ꓟꓳ‐ꓣꓳ‐ꓚꓳ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ (20000) ꓕꓯꓽ ꓢꓲ ꓫꓵꓻ ꓡꓰ ꓟ ꓓꓳꓽ

Morocco earthquake death toll rises to more than 2100 #creditphoto

Monday, September 11, 2023

ꓟꓳ‐ꓣꓳ‐ꓚꓳ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ (20000) ꓕꓯꓽ ꓢꓲ ꓫꓵꓻ ꓡꓰ ꓟ ꓓꓳꓽ

9 ꓦ ꓟ 9 2023 ꓘꓳꓼ ꓕꓯ ꓟꓳ‐ꓣꓳ‐ꓚꓳ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵ, ꓗꓷ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓑ ꓫꓬ ꓠꓬ (20000) ꓣꓳ ꓕꓯꓽ ꓢꓲ ꓙꓳˍ ꓡꓰ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ꓿ ꓕꓱ ꓟꓵꓽ ꓙꓴꓽ ꓙꓵ, ꓡ ꓟ ꓑꓶ. ꓓꓴ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓢꓲ ꓠꓬꓲ ꓫꓵꓻ ꓡꓰ ꓟ ꓑ ꓫꓬ ꓐꓴ ꓠꓻ ꓓꓴ ꓡꓰ ꓢꓴ ꓑ ꓫꓬ ꓐꓴ ꓮ ꓟꓬ, ꓙꓳ ꓡꓳ ꓐꓰ ꓐꓯ ꓔ ꓡꓳ꓿

ꓟꓵꓽ ꓙꓴꓽ ꓑꓶ. ꓓꓴ ꓬꓲ ꓙꓵ, ꓟꓶ ꓫꓵ ꓫꓵ ꓙꓳˍ ꓟ ꓟꓴꓢꓡꓲꓟ ꓪꓽ ꓘꓴ ꓔꓶ. ꓥ ꓟꓲ ꓐꓬ ꓡꓰ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓥ ꓟꓲ ꓐꓬ ꓡꓰ ꓟ ꓦꓲꓻ ꓘꓴꓽ ꓗꓪ ꓮ ꓟꓬ, ꓡꓶꓽ ꓔꓲ. ꓔꓬ ꓟ ꓪꓴ. ꓠꓬꓲ ꓬꓰ ꓙ ꓢꓴ ꓚꓬꓴ ꓙ ꓢꓴ ꓜꓴꓻ ꓡꓰ ꓧꓪ ꓖꓶ ꓔꓬ ꓡꓳ ꓐꓰ ꓐꓯ ꓔꓬ ꓡꓳ꓿

ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓗꓳ. ꓗꓷ ꓟ ꓦꓬꓼ ꓠꓬꓲ ꓕꓯ ꓕꓲ ꓦꓲꓻ ꓡ ꓞꓳ ꓐꓴ ꓐꓰ ꓗ, ꓛꓲ ꓛꓲ ꓡꓰ ꓔꓬ ꓗꓷ ꓥ ꓟꓲ ꓟꓽ ꓓꓵꓽ ꓙ ꓔ ꓟ ꓙꓵ, ꓕꓯ ꓕꓱ ꓡꓱ ꓟꓵꓽ ꓙꓴꓽ ꓙꓵ, ꓡ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓫꓵꓻ ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓠꓲ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓵꓽ ꓙꓴꓽ ꓙꓵ, ꓡ ꓟ ꓪꓴ. ꓠꓬꓲ ꓫ. ꓔꓬ ꓟ ꓟꓳ‐ꓣꓴ‐ꓚꓳ ꓗꓴꓷꓼ ꓔꓯ ꓞꓳ ꓜꓴꓻ ꓗꓴꓷꓼ ꓥ ꓟꓲ ꓬꓰ ꓙ ꓓꓴ ꓥꓳ ꓐꓰ ꓐꓯ ꓔ ꓡꓳ꓿

ꓕꓱ ꓟꓵꓽ ꓙꓴꓽ ꓙꓵ, ꓡ ꓟ ꓠꓬ ꓗꓳ. ꓗꓷ ꓟ (1960) ꓘꓳꓼ ꓕꓯ ꓑ ꓫꓬ (12000) ꓫꓵꓻ ꓡꓰ ꓗ. ꓠꓯ ꓟꓵꓽ ꓙꓴꓽ ꓑꓶ. ꓓꓴ ꓫꓵꓻ ꓡꓰ ꓢꓴ ꓮ ꓟꓬ, ꓙꓳˍ ꓡꓰ ꓟ ꓥ ꓡꓳ ꓐꓰ ꓢꓷ. ꓠꓲ, ꓙꓳ ꓒꓽ ꓐꓴ ꓡꓰ ꓐꓯ ꓔ ꓡꓳ ꓐꓰ (Popular News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿