ꓟꓵꓽ ꓙꓴꓽ ꓚꓵꓹ ꓡꓰ ꓟ Pakistan ꓐꓰ Afghanistan ꓗꓪ 19 ꓣꓳ ꓫꓵꓻ ꓡꓰ ꓟ ꓓꓳꓽ

ꓟꓵꓽ ꓙꓴꓽ ꓚꓵꓹ ꓡꓰ ꓟ Pakistan ꓐꓰ Afghanistan ꓗꓪ 19 ꓣꓳ ꓫꓵꓻ ꓡꓰ ꓟ ꓓꓳꓽ

3 ꓦ 21 ꓠꓬꓲ ꓠꓽ ꓠꓬꓲ ꓠꓬꓲ ꓟꓶꓽ ꓘꓶꓼ ꓙꓵꓹ ꓕꓯ Pakistan ꓐꓰ Afghanistan ꓗꓪ 6ꓸ5 ꓬꓲꓸ ꓕꓲꓸ ꓗꓪ ꓙꓳ_ ꓟ ꓟꓵꓽ ꓙꓴꓽ ꓚꓵꓹ ꓓꓴ ꓗꓷ ꓡꓰ ꓟ ꓥꓳ= ꓕꓱ ꓟ ꓠꓬ ꓲ-ꓓꓲ-ꓬ ꓗꓴꓷꓼ ꓗꓪ ꓛꓲ ꓗꓷ ꓡꓰ ꓟ ꓥꓳ= ꓝꓮꓲ ꓟꓵꓽ ꓙꓴꓽ ꓚꓵꓹ ꓟ ꓑꓶ ꓓꓴ ꓔꓬ ꓦꓲꓻ ꓓꓽ ꓐꓬ ꓡꓰ ꓓꓴ ꓥ ꓟꓲ ꓗꓷ ꓡꓰ ꓟ ꓥꓳ=

Afghanistan ꓗꓪ ꓠꓬ ꓫꓵꓻ ꓢꓴ 10 ꓣꓳ ꓙꓳ ꓡꓰ ꓐꓰ ꓢꓷꓸ ꓪ ꓡꓳ= Pakistan ꓐꓶ ꓓꓵꓽ ꓖꓴ ꓟꓶꓸ ꓕꓲ ꓛꓱ ꓗꓪ ꓥ ꓟꓲ ꓫꓵꓻ ꓢꓴ 9 ꓣꓳ ꓙꓳ_ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓕꓱ ꓟ ꓠꓬ 1000 kilometer ꓗꓪ ꓛꓲ ꓙ ꓡꓰ ꓢꓲ India, Uzbekistan, Tajikistan, Kazakhstan, Kyrgyzstan, Afghanistan and Turkmenistan ꓗꓪ ꓐꓰ ꓟꓵꓽ ꓙꓴꓽ ꓚꓵꓹ ꓟ ꓔꓯ ꓡ ꓞꓳ 285 ꓫꓬꓹ ꓛꓲ ꓚꓬꓹ ꓟꓶ ꓡꓰ ꓟ ꓥꓳ ꓐꓰ ꓴ-ꓣꓳ-ꓐ ꓗꓪ ꓐꓰ ꓟꓵꓽ ꓙꓴꓽ ꓚꓬꓹ ꓜꓴꓻ ꓗꓪ ꓐꓰ ꓐꓯ ꓔ ꓡꓳ=