ꓟꓲ ꓠꓯ ꓗꓪ ꓞꓺ ꓓꓰ ꓡꓰˍ ꓟ ꓡꓳ ꓒꓱ ꓘꓴꓽ ꓗꓪ ꓟꓬ-ꓟ ꓗꓴꓷꓼ ꓛꓬꓳꓥ ꓐꓰ ꓠꓬꓮꓴ-ꓴ ꓡꓳ ꓒꓱ ꓥˍ ꓟꓲ ꓓꓵˍ ꓟ ꓓꓳꓽ

ꓟꓲ ꓠꓯ ꓗꓪ ꓮ ꓘꓶꓸ ꓞꓺˍ ꓟ ꓡꓳ ꓒꓱ 15 ꓟ ꓘꓴꓽ ꓗꓪ ꓟꓬ-ꓟ ꓗꓴꓷꓼ꓾ ꓟ-ꓖꓪꓰꓹ ꓟꓵꓽ ꓫꓴ ꓛꓬꓳꓥ ꓡꓳ ꓒꓱ ꓐꓰ ꓟ-ꓓꓲ-ꓡꓰꓹ ꓟꓵꓽ ꓫꓴ ꓗꓪ ꓟ ꓠꓬꓮꓴ-ꓴ ꓡꓳ ꓒꓱ ꓐꓴ ꓥˍ ꓟꓲ ꓐꓹ ꓟ ꓥ ꓡꓳ ꓐꓰ ꓟꓲ ꓠꓯ ꓞ ꓢꓯꓼ ꓐꓰ ꓟꓶꓽ ꓦ ꓢꓯꓼ ꓐꓴ ꓔꓯ ꓔꓯꓺ ꓢꓲ ꓐꓯ ꓑꓶˍ ꓟ ꓯ-ꓓꓳ-ꓣ-ꓓꓳ ꓟꓵꓽ ꓘꓳꓼ ꓪꓰꓐꓢꓲꓔꓰ ꓗꓪ ꓐꓰ 4 ꓦ 24 ꓠꓬꓲ ꓠꓯꓼ ꓙꓵꓹ ꓕꓯ ꓐꓯ ꓑꓶ ꓔ ꓡꓳ=

ꓛꓬꓳꓥ ꓡꓳ ꓒꓱ ꓗꓪ ꓞꓺ ꓢꓯꓼ 45ꓸ9°C ꓛꓲ ꓟꓴ ꓓꓯ ꓡ ꓔꓬ ꓟ ꓥ ꓢꓲ ꓟꓲ ꓠꓯ ꓞꓺ ꓓꓰ ꓡꓰˍ ꓟ ꓠ-ꓐ (3) ꓗꓪ ꓓꓻˍ ꓟ ꓥ ꓡꓳ= ꓠꓬꓮꓴ-ꓴ ꓠꓬ 44ꓸ7°C ꓗꓪ ꓛꓲ ꓔꓬ ꓟ ꓥ ꓡꓳ꓾ ꓐꓰ ꓐꓯ ꓑꓶ ꓔ ꓡꓳ= ꓮ ꓟꓰ 4 ꓦ 23 ꓠꓬꓲ ꓕꓯ ꓠꓬ꓾ ꓛꓬꓳꓥ ꓡꓳ ꓒꓱ ꓠꓬ ꓟꓲ ꓠꓯ ꓗꓪ ꓟꓽ ꓓ ꓞꓺ ꓓꓰ ꓡꓰˍ ꓟ ꓡꓳ ꓒꓱ (15) ꓟ ꓘꓴꓽ ꓗꓪ ꓠ-ꓐ (1) ꓗꓪ ꓛꓲ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓟꓬ-ꓟ ꓗꓴꓷꓼ ꓗꓪ ꓞ ꓢꓯꓼ ꓠꓬ ꓬꓲ ꓑꓶꓸ ꓟꓽ ꓞꓷ ꓞꓷ ꓟꓴ ꓓꓯ ꓡ ꓗꓴꓸˍ ꓟ ꓑꓶꓸ ꓓꓴ ꓞꓺ ꓢꓯꓼ ꓪꓴꓸ ꓠꓬꓲ ꓫꓵꓻ ꓡꓰ ꓝꓲˍ ꓟ ꓠꓻ ꓮ ꓟꓬꓹ ꓒꓬꓱꓼ ꓡ ꓗꓴꓸˍ ꓡꓳ꓾ ꓐꓰ ꓠꓯꓻ ꓞꓲꓼ ꓟꓸ ꓒ ꓓꓽ ꓟ ꓐꓴ ꓥˍ ꓟꓲ ꓙꓳꓺ ꓗꓽ ꓖꓶ ꓔ ꓡꓳ꓾ ꓐꓰ ꓐꓐꓚ ꓓꓳꓽ ꓗꓪ ꓐꓯ ꓔ ꓡꓳ=