ꓟꓲ-ꓚꓲ-ꓠ ꓢ-ꓢꓶꓽ-ꓠꓽ ꓗꓪ ꓟ ꓔꓲꓺ ꓒ ꓐꓴ 5 ꓠꓬꓲꓽ ꓡꓳꓽ ꓜꓲꓼ ꓪꓽ ꓘꓴ ꓓꓵꓽ ꓙˍ ꓟ ꓬꓰˍ ꓟ

ꓟꓲ-ꓚꓲ-ꓠ ꓢ-ꓢꓶꓽ-ꓠꓽ ꓗꓪ ꓟ ꓔꓲꓺ ꓒ ꓐꓴ 5 ꓠꓬꓲꓽ ꓡꓳꓽ ꓜꓲꓼ ꓪꓽ ꓘꓴ ꓓꓵꓽ ꓙˍ ꓟ ꓬꓰˍ ꓟ

ꓗ-ꓛꓲ ꓗꓴꓷꓼ ꓫꓴ꓾ ꓟꓲ-ꓚꓲ-ꓠ ꓡꓳ ꓒꓱ ꓮꓴꓠꓖ-ꓠꓮꓠ꓾ ꓙꓲꓻ ꓫꓬ ꓢꓴ ꓚꓳꓡꓴꓟꓐꓮꓠ ꓪꓽ ꓘꓴ ꓦꓲꓻ ꓗꓪ ꓟꓲ-ꓚꓲ-ꓠꓽ ꓢ-ꓢꓶꓽ-ꓠꓽ ꓗꓪ ꓟ ꓔꓲꓺ ꓒ ꓐꓴ ꓜꓲꓼ ꓡꓳꓽ ꓢꓲ ꓠꓬꓲ ꓪꓽ ꓘꓴ ꓓꓵꓽ ꓙˍ ꓟ ꓔꓯ 2022 ꓘꓳꓼ 12 ꓦ 4 ꓠꓬꓲ ꓟꓶꓽ ꓘꓶꓼ 7ꓽ30 ꓑꓟ꓾ ꓮ ꓟꓰ ꓟꓶꓽ ꓘꓶꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓠꓬꓲ ꓬꓰ ꓔꓬ ꓡꓳ=

ꓪꓽ ꓘꓴ ꓓꓵꓽ ꓙˍ ꓟ ꓔꓯ ꓠꓬ ꓬꓮꓠꓖꓳꓠ ꓢ-ꓢꓶꓽ-ꓠꓽ ꓗꓪ ꓐꓰ ꓔꓲꓺ ꓒ ꓓ Noel Saw Naw Aye ꓡꓰ ꓟꓲ-ꓢ ꓬꓰˍ ꓟ ꓠꓬ ꓔꓲꓺ ꓒ ꓣꓱꓽ ꓢꓴ ꓐꓴ ꓐꓱ ꓶ ꓮ ꓡꓰ ꓟꓬ ꓛꓲꓺ ꓬꓳꓸ ꓚꓵˍ ꓟ ꓔꓯ ꓬꓲ ꓕꓲꓽ ꓟꓴ ꓗꓷ ꓢꓲ ꓟꓸ ꓖꓶ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓔꓲ ꓒ ꓓꓽ Noel Saw Naw Aye ꓡꓰ ꓪꓽ ꓘꓴ ꓓꓵꓽ ꓙˍ ꓟ ꓗꓪ ꓔꓲꓺ ꓒ ꓐꓴ ꓠꓬ ꓪꓴ-ꓢ ꓐꓰ ꓕꓲ ꓪꓽ ꓙ ꓡꓯ ꓘꓳ ꓐ ꓡ ꓠ ꓛꓲꓺ ꓢꓯꓼ ꓕꓵꓼ ꓠꓹ ꓟ꓾ ꓔꓲꓺ ꓒ ꓓꓽ ꓐꓴ꓾ ꓔꓲꓺ ꓒ ꓐꓴ꓾ ꓝꓮꓲ ꓠꓬ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓐꓰ ꓕꓲ ꓪꓽ ꓙ ꓡꓯ ꓘꓳ ꓐ ꓡ ꓠꓹ ꓟ ꓢꓯꓼ ꓕꓵꓼ ꓠꓹ ꓟ ꓔꓯ ꓐꓯ ꓖꓶꓽ ꓗꓷꓳ=

ꓔꓲꓺ ꓒ ꓐꓴ ꓪꓽ ꓘꓴ ꓓꓵꓽ ꓙˍ ꓟ ꓪꓴꓸ ꓔꓴˍ ꓟ ꓗꓪ ꓔꓲꓺ ꓒ Cardinal Charles Bo ꓡꓰ ꓘꓶꓽ ꓒꓴ ꓘꓶꓽ ꓫꓸ ꓕꓱ ꓗꓷ ꓢꓲ꓾ ꓬꓲ ꓫꓸ ꓕꓱˍ ꓟ ꓗꓪ ꓔꓲꓺ ꓒ ꓐꓴ ꓔꓯ ꓚꓲꓸ ꓛꓬ ꓮ ꓣꓳ ꓜꓴꓻ ꓐꓴ ꓢꓯꓼ ꓔꓯ ꓠ ꓠꓹ ꓠꓹ ꓟ ꓐꓯ ꓗꓷ ꓢꓲ ꓪꓽ ꓘꓴ ꓓꓵꓽ ꓙˍ ꓟ ꓔꓯ ꓪꓴꓸ ꓔꓴ ꓗꓷꓳ=

ꓔꓲꓺ ꓒ ꓐꓴ ꓜꓲꓼ ꓡꓳꓽ ꓢꓲ ꓪꓽ ꓘꓴ ꓓꓵꓽ ꓙˍ ꓟ ꓗꓪ ꓟꓲ-ꓚꓲ-ꓠꓽ ꓢ-ꓢꓶꓽ-ꓠꓽ ꓗꓪ ꓟ ꓔꓲꓺ ꓒ 51 ꓣꓳ ꓐꓴ ꓡꓰ ꓔꓺ ꓗꓷ ꓟ ꓥ ꓢꓲ ꓠꓬꓲ꓾ ꓬꓲ ꓦꓬꓼ ꓠꓬꓲ ꓠꓬ 2022 ꓘꓳꓼ 12 ꓦ 4 ꓠꓬꓲ ꓟꓶꓽ ꓘꓶꓼ ꓗꓪ ꓐꓰ 12 ꓦ 8 ꓠꓬꓲ ꓟꓶꓽ ꓘꓶꓼ ꓗꓪ ꓛꓲꓺ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=