ꓟꓳꓖꓳꓗ ꓡꓳ ꓒꓱ ꓗꓪ ꓮꓸ ꓥꓼ(ꓮ ꓡꓳ) ꓙꓱ ꓗꓷ ꓟ ꓪꓴꓸ ꓠꓬꓲ ꓢꓮꓲ-ꓗꓯ ꓫꓵꓸ ꓢꓴ ꓕꓲ ꓣꓳ ꓫꓵꓻ ꓟ ꓓꓳꓽ

Monday, November 28, 2022

ꓟꓳꓖꓳꓗ ꓡꓳ ꓒꓱ ꓗꓪ ꓮꓸ ꓥꓼ(ꓮ ꓡꓳ) ꓙꓱ ꓗꓷ ꓟ ꓪꓴꓸ ꓠꓬꓲ ꓢꓮꓲ-ꓗꓯ ꓫꓵꓸ ꓢꓴ ꓕꓲ ꓣꓳ ꓫꓵꓻ ꓟ ꓓꓳꓽ

ꓟꓮꓠꓓꓮꓡꓮꓬ ꓟꓵꓽ꓾ ꓟꓳꓖꓳꓗ ꓡꓳ-ꓒꓱ꓾ ꓗꓲꓠꓹ ꓞꓳ ꓘꓹ ꓗꓪ 11 ꓦ 27 ꓠꓬꓲ ꓕꓯ ꓢꓮꓲ-ꓗꓯ ꓫꓵꓸ ꓡ ꓢꓴ ꓕꓲ ꓣꓳ ꓔꓯ ꓮꓸ ꓥꓼ ꓙꓱ ꓗꓷ ꓟ ꓪꓴꓸ ꓠꓬꓲ ꓫꓵꓳ꓾ ꓐꓰ ꓢꓷꓸ ꓪ ꓡꓳ=

ꓙ ꓖꓴ ꓕꓯꓽ ꓢꓲ ꓗꓪ ꓮꓸ ꓥꓼ ꓠꓬꓲ ꓟ ꓙꓱ ꓡꓯ ꓘꓳ ꓔꓬ ꓕꓯ ꓢꓮꓲ ꓗꓯ ꓫꓵꓸ ꓡ ꓢꓴ ꓔꓯ ꓮꓸ ꓥꓼ(ꓮ ꓡꓳ) ꓠꓬ ꓗꓸ ꓠꓯꓸ ꓢꓲ ꓗꓪ ꓐꓰ ꓙꓱ ꓩꓴ ꓡ ꓟ ꓪꓴꓸ ꓠꓬꓲ ꓢꓮꓲ ꓗꓯ ꓕꓯꓽ ꓢꓲ ꓗꓪ ꓐꓰ ꓞꓰꓻ ꓡꓰ ꓢꓲ ꓫꓵꓻ ꓟ ꓥ ꓡꓳ꓾ ꓐꓰ ꓫꓵꓽ ꓪꓴ ꓖꓳ ꓟ ꓔꓯ ꓟꓳꓻ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ=

“ꓢꓮꓲ ꓗꓯ ꓫꓵꓸ ꓢꓴ ꓠꓬ ꓙꓵꓽ ꓒꓶꓽ ꓬꓲꓼ ꓔꓬ ꓟ ꓥ ꓢꓲ꓾ ꓮꓸ ꓥꓼ(ꓮ ꓡꓳ) ꓠꓬꓲꓽ ꓟ ꓙꓱ ꓡꓯ ꓘꓳ ꓔꓬ ꓠꓬꓲ ꓕꓽ ꓙꓰ ꓐꓯ ꓖꓶˍ ꓥ ꓟꓲ ꓙꓰ ꓗꓷ ꓟ ꓥ ꓡꓳ= ꓖꓳ ꓕꓯ ꓮꓸ ꓥꓼ(ꓮ ꓡꓳ) ꓕꓲ ꓟ ꓠꓬ ꓬꓲ ꓔꓯ ꓗ ꓠꓯꓸ ꓢꓲ ꓗꓪ ꓐꓰ ꓬꓲꓸ ꓪꓴꓸ ꓛꓲ ꓐꓰ ꓙꓱ ꓗꓷ ꓟ ꓥ ꓡꓳ꓾” ꓐꓰ ꓐꓯˍ ꓡꓳ=

ꓮꓸ ꓥꓼ(ꓮ ꓡꓳ) ꓙꓱ ꓗꓷ ꓟꓶ ꓢꓴ ꓠꓬ ꓠ ꓘꓴ ꓐꓰ ꓟꓷꓽ ꓠꓷꓹ ꓗꓪ ꓫꓵꓻ ꓓꓳꓻ ꓡ ꓗ ꓠꓯꓸ ꓠꓯꓻ ꓞꓲꓼ ꓦꓲꓻ ꓗꓪ ꓧꓳꓽ ꓔꓯꓹ ꓙꓰ ꓔꓬ ꓕꓯ ꓙ ꓖꓴ ꓗꓪ ꓫꓵꓻ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=