ꓟꓴꓮꓬ ꓔꓧꓮꓲ ꓚꓴꓹ ꓔꓯꓺ ꓡꓯ ꓘꓳꓹ ꓟ ꓗꓪ ꓟꓬ-ꓟ ꓗꓴꓷꓼ ꓤ ꓟꓶ ꓤ ꓧꓪꓸ ꓡꓰ ꓟ

ꓟꓴꓮꓬ ꓔꓧꓮꓲ ꓚꓴꓹ ꓔꓯꓺ ꓡꓯ ꓘꓳꓹ ꓟ ꓗꓪ ꓟꓬ-ꓟ ꓗꓴꓷꓼ ꓤ ꓟꓶ ꓤ ꓧꓪꓸ ꓡꓰ ꓟ

ꓗ-ꓬꓲ ꓟꓵꓽ ꓫꓴ ꓗꓪ ꓐꓰ ꓬꓲ ꓞꓲꓼ 26 ꓘꓳꓼ ꓙꓳˍ ꓟ ꓗ-ꓬꓯꓹ ꓚꓴꓹ ꓡꓯ ꓘꓳ ꓢꓴ ꓤ ꓟꓶ ꓤ ꓦꓰꓣꓳꓠꓲꓚꓮ ꓠꓬ ꓟꓴꓮꓬ ꓔꓧꓮꓲ ꓚꓴꓹ ꓔꓯ ꓡꓯ ꓘꓳꓹ ꓟ ꓗꓪ ꓧꓪꓸ ꓡꓰ ꓟ 25 ꓧꓪꓹ ꓟꓶ ꓔ ꓟ ꓐ-ꓣ-ꓤꓲꓹ ꓗꓴꓷꓼ ꓢꓴ ꓟꓮꓣꓲꓮꓠꓮ ꓢꓚꓳꓟꓐꓮꓔꓔꓲ ꓔꓯ ꓠꓬꓲꓽ ꓧꓪꓹ ꓕꓲ ꓧꓪꓹ ꓚꓴꓽ ꓡꓯ ꓘꓳꓹ ꓕꓯ ꓧꓪꓸ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

10 ꓦ 16 ꓠꓬꓲ꓾ ꓕꓮꓲꓹ ꓬꓲ ꓙꓵꓹ ꓟꓶꓽ ꓘꓶꓼ 6ꓽ00 ꓙꓵꓹ ꓕꓯ ꓕꓮꓲꓹ ꓗꓴꓷꓼ꓾ ꓐꓮꓠꓗꓳꓗ ꓡꓳ ꓒꓱ ꓗꓪ ꓟ ꓔꓧꓮꓲ ꓝꓲꓖꓧꓔ ꓚꓴꓹ ꓔꓯꓺ ꓡꓯ ꓘꓳ ꓑꓮꓲꓽ ꓗꓪ ꓦꓰꓣꓳꓠꓲꓚꓮ ꓠꓬ ꓑꓮꓲꓽ ꓠ ꓑ 5 ꓗꓪ ꓟꓮꓣꓲꓮꓠꓮ ꓢꓚꓳꓟꓐꓮꓔꓔꓲ ꓐꓰ ꓚꓴꓹ ꓡꓯ ꓘꓳ ꓓꓶꓽ ꓡꓯ ꓘꓳ ꓗꓷ ꓟ ꓥ ꓡꓳ=

ꓦꓰꓣꓳꓠꓲꓚꓮ ꓠꓬ ꓮ ꓟꓶ ꓗꓪ ꓛꓲꓽ ꓔꓯꓺ ꓡꓯ ꓘꓳꓹ ꓟ 30 ꓧꓪꓹ ꓟꓽ ꓞꓲ ꓔꓯꓺ ꓡꓯ ꓘꓳ ꓗꓷ ꓟ ꓥ ꓢꓲ ꓔꓯꓺ ꓡꓯ ꓘꓳ ꓔ ꓟ ꓑꓮꓲꓽ ꓘꓴꓽ ꓗꓪ 16 ꓧꓪꓹ ꓧꓪꓸ ꓡꓰ ꓢꓲ꓾ 2 ꓧꓪꓹ ꓠꓬꓲ ꓫꓴ ꓡꓰ ꓢꓲ ꓠꓬꓲ꓾ ꓧꓪꓸ ꓟꓲ ꓟꓽ ꓧꓪꓸ ꓫꓴˍ ꓟꓲ ꓟꓽ ꓫꓴ ꓟ 17 ꓧꓪꓹ ꓟꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=