ꓟꓲ-ꓚꓲ-ꓠ ꓢ-ꓢꓶ-ꓠꓽ ꓗꓪ ꓢ-ꓢꓶ-ꓠꓽ ꓟꓵꓽ ꓬꓲ ꓫꓵꓼ ꓒ ꓓꓴ ꓥꓳ

ꓟꓲ-ꓚꓲ-ꓠ ꓢ-ꓢꓶ-ꓠꓽ ꓗꓪ ꓢ-ꓢꓶ-ꓠꓽ ꓟꓵꓽ ꓬꓲ ꓫꓵꓼ ꓒ ꓓꓴ ꓥꓳ

ꓟꓲ-ꓚꓲ-ꓠ ꓢ-ꓢꓶ-ꓠꓽ ꓗꓪ ꓡ ꓠꓹ ꓟ 2023 ꓘꓳꓼ꓾ 1 ꓦ 15 ꓠꓬꓲ ꓕꓯ ꓖ-ꓟꓶ-ꓓꓰ(ꓑꓴ-ꓔ-ꓳ) ꓔꓲꓺ ꓒ ꓙꓵꓽ ꓔꓶꓸ ꓘꓴꓽ ꓗꓪ ꓟ ꓛ-ꓖꓳ ꓟꓵꓽ (ꓘꓳ-ꓡ-ꓒꓶꓸ ꓡꓳ ꓒꓱ ꓙꓵꓽ ꓔꓶꓸ ꓘꓴꓽ ꓗꓪ ꓟ ꓕꓲ ꓟꓵꓽ) ꓔꓯ ꓔꓲꓺ ꓒ ꓙꓵꓽ ꓔꓶꓸ ꓢ-ꓢꓶ-ꓠꓽ ꓬꓲ ꓫꓵꓼ ꓒꓴ ꓠꓹ ꓟ ꓥ ꓡꓳ=

ꓢ-ꓢꓶ-ꓠ ꓟꓵꓽ ꓬꓲ ꓫꓵꓼ ꓕꓱ ꓟ ꓗꓪ ꓠꓬ ꓗ-ꓕꓳ-ꓡꓲꓗ ꓞꓳ ꓘꓹ 10 ꓟ ꓙꓳˍ ꓟ ꓥ ꓢꓲ꓾ ꓗ-ꓕꓳ-ꓡꓲꓗ ꓞꓳ ꓦꓲꓻ 90 ꓦꓲꓻ꓾ ꓢꓲꓺ ꓤ 400 ꓣꓳ ꓛꓲꓺ ꓙꓳˍ ꓟ ꓥ ꓡꓳ= ꓢ-ꓢꓶ-ꓠꓽ ꓟꓵꓽ ꓬꓲ ꓫꓵꓼ ꓗꓪ ꓙꓰ ꓢꓲ ꓪꓴ-ꓢ ꓟꓬꓱꓽ ꓟꓯꓻ ꓬꓰ ꓠꓹ ꓟ ꓔꓲꓺ ꓒ ꓠꓬ ꓮ ꓟꓶ ꓣꓦꓮ ꓡꓲ-ꓢꓴ ꓟꓬꓱꓽ ꓗꓪ ꓧꓳꓽ ꓣꓱꓽ ꓔꓬ ꓟ ꓔꓲꓺ ꓒ ꓑꓰꓔꓰꓣ ꓜ-ꓬꓳꓸ-ꓒꓴ ꓥ ꓡꓳ=

ꓘꓳ-ꓡ-ꓒꓶꓸ ꓡꓳ ꓒꓱ ꓘꓴꓽ ꓗꓪ ꓟ ꓛ-ꓖꓳ ꓟꓵꓽ ꓠꓬ ꓑꓴ-ꓔ-ꓳ ꓗꓪ ꓐꓰ ꓡꓳ ꓔ 300 ꓕꓷꓹ ꓶꓽ ꓞꓹ ꓟ ꓗꓪ ꓓꓹ ꓟ ꓥ ꓢꓲ ꓙ ꓖꓴ ꓮ ꓘꓶꓸ ꓫꓸ ꓟ ꓟꓵꓽ ꓥ ꓢꓲ ꓠꓬꓲ꓾ ꓖꓳ ꓗꓪ ꓛꓲ ꓬꓰ ꓠꓹ ꓟ ꓠꓬ ꓟꓳ ꓓꓳ ꓗꓪ ꓐꓰ ꓕꓲ ꓠꓬꓲꓽ꓾ ꓝꓮꓲꓸ ꓙ ꓖꓴ ꓫꓱꓽ ꓢꓲ ꓠꓬꓲꓽ ꓠꓬꓲ ꓛꓲ ꓙꓰ ꓪˍ ꓟ ꓥ ꓡꓳ=

ꓖꓳ ꓟ ꓑꓶꓸ ꓓꓴ ꓖꓳ ꓗꓪ ꓟ ꓑ ꓫꓬ ꓐꓴ ꓐꓱ ꓶ ꓦꓻ ꓔꓯ ꓟꓳꓸ ꓐꓰ ꓠꓱꓸ ꓐꓯ ꓚꓱꓹ ꓗꓪ ꓐꓰˍ ꓟꓲ ꓬꓰ ꓙ ꓓꓴ ꓐꓱ ꓶ ꓔꓶꓺ ꓙꓱꓼ ꓗꓷ ꓢꓲ ꓮ ꓘꓶꓸ ꓫ ꓥˍ ꓟꓲ ꓖꓳ ꓗꓪ ꓙꓰ ꓢꓲ ꓪꓴ-ꓢ ꓟꓬꓱꓽ ꓬꓰ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=