ꓟꓲ-ꓚꓲ-ꓠ ꓔ-ꓠꓮꓲꓹ ꓡꓲ-ꓓꓳ ꓙ ꓖꓴ ꓕꓲ ꓐꓱ ꓗꓪ ꓮ ꓟꓬꓹ ꓐꓬ ꓡꓰꓳ

Credit : Kachin News Group
Wednesday, August 23, 2023

ꓗ-ꓛꓲ ꓗꓴꓷꓼ ꓫꓴ꓾ ꓟꓲ-ꓚꓲ-ꓠ ꓡꓳ ꓒꓱ ꓐꓰ ꓔ-ꓠꓮꓲꓹ ꓡꓳ ꓒꓱ ꓔꓯ ꓝꓸ ꓔ ꓟ ꓡꓲ-ꓓꓳ ꓙ ꓖꓴ ꓓꓽ ꓟ ꓕꓲ ꓐꓱ ꓗꓪ ꓙ ꓖꓴ ꓮ ꓟꓬꓹ ꓐꓬ ꓡꓰꓳ꓾ ꓐꓰ ꓟꓳ-ꓓꓳ ꓫꓵꓸ ꓢꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ=

ꓛꓲ ꓠꓬꓲꓹ ꓕꓲ ꓘꓳꓼ 6 ꓦ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓶꓽ ꓦ ꓟꓽ ꓠꓽ ꓠꓽ ꓦ ꓩꓴ ꓡ ꓔꓬ ꓟ ꓑꓶꓸ ꓓꓴ ꓙ ꓖꓴ ꓕꓲ ꓐꓱ ꓐꓬ ꓡꓰˍ ꓟ ꓗꓪ ꓐꓰ ꓮ ꓟꓶ ꓗꓪ ꓛꓲ ꓫꓬꓹ ꓟꓽ ꓐ ꓡ ꓟ ꓪꓴꓸ ꓠꓬꓲ ꓕꓲ ꓠꓬꓲ ꓔꓬ ꓕꓲ ꓠꓬꓲ ꓪ ꓜꓲ ꓐꓬ ꓡꓰ ꓔꓬ ꓡꓳ꓾ ꓐꓰ ꓔ-ꓠꓮꓲꓹ ꓡꓳ ꓒꓱ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓙ ꓖꓴ ꓟꓬꓽ ꓠꓬꓲ ꓐꓬ ꓡꓰ ꓟ ꓠꓬ ꓔ-ꓠꓮꓲꓹ ꓡꓳ ꓒꓱ ꓘꓴꓽ ꓗꓪ ꓟ ꓬꓴ-ꓤ-ꓠ ꓗꓳ-ꓑ-ꓠꓲ ꓙꓳˍ ꓟ ꓕꓲ ꓚꓱꓹ ꓗꓪ ꓥ ꓢꓲ꓾ ꓙ ꓖꓴ ꓫꓵꓺ ꓙ ꓡꓳ-ꓔ (1) ꓕꓷꓹ ꓟꓽ ꓞꓲꓺ ꓗꓪ ꓛꓲ ꓐꓬ ꓡꓰ ꓟ ꓥ ꓡꓳ꓾ ꓐꓰ ꓡꓳ ꓒꓱ ꓢꓴ ꓐꓴ ꓡꓰ ꓐꓯ ꓡꓳ=

ꓕꓱ ꓟˍ ꓡꓰ ꓐꓰ ꓔ-ꓠꓮꓲꓹ ꓡꓳ ꓒꓱ ꓐꓰ ꓫꓲ-ꓐꓪꓰ-ꓬꓯ ꓡꓳ ꓒꓱ ꓠꓬꓲꓽ ꓗꓴꓸ ꓚꓸꓼ ꓗꓪ ꓟ ꓡꓲ-ꓓꓳ ꓙ ꓖꓴ ꓥˍ ꓟꓲ ꓛꓲ ꓠꓬꓲꓹ ꓕꓲ ꓘꓳꓼ ꓟꓶꓽ ꓦ ꓦ ꓝꓲꓸ ꓗꓪ ꓙ ꓖꓴ ꓮ ꓘꓶꓸ ꓐꓬ ꓡꓰ ꓢꓲ ꓙ ꓖꓴ ꓫꓬꓹ ꓟꓽ ꓐ ꓡ ꓟ ꓑꓶꓸ ꓓꓴ ꓣꓱꓽ ꓫꓵꓽ ꓣꓱꓽ ꓙꓰꓽ ꓬꓲ ꓒꓵꓽ ꓥˍ ꓟꓲ ꓮ ꓟꓬꓹ ꓓꓯꓻ ꓙꓰꓳ꓾ ꓐꓰ ꓢꓷꓸ ꓪ ꓡꓳ=

Add new comment

6 + 12 =

Quick Links