ꓟꓴ-ꓖꓴ ꓡꓳ ꓒꓱ ꓡꓰ-ꓴ ꓘꓹ ꓗꓪ ꓪꓽ ꓘꓴ ꓦꓲ (25) ꓘꓳꓼ Jubilee ꓑꓮꓲꓽ ꓐꓰ ꓢꓲꓽ ꓫꓬ ꓟ-ꓡꓲ ꓭꓸ ꓘꓴ ꓫꓵꓼ ꓒꓴ ꓑꓮꓲꓽ ꓬꓰ ꓗꓷ ꓟ

ꓡꓳꓹ ꓬꓰ ꓟ 5 ꓦ 1 ꓠꓬꓲ꓾ ꓠꓽ ꓦꓬꓼ ꓠꓬꓲ ꓕꓯ ꓟꓴ-ꓖꓴ ꓡꓳ ꓒꓱ ꓡꓰ-ꓴ ꓘꓹ ꓗꓪ ꓙꓲꓻ ꓫꓬ ꓢꓴ ꓖ-ꓣꓰ-ꓖꓳ-ꓣꓲ ꓪꓽ ꓘꓴ ꓦꓲ 25 ꓘꓳꓼ ꓐꓲ ꓡꓰ ꓟ Jubilee ꓑꓮꓲꓽ ꓐꓰ ꓢꓲꓽ ꓫꓬ ꓟ ꓟ-ꓡꓲ ꓭꓸ ꓘꓴ ꓫꓵꓼ ꓒꓴ ꓑꓮꓲꓽ ꓬꓰ ꓗꓷꓳ=

ꓑꓮꓲ ꓕꓱ ꓟ ꓔꓯ ꓟꓴ-ꓖꓴ ꓡꓳ ꓒꓱ ꓗꓪ ꓟ ꓔꓲꓺ ꓒ Newman Raj ꓡꓰ ꓧꓳꓽ ꓪꓴꓸ ꓟꓴ ꓢꓲ ꓔꓲꓺ ꓒ ꓓꓳ-ꓟꓲ-ꓠꓲ ꓖꓴ-ꓔ ꓐꓰ ꓔꓲꓺ ꓟ ꓐꓴ꓾ ꓡꓳ ꓒꓱ ꓗꓪ ꓟ ꓘꓴ-ꓜꓲ-ꓞꓳ ꓢꓲꓺ ꓤ ꓐꓴ ꓐꓰ ꓘꓹ ꓢꓴ ꓐꓴ ꓡꓰ ꓕꓲ ꓪꓽ ꓬꓰ ꓗꓷ ꓟ ꓥ ꓡꓳ=

ꓙꓲꓻ ꓫꓬ ꓢꓴ ꓖ-ꓣꓰ-ꓖꓳ-ꓣꓲ ꓪꓽ ꓘꓴ ꓦꓲ ꓔꓯ ꓠꓬ 1996 ꓘꓳꓼ ꓕꓯ ꓔꓲꓺ ꓒ Francisco ꓖꓴ-ꓔ ꓡꓰ ꓫꓬꓹ ꓔ ꓟ ꓥ ꓢꓲ ꓠꓬꓲ꓾ ꓪꓽ ꓘꓴ ꓦꓲꓻ ꓬꓲ ꓞꓲꓼ ꓠꓬ 2021 ꓘꓳꓼ ꓕꓯ 25 ꓘꓳꓼ ꓐꓲ ꓡꓰ ꓥˍ ꓟꓲ ꓗꓴꓷꓼ ꓫꓵꓽ ꓪꓴ ꓐꓰ ꓠꓻ ꓫꓵꓽ ꓪꓴ ꓑꓶꓸ ꓓꓴ ꓮ ꓟꓶ 2022 ꓘꓳꓼ ꓕꓯ ꓢꓲꓸ ꓡꓰꓽ ꓙꓴꓐꓲꓡꓰꓰ ꓑꓮꓲ ꓬꓰˍ ꓟ ꓥ ꓡꓳ꓾ ꓐꓰ ꓢꓷꓸ ꓪˍ ꓡꓳ=

ꓡꓰ-ꓴ ꓘꓹ ꓗꓪ ꓠꓬ ꓘ-ꓕꓳ-ꓡꓲꓗ ꓘꓴ ꓜꓲ ꓞꓳ ꓦꓲꓻ 62 ꓦꓲꓻ ꓙꓳˍ ꓟ ꓥ ꓢꓲ ꓮ ꓙꓵꓽ ꓠꓬ ꓡꓲ-ꓢꓴ ꓫꓵꓽ ꓡꓰꓽ ꓥ ꓡꓳ=