ꓟꓳꓖꓳꓗ ꓡꓳ ꓒꓱ ꓗꓪ ꓟ ꓞꓳ ꓡꓱ ꓐꓴ ꓜꓲꓼ ꓡꓳꓽ ꓢꓲ ꓕꓲ ꓠꓬꓲ ꓪꓽ ꓘꓴ ꓓꓵꓽ ꓙˍ ꓟ ꓬꓰ ꓗꓷ ꓟ

ꓟꓳꓖꓳꓗ ꓡꓳ ꓒꓱ ꓗꓪ ꓟ ꓞꓳ ꓡꓱ ꓐꓴ ꓜꓲꓼ ꓡꓳꓽ ꓢꓲ ꓕꓲ ꓠꓬꓲ ꓪꓽ ꓘꓴ ꓓꓵꓽ ꓙˍ ꓟ ꓬꓰ ꓗꓷ ꓟ

2022 ꓘꓳꓼ꓾ 11 ꓦ ꓟ 26 ꓠꓬꓲ꓾ ꓠꓽ ꓛꓳꓼ ꓠꓬꓲ ꓕꓯ ꓡ-ꓫꓲꓳ ꓢ-ꓢꓶꓽ-ꓠꓽ ꓟꓳꓖꓳꓗ ꓡꓳ ꓒꓱ ꓗꓪ ꓙꓳˍ ꓟ ꓞꓳ ꓡꓱ ꓞꓳ ꓡꓯꓸ ꓐꓴ ꓜꓲꓼ ꓡꓳꓽ ꓢꓲ ꓠꓬꓲ ꓕꓲ ꓠꓬꓲ ꓡꓱꓸꓼ ꓪꓽ ꓘꓴ ꓓꓴꓽ ꓙˍ ꓟ ꓔꓯ ꓬꓰ ꓗꓷꓳ= ꓪꓽ ꓘꓴ ꓓꓵꓽ ꓙˍ ꓟ ꓔꓯ ꓟꓳꓖꓳꓗ ꓡꓳ ꓒꓱ ꓗꓪ ꓟ ꓔꓲꓺ ꓒ ꓓꓳꓟꓲꓠꓲꓚ ꓖꓴ-ꓔ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓬꓰ ꓗꓷ ꓟ ꓥ ꓡꓳ=

ꓪꓽ ꓘꓴ ꓓꓵꓽ ꓙˍ ꓟ ꓔꓯ ꓠꓯꓼ 8ꓽ30 ꓙꓵꓹ ꓗꓪ ꓐꓰ ꓟꓶꓽ ꓘꓶꓼ 5ꓽ00 ꓙꓵꓹ ꓗꓪ ꓛꓲꓺ ꓬꓰ ꓗꓷꓳ= ꓟꓳꓖꓳꓗ ꓡꓳ ꓒꓱ ꓗꓪ ꓟ ꓔꓲꓺ ꓒ ꓓꓳꓟꓲꓠꓲꓚ ꓖꓴ-ꓔ ꓐꓰ ꓐꓣꓳ ꓛꓪ-ꓢꓲ ꓐꓴ ꓡꓰ ꓪꓽ ꓘꓴ ꓓꓵꓽ ꓙˍ ꓟ ꓗꓪ ꓞꓳ ꓡꓱ ꓐꓴ ꓐꓱ ꓶ ꓢꓷꓸ ꓫꓵꓽ ꓢꓷꓸ ꓙꓰꓽ ꓐꓴ ꓔꓯ ꓟꓸ ꓖꓶ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓬꓰ ꓖꓶˍ ꓟ ꓬꓲ ꓔꓶꓺ ꓙꓱꓼ ꓠꓬ ꓡꓳ ꓒꓱ ꓗꓪ ꓙꓳˍ ꓟ ꓘꓴ ꓜꓲꓼ ꓞꓳ ꓞꓳ ꓡꓱ ꓐꓴ ꓕꓲ ꓣꓳ ꓐꓰ ꓕꓲ ꓣꓳ ꓟꓬꓽ ꓠꓬꓲ ꓢꓷꓸ ꓡ ꓠꓹ ꓟ꓾ ꓮ ꓟꓶ ꓟ ꓡꓰ ꓫꓸ ꓙꓵ ꓓꓴ ꓮ ꓟꓬꓹ ꓔꓳꓹ ꓜꓳꓽ ꓔꓬ ꓟ ꓦꓬꓼ ꓠꓬꓲ ꓗꓪ ꓙꓵꓻ ꓠꓲꓹ ꓚꓱꓹ ꓔꓯ ꓟꓳꓸ ꓕꓶꓺ ꓞꓹ ꓝꓲ ꓠꓹ ꓟ꓾ ꓦꓻ ꓕꓲ ꓒꓳꓹ ꓗꓪ ꓪꓴꓽ ꓡ ꓟꓴ ꓡ ꓠꓹ ꓟ ꓐꓰ ꓘꓴ ꓜꓲꓼ ꓞꓳ ꓡꓲꓽ ꓗꓪ ꓐꓰ ꓡꓯꓽ ꓒꓯꓹ ꓝ ꓟ ꓚꓱꓹ ꓐꓴ ꓔꓯ ꓞꓳ ꓡꓱ ꓐꓴ ꓪ ꓜꓲ ꓢꓷꓸ ꓡ ꓠꓹ ꓟ ꓐꓱ ꓶ ꓔꓶꓺ ꓙꓱꓼ ꓗꓷ ꓢꓲ ꓬꓰˍ ꓟ ꓥ ꓡꓳ꓾ ꓐꓰ ꓔꓲꓺ ꓒ ꓓꓳꓟꓲꓠꓲꓚ ꓖꓴ-ꓔ ꓡꓰ ꓐꓯˍ ꓡꓳ=

ꓟꓳꓖꓳꓗ ꓡꓳ ꓒꓱ ꓗꓪ ꓞꓳ ꓡꓱ ꓐꓴ ꓜꓲꓼ ꓡꓳꓽ ꓢꓲ ꓪꓽ ꓘꓴ ꓓꓵꓽ ꓙˍ ꓟ ꓚꓱꓹ ꓔꓯ 7 ꓠꓽ ꓟ ꓗꓪ ꓕꓲ ꓧꓪꓹ ꓬꓰ ꓔꓬ ꓟ ꓥ ꓢꓲ꓾ ꓮ ꓟꓶ ꓕꓲ ꓧꓪꓹ ꓟ ꓠꓬ 4 ꓧꓪꓹ ꓕꓲ ꓧꓪꓹ ꓟ ꓥ ꓢꓲ ꓠꓬꓲ꓾ ꓪꓽ ꓘꓴ ꓓꓵꓽ ꓙˍ ꓟ ꓗꓪ ꓟꓳꓖꓳꓗ ꓡꓳ ꓒꓱ ꓗꓪ ꓟ ꓞꓳ ꓘꓹ ꓐꓴ ꓗꓪ ꓐꓰ ꓞꓳ ꓡꓱꓻ 83 ꓣꓳ ꓟꓽ ꓛꓲꓺ ꓔ ꓗꓷ ꓟ ꓥ ꓡꓳ=