ꓟꓴ‐ꓢꓯ ꓡꓳ ꓒꓱ ꓗꓪ ꓒꓴ ꓔ ꓟ ꓤ‐ꓛꓵ ꓙꓳ ꓦꓲꓻ ꓗꓪ ꓢꓳꓻ ꓔꓬ ꓟ ꓙꓳꓻ ꓟ ꓐꓴ ꓜ ꓓꓴ ꓣꓱ ꓞꓼ ꓣꓱ ꓬꓯꓼ ꓔꓬ ꓟ ꓓꓳˍꓽ (local news)

ꓟꓴ‐ꓢꓯ ꓡꓳ ꓒꓱ ꓗꓪ ꓒꓴ ꓔ ꓟ ꓤ‐ꓛꓵ ꓙꓳ ꓦꓲꓻ ꓗꓪ ꓢꓳꓻ ꓔꓬ ꓟ ꓙꓳꓻ ꓟ ꓐꓴ ꓜ ꓓꓴ ꓣꓱ ꓞꓼ ꓣꓱ ꓬꓯꓼ ꓔꓬ ꓟ ꓓꓳˍꓽ

2 ꓦ ꓟ 25 ꓠꓬꓲ 2024 ꓘꓳꓼ ꓕꓯ ꓟꓴ‐ꓢꓯ ꓡꓳ ꓒꓱ ꓗꓪ ꓒꓴ ꓔ ꓟ ꓤ‐ꓛꓵ ꓙꓳ ꓦꓲꓻ ꓗꓪ ꓢꓳꓻ ꓔꓬ ꓟ ꓢꓳꓻ ꓒ ꓢꓳꓻ ꓟ ꓐꓴ ꓜ ꓓꓴ ꓓꓳ ꓓꓴ ꓣꓱ ꓞꓼ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓶꓻ ꓤ ꓐꓵꓽ ꓕꓲ ꓠꓬꓲ ꓡꓰ ꓕꓲ ꓕꓲ ꓠꓬꓲ ꓮ ꓘꓶ. ꓓꓯ ꓔꓬ ꓟ ꓪꓴ. ꓠꓬꓲ ꓟꓴ‐ꓢꓯ ꓡꓳ ꓒꓱ ꓠꓮꓟ‐ꓮꓴꓳ ꓞꓳ ꓘ, ꓗꓪ ꓒꓴ ꓔ ꓟ ꓮ‐ꓗ‐ꓐꓯ ꓤ‐ꓛꓵ ꓙꓳ ꓦꓲꓻ ꓗꓪ ꓙꓳ ꓟ ꓐꓴ ꓔꓯ ꓜ ꓓꓴ ꓖꓶ ꓜ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ ꓙꓵ, ꓕꓯ ꓕꓱ ꓤ ‐ꓛꓵ ꓙꓳ ꓔꓯ ꓧꓶꓽ ꓗꓴꓷꓼ ꓐꓰ ꓬꓰ ꓙ ꓡ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓟꓴ‐ꓢꓯ ꓡꓳ ꓒꓱ ꓗꓪ ꓑꓧꓳꓠꓰ ꓡꓲꓠꓰ ꓐꓰ ꓲꓠꓔꓰꓣꓠꓰꓔ ꓟꓽ ꓙꓲ ꓟ ꓪꓴ. ꓠꓬꓲ ꓫ. ꓕꓱ ꓙ ꓡꓯꓽ ꓘꓳ ꓟꓽ ꓙꓲ ꓗꓷ ꓡꓰ ꓢꓲ ꓠꓬꓲ ꓬꓰ ꓙ ꓔꓳ, ꓙ ꓢꓴ ꓟꓽ ꓙꓳ ꓐꓰ ꓢꓳꓻ ꓦꓲꓻ ꓔꓯ ꓧꓳꓽ ꓪꓴ. ꓟꓴ ꓢꓴ ꓟ. ꓒ ꓡꓰ ꓫ. ꓕꓱ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓤ‐ꓛꓵ ꓙꓳ ꓗꓪ ꓢꓳꓻ ꓔꓬ ꓟ ꓙꓳ ꓟ ꓐꓴ ꓠꓬ ꓜ ꓓꓴ ꓓꓳ ꓓꓴ ꓐꓱ ꓶ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟ‐ꓛꓲ ꓘꓶ, ꓔꓶ. ꓗꓪ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓤ‐ꓠꓱ ꓤ ꓐꓴ ꓠꓬ ꓢꓽ ꓠꓬꓲ ꓟꓬꓱꓽ ꓬꓰ ꓗꓷ ꓕꓯ ꓢꓲ ꓠꓬꓲ ꓜ ꓒꓴ ꓕꓲ ꓟꓳ ꓠꓳ ꓒꓵꓽ ꓪ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓧꓶꓽ ꓕꓳ ꓶ ꓢꓳꓻ ꓠ, ꓟ ꓦꓬꓼ ꓠꓬꓲ ꓥ ꓟꓲ ꓛꓲ ꓡ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓔꓯ ꓜ ꓓꓴ ꓓꓳ ꓓꓴ ꓬꓰ ꓙ ꓠ, ꓟ  ꓞꓼ ꓞꓼ ꓣꓱ ꓞ, ꓡꓳ ꓐꓰ ꓐꓯ ꓔ ꓡꓳ꓿

ꓮ‐ꓖ‐ꓐꓯ ꓤ‐ꓛꓵ ꓙꓳ ꓦꓲꓻ ꓗꓪ ꓠꓬ ꓙꓳ ꓟ (37) ꓣꓳ ꓔꓬ ꓟ ꓦꓲꓻ ꓥ ꓡꓳ꓿ ꓝꓮꓲ ꓮ‐ꓖ‐ꓐꓯ ꓙꓳ ꓟ ꓦꓲꓻ ꓟꓬꓱꓺ ꓠꓬ (Agape Jahrai Ma the Ma shalat Shapan Sasana Ginra ꓥ ꓡꓳ꓿  ꓕꓱ ꓢꓳꓻ ꓦꓲꓻ ꓔꓯ ꓬꓰ ꓙ ꓔꓳ, ꓙ ꓡ ꓠ, ꓟ ꓒꓵꓽ ꓠꓲ, ꓗꓪ ꓐꓰ ꓓꓰꓽ ꓔ ꓡꓳ ꓐꓰ (74 media) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿