ꓟꓳꓚꓧꓮ Cyclone ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓱ ꓶ ꓣꓮꓗꓧꓮꓲꓠꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓙ ꓖꓶ ꓔꓬ ꓟ ꓓꓳꓽ

Thursday, May 11, 2023

ꓟꓳꓚꓧꓮ Cyclone ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓱ ꓶ ꓣꓮꓗꓧꓮꓲꓠꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓙ ꓖꓶ ꓔꓬ ꓟ ꓓꓳꓽ

ꓢꓯꓼ ꓓꓽ ꓙꓳ_ ꓟ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ ꓠꓬ ꓟꓬ-ꓟ ꓗꓴꓷꓼ ꓣꓮꓗꓧꓮꓲꓠꓰ ꓬꓲꓻ ꓗꓳ ꓡꓳꓟꓵꓽ ꓖꓴ ꓟꓶꓸ ꓕꓲ ꓛꓱ ꓐꓰꓠꓖꓮꓡ ꓗꓳꓼ-ꓐ-ꓜ ꓡꓳ ꓒꓱ ꓐꓰ ꓣꓮꓗꓧꓮꓲꓠꓰ ꓗꓴꓷꓼ ꓫꓴꓻ ꓗꓬꓮꓴꓗ-ꓑꓧꓬꓴ ꓡꓳ ꓒꓱ ꓗꓪ ꓐꓰ ꓙꓻ ꓢꓲ꓾ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓥꓳ ꓐꓰ 5 ꓦ 10 ꓠꓬꓲ ꓕꓯ ꓐꓯ ꓑꓶ ꓔ ꓡꓳ=

ꓣꓮꓗꓧꓮꓲꓠꓰ ꓬꓲꓻꓗꓳ ꓡꓳ ꓟꓵꓽ ꓗꓪ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓙꓱꓼ ꓡ ꓓ_ ꓟ ꓑꓶ ꓓꓴ ꓣꓮꓗꓧꓮꓲꓠꓰ ꓗꓴꓷꓼ ꓫꓴꓻ ꓑꓮꓴꓗ-ꓔꓮꓪ ꓡꓳ ꓒꓱ ꓞꓳ ꓘꓹ ꓕꓲ ꓐꓱ ꓗꓪ ꓐꓰ 5 ꓦ 8 ꓠꓬꓲ ꓗꓪ ꓐꓰ ꓛꓰꓹ ꓡ ꓢꓴ 700 ꓣꓳ ꓟꓽ ꓛꓲ ꓔꓬ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

ꓬꓰ ꓙ ꓢꓴ ꓜꓴ ꓗꓪ ꓐꓰ ꓥ ꓟꓲ ꓬꓲ ꓪ ꓣꓱꓽ ꓬꓯꓼ ꓟ ꓔꓯ ꓬꓰ ꓙ ꓢꓲ꓾ ꓟꓲꓽ ꓦꓲ ꓕꓳꓽ ꓥꓳꓽ ꓐꓱ ꓶ ꓙ ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ= ꓟꓲꓽ ꓦꓲ ꓕꓳꓽ ꓥꓳꓽ ꓠꓬ ꓬꓲꓸ ꓢꓯꓼ ꓮ ꓘꓶꓸ ꓙꓳ_ ꓟ ꓟꓳꓚꓧꓮ ꓡꓰ ꓐꓰ ꓥ ꓢꓲ꓾ 5 ꓦ 12 ꓠꓬꓲ ꓠꓯꓼ ꓕꓯ ꓐꓶ ꓓꓳ- ꓖꓴ ꓟꓶꓸ ꓕꓲ ꓚꓳ ꓡꓳ ꓗꓪ ꓮ ꓘꓶꓸ ꓢꓯꓼ ꓙꓳ ꓟ ꓟꓲꓽ ꓦꓲ ꓕꓳꓽ ꓥꓳꓽ ꓡꓰ ꓐꓰ ꓙꓱꓼ ꓡ ꓓꓴ ꓥ ꓢꓲ꓾ 5 ꓦ 14 ꓠꓬꓲ ꓕꓯ ꓐꓰꓠꓖꓮꓡ ꓗꓴꓷꓼ ꓐꓶ ꓓꓳ ꓖꓴ ꓪꓴꓸ ꓐꓰ ꓟꓬ-ꓟ ꓗꓴꓷꓼ ꓣꓮꓗꓧꓮꓲꓠꓰ ꓬꓲꓻ ꓗꓳ ꓡꓳ ꓟꓵꓽ ꓐꓰꓠꓖꓮꓡ ꓗꓴꓷꓼ ꓗꓮꓪ-ꓐ-ꓜ ꓡꓳꓒꓱ ꓐꓰ ꓣꓮꓗꓧꓮꓲꓠꓰ ꓗꓴꓷꓼ ꓫꓴꓻ ꓗꓬꓮꓴꓗ-ꓑꓧꓬꓴ ꓗꓪ ꓐꓰ ꓟꓲꓽ ꓦꓲꓻ ꓙꓱꓼ ꓡ ꓓꓴ ꓥꓳ ꓐꓰ ꓟꓵꓽ ꓘꓳꓼ ꓔꓯ ꓟꓳꓸ ꓢꓷꓸ ꓠꓲꓹ ꓢꓷꓸ ꓢꓴ ꓐꓴ ꓡꓰ 5 ꓦ 11 ꓠꓬꓲ ꓕꓯ ꓐꓯ ꓑꓶ ꓔ ꓡꓳ=