ꓟꓳ‐ꓓꓳ ꓧꓪꓽ ꓞꓶ ꓒꓵꓽ ꓮ ꓘꓶ. ꓓꓯˍ ꓡ ꓟ ꓪꓴ. ꓠꓬꓲ ꓟꓲ‐ꓚꓲ‐ꓠ ꓗꓪ ꓐꓰ ꓖ‐ꓟꓶ‐ꓓꓰ ꓡꓳ ꓒꓱ ꓗꓪ ꓙꓰ ꓟ ꓟꓳ‐ꓓꓳ ꓫꓲ. ꓢꓴ ꓐꓰ ꓙꓰ ꓢꓴ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

#creditphoto #GNG #Putao High way #Kachin state

Monday, December 18, 2023

12 ꓦ ꓟ 16 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓐꓰ ꓖ‐ꓟꓶ‐ꓓꓰ ꓡꓳ ꓒꓱ ꓗꓪ ꓙꓰ ꓟ ꓟꓳ‐ꓓꓳ ꓠꓬ ꓟꓳ‐ꓓꓳ ꓧꓪ ꓞꓶ ꓒꓵꓽ ꓮ ꓘꓶ. ꓓꓯˍ ꓡ ꓟ ꓪꓴ. ꓠꓬꓲ ꓟꓳ‐ꓓꓳ ꓫꓲ. ꓢꓴ ꓐꓴ ꓡꓰ ꓙꓽ ꓖꓴ ꓚ ꓢꓴ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓒꓬꓱꓼ ꓬꓰ ꓟ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓟꓳ‐ꓓꓳ ꓧꓪꓽ ꓞꓶꓻ ꓒꓵꓽ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓓꓯˍ ꓡ ꓟ ꓪꓴ. ꓥ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓐꓰ ꓖ‐ꓟꓶ‐ꓓꓲ ꓗꓪ ꓟꓳ‐ꓓꓳ ꓫꓲ ꓢꓴ ꓐꓴ ꓠꓬ ꓟꓳ‐ꓓꓳ ꓤꓶꓽ ꓢꓴ ꓐꓴ ꓔꓯ ꓟꓳ‐ꓓꓳ ꓒꓵꓽ ꓓꓯˍ ꓢꓲ ꓠꓬꓲ ꓖꓳꓺ ꓟ ꓪꓴ. ꓠꓬꓲ ꓟꓳ‐ꓓꓳ ꓫꓲ. ꓢꓴ ꓐꓴ ꓐꓰ ꓟꓳ‐ꓓꓳ ꓤꓶꓽ ꓢꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ ꓙꓵ, ꓕꓯ ꓖ‐ꓟꓶ‐ꓓꓰ ꓗꓪ ꓙꓰ ꓟ ꓟꓳ‐ꓓꓳ ꓒꓵꓽ ꓠꓬ ꓡ ꓞꓳ ꓕꓲ ꓣꓳ (30000) ꓒꓯꓼ ꓗꓪ ꓐꓰ (40000) ꓒꓯꓼ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓡ ꓞꓳ ꓕꓲ ꓣꓳ ꓠꓬ (50000) ꓒꓯꓼ ꓗꓪ ꓐꓰ (55000) ꓒꓯ ꓙꓳˍ ꓡꓳ ꓐꓰ ꓟꓳ‐ꓓꓳ ꓫꓲ. ꓒꓽ ꓕꓲ ꓣꓳ ꓐꓯ ꓔ ꓡꓳ꓿

ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓐꓰ ꓖ‐ꓟꓶ‐ꓓꓰ ꓡꓳ ꓒꓱ ꓗꓪ ꓬꓲ ꓙꓵ, (10) ꓙꓵ, ꓟꓳ‐ꓓꓳ ꓗꓪ ꓐꓰ ꓙꓰ ꓟ ꓙꓻ ꓖꓴ ꓥ ꓡꓳ꓿ ꓗꓴꓷꓼ ꓢꓲ ꓡꓲ ꓔ ꓟ ꓙꓵ, ꓕꓯ ꓕꓲ ꓠꓬꓲ ꓡꓰ ꓙꓰ ꓛꓲ ꓟ ꓙꓻ ꓖꓴ ꓥ ꓡꓳ ꓐꓰ (ꓖꓠꓖ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿