓫꓴꓻ ꓒꓯ-ꓘꓳ ꓡꓳ ꓒꓱ ꓐꓰ ꓩ-ꓣꓴ-ꓢꓳ ꓡꓳ ꓒꓱ ꓗꓪ ꓙꓳˍ ꓟ ꓟꓯꓼ ꓘꓰꓹ ꓑꓬ ꓔꓶꓸ ꓗꓪ ꓑꓲꓸ ꓔ ꓟ ꓟꓳꓸ-ꓗ ꓧꓽ ꓡꓰ ꓐꓬ ꓡꓰ ꓟ ꓪꓴꓸ ꓠꓬꓲ ꓠꓲꓹ ꓞ ꓬꓰ ꓙ ꓔꓳꓹ ꓙˍ ꓟ ꓣꓱꓽ ꓞꓹ ꓔꓬ ꓡꓳ꓾ ꓐꓰ ꓢꓷ ꓪˍ ꓡꓳ=

ꓟꓶꓽ ꓦ ꓓꓽ ꓟ ꓦ ꓗꓷ ꓟ ꓪꓴꓸ ꓠꓬꓲ ꓦ ꓐ ꓛꓳꓼ ꓟ ꓛꓲꓺ ꓣꓱꓽ ꓗꓷ ꓟ ꓟꓳꓸ-ꓗ ꓠꓬ ꓐꓬ ꓡꓰ ꓛꓵꓽ ꓡꓰ ꓟ ꓪꓴꓸ ꓠꓬꓲ ꓑꓲꓸ ꓓꓴ ꓐꓰ ꓦꓬꓽ ꓕꓳꓹ ꓔꓶꓸ ꓓꓴ ꓣꓱꓽ ꓞꓹ ꓔꓬ ꓡꓳ꓾ ꓐꓰ ꓟꓯꓼ ꓘꓰꓹ ꓑꓬ ꓔꓶꓸ ꓗꓪ ꓬꓰ ꓙ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓡꓳ= ꓬꓲ ꓪ ꓐꓴ ꓐꓱ ꓶ ꓠꓯꓻ ꓞꓲꓼ ꓥˍ ꓟꓲ ꓣꓱꓽ ꓞꓹ ꓔꓬ ꓟ ꓡꓰꓽ ꓟꓽ ꓞꓲꓺ ꓣꓱꓽ ꓫꓵꓽ ꓣꓱꓽ ꓙꓰꓽ ꓐꓰ ꓜ ꓒꓴꓻ꓾ ꓧꓪꓽ ꓞꓶꓻ ꓐꓰ ꓞꓼ ꓐꓳ ꓐꓴ ꓥˍ ꓟꓲ ꓣꓱꓽ ꓞꓹ ꓔꓬ ꓡꓳ꓾ ꓐꓰ ꓬꓲ ꓡꓰ ꓐꓯ ꓡꓳ=

ꓗ-ꓬꓸ ꓗꓴꓷꓼ ꓫꓴꓻ ꓗꓪ ꓠꓬ ꓗꓳꓸ ꓗꓷ ꓟ 2021 ꓘꓳꓼ 5 ꓦ ꓕꓯ ꓡꓰ ꓪꓴꓸ ꓔꓴ ꓢꓲ ꓟꓯꓼ ꓐꓴ ꓗꓪ ꓐꓰ ꓐꓳꓽ ꓓ ꓟ ꓐꓶ ꓗꓷ ꓟ ꓪꓴꓸ ꓠꓬꓲ ꓟꓯꓼ ꓐꓰ ꓑ ꓫꓬ ꓠꓬꓲꓽ ꓛꓱꓽ ꓢꓰꓼ ꓡꓯ ꓘꓳˍ ꓟ ꓓꓳ ꓡ ꓢꓲ ꓑ ꓫꓬ ꓠꓬꓲꓽ ꓫꓬꓹ ꓣꓳ ꓛꓲꓺ ꓘꓰꓹ ꓑꓬ ꓔꓬ ꓪˍ ꓟ ꓥ ꓡꓳ꓾ ꓐꓰ The 74 Media ꓓꓳꓽ ꓗꓪ ꓐꓯ ꓔ ꓡꓳ=