ꓟꓲ-ꓚꓲ-ꓠ ꓗꓪ ꓐꓹ ꓐ ꓐꓰ ꓤ ꓠꓬꓲꓽ ꓑꓸ ꓡ ꓬꓲꓻ ꓙꓬ ꓘꓴ ꓗꓪ ꓞꓰꓻ ꓫꓵꓻ ꓟ

ꓗ-ꓛꓲ ꓗꓴꓷꓼ ꓫꓴ꓾ ꓟꓲ-ꓚꓲ-ꓠ ꓡꓳ ꓒꓱ꓾ ꓠꓮꓴꓠꓖ-ꓠꓮꓠ ꓞꓳ ꓘꓹ ꓜꓴꓻ꓾ ꓡ-ꓟꓬꓮꓠ ꓘꓹ ꓗꓪ 2023 ꓘꓳꓼ꓾ 5 ꓦ 9 ꓠꓬꓲ ꓠꓯꓼ 10ꓽ00 ꓙꓵꓹ ꓛꓲꓺ ꓕꓯ ꓐꓹ ꓐ ꓐꓰ ꓤ ꓠꓬꓲꓽ ꓑ ꓡ ꓬꓲꓻ ꓙꓬ ꓘꓴ ꓘꓴꓽ ꓗꓪ ꓞꓰꓻ ꓫꓵꓳ꓾ ꓐꓰ ꓢꓷꓸ ꓪ ꓡꓳ=

ꓫꓵꓻ ꓢꓴ ꓠꓬꓲꓽ ꓑ ꓡ ꓠꓬ ꓬꓲꓻ ꓙꓬ ꓫꓱ ꓡꓰ ꓟ ꓪꓴꓸ ꓠꓬꓲ ꓬꓲꓻ ꓙꓬ ꓘꓴ ꓘꓴꓽ ꓗꓪ ꓟ ꓬꓲꓻ ꓙꓬ ꓔꓯ ꓚꓵꓹ ꓓꓳ ꓠꓹ ꓟ ꓬꓰ ꓔꓬ ꓕꓯ ꓞꓰꓻ ꓫꓵꓻ ꓟ ꓥ ꓡꓳ= ꓬꓲꓻ ꓙꓬ ꓘꓴ ꓖꓳ ꓟ ꓠꓬ 40’ ꓟꓽ ꓞꓲꓺ ꓠꓯꓸˍ ꓟ ꓥ ꓢꓲ ꓬꓲꓻ ꓙꓬ ꓚꓵꓹ ꓓꓳ ꓠꓹ ꓟ ꓬꓰ ꓔꓬ ꓕꓯ ꓤ ꓠꓬ ꓬꓲꓻ ꓙꓬ ꓘꓴ ꓘꓴꓽ ꓗꓪ ꓞꓰꓻ ꓡꓰ ꓠꓬꓲ꓾ ꓬꓲ ꓐꓹ ꓐ ꓡꓰ ꓓꓵꓽ ꓙꓰ ꓢꓲ ꓬꓰ ꓙ ꓠꓹ ꓟ ꓬꓰˍ ꓕꓯ ꓐꓹ ꓐ ꓣꓱꓽ ꓢꓴ ꓥˍ ꓟꓲ ꓞꓰꓻ ꓓꓵꓽ ꓡꓰ ꓢꓲ ꓫꓵꓻ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=