Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓲ-ꓚꓲ-ꓠ ꓡꓳ ꓒꓱ ꓣꓯ-ꓑꓴ ꓘꓹ ꓗꓪ ꓬꓯꓼ ꓒꓲꓸ ꓐꓰ ꓬꓲꓼ ꓫꓵꓽ ꓬꓲꓼ ꓙꓰꓽ ꓜꓽ ꓓꓳˍ ꓟ ꓑꓶꓸ ꓓꓴ ꓠꓬꓲꓽ ꓫꓵꓽ ꓠꓽ ꓗꓪ ꓕꓲ ꓣꓳ ꓛꓲꓺ ꓫꓵꓻ ꓔꓬ ꓡꓳ
Wednesday, June 21, 2023
ꓗ-ꓛꓲ ꓗꓴꓷꓼ ꓫꓴ꓾ ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓬꓲ ꓞꓲꓼ 20 ꓘꓳꓼ ꓟꓽ ꓞꓲꓺ ꓟ ꓞꓳ ꓡꓱ ꓐꓴ ꓠꓬ ꓬꓯꓼ ꓒꓲꓸ ꓐꓰ ꓬꓲꓼ ꓫꓵꓽ ꓬꓲꓼ ꓙꓰꓽ ꓔꓯ ꓮ ꓟꓬꓹ ꓜꓽ ꓓꓳˍ ꓟ ꓑꓶꓸ ꓓꓴ ꓞꓳ ꓘꓹ ꓘꓴꓽ ꓗꓪ ꓠꓬꓲꓽ ꓠꓽ ꓗꓪ ꓕꓲ ꓣꓳ ꓛꓲꓺ ꓫꓵꓻ ꓢꓴ ꓙꓳˍ ꓡꓳ꓾ ꓐꓰ ꓞꓳ ꓘꓹ ꓗꓪ ꓔꓬ ꓟ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ=
ꓧꓶꓸ ꓕꓯ ꓕꓯ ꓠꓬ ꓣꓯ-ꓑꓴ ꓘꓹ ꓘꓴꓽ ꓗꓪ ꓬꓯꓼ ꓒꓲꓸ꓾ ꓬꓲꓼ ꓫꓵꓽ ꓬꓲꓼ ꓙꓰꓽ ꓪꓴꓻ ꓜꓽ ꓪꓴꓻ ꓓꓳˍ ꓟ ꓟꓽ ꓙꓳ ꓠꓹ ꓟ ꓞꓳ ꓘꓹ ꓢꓴ ꓐꓴ ꓡꓰ ꓡꓳꓽ ꓢꓲ ꓜꓽ ꓓꓳ ꓢꓴ꓾ ꓪꓴꓽ ꓢꓴ ꓐꓴ ꓔꓯ ꓣꓴ ꓢꓲ ꓝꓴꓲꓸ ꓖꓶꓽˍ ꓟ ꓬꓰˍ ꓟ ꓑꓶꓸ ꓓꓴ ꓮ ꓟꓬꓹ ꓠꓲꓸ ꓡꓰ ꓥ ꓟꓲ꓾ ꓮ ꓟꓶ ꓕꓯ ꓠꓬ ꓖꓳ ꓡꓱ ꓟꓽ ꓬꓰ ꓔꓬ ꓟ ꓑꓶꓸ ꓓꓴ ꓞꓳ ꓘꓹ ꓘꓴꓽ ꓗꓪ ꓬꓯꓼ ꓒꓲꓸ꓾ ꓬꓲꓼ ꓫꓵꓽ ꓬꓲꓼ ꓙꓰꓽ ꓪꓴꓽˍ ꓟ ꓮ ꓟꓬꓹ ꓟꓬꓽ ꓡˍ ꓡꓳ꓾ ꓐꓰ ꓬꓯꓼ ꓒꓲꓸ ꓬꓲꓼ ꓫꓵꓽ ꓬꓲꓼ ꓙꓰꓽ ꓜꓽ ꓓꓳˍ ꓟ ꓟꓽ ꓙꓳ ꓠ ꓬꓰ ꓗꓷ ꓟ ꓞꓳ ꓡꓱ ꓧꓳꓽ ꓣꓱꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ=
ꓖꓳ ꓟ ꓡꓰꓽ ꓟꓽ ꓞꓲꓺ ꓬꓯꓼ ꓒꓲꓸ ꓜꓽ ꓓꓳ ꓢꓴ ꓞꓳ ꓡꓱ ꓐꓴ ꓠꓬ ꓬꓲ ꓪ ꓮ ꓘꓶꓸ ꓢꓲꓼ ꓡ ꓕꓯ ꓓꓳ ꓓꓴ ꓛꓵꓼ ꓓꓴ ꓟꓶ ꓡ ꓠꓹ ꓟ ꓐꓱ ꓶ ꓒꓴꓻ ꓢ ꓢˍ ꓪˍ ꓟ ꓑꓧꓳꓠꓰ꓾ ꓢꓮꓲ-ꓗꓯ꓾ ꓒꓴ ꓦꓴꓻˍ ꓟ ꓐꓰ ꓘꓴꓽˍ ꓟ꓾ ꓮꓸ ꓕꓽ ꓔꓯꓹ ꓢꓲ ꓢꓴ ꓖꓴꓽ ꓙꓴꓽ ꓟꓽ ꓓ ꓟ ꓞꓽ ꓦꓴˍ ꓟ꓾ ꓕꓱ ꓟꓬ ꓫꓵꓽ ꓬꓰ ꓡ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=
ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓡꓰꓽ ꓟꓽ ꓞꓲꓺ ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓗꓪ ꓟ ꓡꓳ ꓒꓱ ꓮ ꓟꓬꓹ ꓗꓪˍ ꓟꓲ ꓬꓯꓼ-ꓒꓲꓸ ꓬꓲꓼ ꓫꓵꓽ ꓬꓲꓼ ꓙꓰꓽ ꓪꓴꓽ ꓢꓴ ꓐꓰ ꓜꓽ ꓓꓳ ꓢꓴ ꓮ ꓟꓬꓹ ꓟꓬꓽ ꓡ ꓔꓬ ꓟ ꓥ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment