ꓟꓲ-ꓚꓲ-ꓠ ꓡꓳ ꓒꓱ ꓠꓮꓠ-ꓗꓪꓰꓸ ꓬꓲꓻ ꓙꓬ ꓗꓪ ꓬꓲꓻ ꓙꓬ ꓗꓽ ꓠꓯꓹ ꓔꓬ ꓢꓴ ꓠꓬꓲ: ꓣꓳ ꓬꓲꓻ ꓙꓬ ꓔꓲꓹ ꓫꓵꓻ ꓢꓲ ꓫꓵꓻ ꓟꓳ ꓕꓲ ꓟ ꓟꓳ ꓡꓰ ꓟ ꓓꓳꓽ

7 ꓦ 7 ꓠꓬꓲ 2022 ꓘꓳꓼ ꓮ ꓟꓰ ꓕꓯ꓾ ꓗ-ꓛꓲ ꓗꓴꓷꓼ ꓫꓴ ꓟꓲ-ꓚꓲ-ꓠ ꓡꓳ ꓒꓱ ꓘꓴꓽ ꓗꓪ ꓟ ꓠꓮꓠ-ꓗꓪꓰꓸ ꓬꓲꓻ ꓙꓬ ꓗꓪ ꓬꓲꓻ ꓙꓬ ꓗꓽ ꓠꓯꓹ ꓔꓬ ꓢꓴ ꓠꓬꓲꓽ ꓣꓳ ꓠꓬ ꓟꓶꓽ ꓘꓶꓼ 4 ꓙꓵꓹ ꓛꓲꓺ ꓕꓯ ꓬꓲꓻ ꓙꓬ ꓔꓲꓹ ꓫꓵ ꓟ ꓥ ꓡꓳ꓾ ꓐꓰ ꓬꓲ ꓪ ꓕꓲ ꓦꓲꓻ ꓢꓴ ꓐꓰ ꓖꓳ ꓗꓪ ꓬꓲꓻ ꓙꓬ ꓗꓽ ꓠꓯꓹ ꓔꓬ ꓢꓴ ꓐꓴ ꓡꓰ ꓐꓯ ꓡꓳ=

ꓬꓲ ꓪ ꓠꓬ ꓥꓪꓽ ꓣꓳ ꓕꓲ ꓜꓴꓻ ꓥ ꓢꓲ ꓠꓬꓲ꓾ ꓟꓶꓽ ꓘꓶꓼ 4 ꓙꓵꓹ ꓛꓲꓺ ꓕꓯ ꓬꓲ ꓮ ꓝꓲ ꓦꓲꓻ ꓢꓲꓺ ꓒ ꓠꓬ ꓬꓲꓻ ꓙꓬ ꓗꓪ ꓐꓴ ꓬꓰ ꓟ ꓪꓴꓸ ꓠꓬꓲ ꓬꓲ ꓠꓬꓲꓸ ꓤ ꓡꓰ ꓚꓬꓴꓸ ꓙ ꓠꓹ ꓟ ꓬꓰˍ ꓟ ꓗꓪ ꓬꓲ ꓥ ꓟꓲ ꓬꓲꓻ ꓙꓬ ꓗꓪ ꓐꓴ ꓙꓰ ꓟ ꓥ ꓡꓳ= ꓟꓶꓽ ꓘꓶꓼ 7 ꓙꓵꓹ ꓛꓲꓺ ꓕꓯ ꓬꓲ ꓮ ꓝꓲꓸ ꓦꓲꓻ ꓢꓲꓽ ꓒ ꓫꓵꓻ ꓟꓳ ꓛꓲꓺ ꓡˍ ꓥ ꓟꓲ꓾ ꓬꓲ ꓠꓬꓲ ꓤ ꓧꓪꓽ ꓖꓳ ꓓꓱ ꓔꓯ ꓠꓽ ꓟꓽ ꓟꓳꓻ ꓡꓰ ꓢꓰꓽ꓾ ꓬꓲ ꓮ ꓝꓲ ꓠꓬꓲ ꓣꓳ ꓐꓰ ꓬꓲ ꓐꓹ ꓐ ꓟꓹ ꓟ ꓐꓴ ꓠꓬ ꓬꓲꓸ ꓡꓰ ꓢꓲ ꓟꓽ ꓧꓪꓸ ꓛꓲꓽ ꓡ ꓢꓰꓽ꓾ ꓐꓰ Manau Voice ꓗꓪ ꓐꓯ ꓔ ꓡꓳ=

ꓠꓮꓠ-ꓗꓪꓰ. ꓬꓲꓻ ꓙꓬ ꓗꓪ 2021 ꓘꓳꓼ ꓗꓪ ꓥˍ ꓟꓲ ꓬꓲꓻ ꓙꓬ ꓗꓽ ꓠꓯꓹ ꓫꓵꓻ ꓢꓴ ꓐꓴ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=