ꓟꓵ: ꓙꓴ: ꓚꓵꓹ ꓓꓴ ꓔꓳꓹ ꓜꓳ ꓡꓰ ꓟ ꓙꓮꓑꓮꓠ ꓗꓴꓷꓼ ꓗꓪ ꓫꓵꓻ ꓢꓴ 161 ꓣꓳ ꓗꓪ ꓛꓲ ꓙꓳ ꓡꓰ ꓟ꓾

ꓟꓵ: ꓙꓴ: ꓚꓵꓹ ꓓꓴ ꓔꓳꓹ ꓜꓳ ꓡꓰ ꓟ ꓙꓮꓑꓮꓠ ꓗꓴꓷꓼ ꓗꓪ ꓫꓵꓻ ꓢꓴ 161 ꓣꓳ ꓗꓪ ꓛꓲ ꓙꓳ ꓡꓰ ꓟ꓾
ꓙꓮꓑꓮꓠ ꓗꓴꓷꓼ ꓗꓪ 1 ꓦ 1 ꓠꓬꓲ ꓕꓯ ꓗꓷ ꓡꓰ ꓟ ꓟꓵ: ꓙꓴ: ꓚꓵꓹ ꓡꓰ ꓟ ꓑꓶ ꓓꓴ ꓫꓵꓻ ꓢꓴ꓾ ꓟꓶ: ꓡꓰ ꓔꓬ ꓢꓴ ꓐꓴ ꓔꓯ ꓝꓮꓲ ꓧꓪ ꓟꓳ ꓡꓰ ꓟ ꓗꓪ ꓐꓰ ꓠꓬꓲ. ꓠꓬꓲ 1 ꓦ 8 ꓠꓬꓲ ꓗꓪ ꓛꓲ ꓫꓵꓻ ꓢꓴ 161 ꓣꓳ ꓗꓪ ꓛꓲ ꓟꓬ ꓡ ꓔꓬ ꓟ꓾ ꓐꓰ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓠꓬꓲ. ꓠꓬꓲ ꓠꓯꓼ ꓙꓵꓹ ꓪ: ꓮ ꓟꓬꓹ ꓔꓲ ꓔꓬ ꓟ ꓗꓪ ꓐꓰ ꓡ ꓟ ꓫꓵ ꓧꓪ ꓔꓬ ꓟ ꓔꓯ ꓓꓳ: ꓫꓵ: ꓗꓪ ꓐꓯ ꓑꓶ ꓔ ꓡꓳ=
ꓕꓱ ꓟꓵ: ꓙꓴ: ꓚꓵꓹ ꓓꓴ ꓗꓷ ꓡꓰ ꓟ ꓑꓶ ꓓꓴ ꓔꓬ ꓦꓲꓻ ꓓ: ꓐꓬ ꓡꓰ ꓟ꓾ ꓮ. ꓔꓳ. ꓐꓬ ꓡꓰ ꓟ ꓥ ꓟꓲ ꓮ ꓟꓬꓹ ꓔꓳꓹ ꓜꓳ ꓡꓰ ꓟ ꓥꓳ=
ꓙꓮꓑꓮꓠ ꓗꓴꓷꓼ ꓘꓴ: ꓗꓪ ꓐꓰ ꓬꓰ ꓙ ꓢꓴ ꓮ ꓟꓬꓹ ꓔꓯ ꓝꓲ ꓩꓴ ꓗꓷ ꓟ ꓥ ꓡꓳ= ꓕꓱ ꓬꓰ ꓙ ꓢꓴ ꓐꓴ ꓠꓬ ꓙꓻ ꓖꓴ ꓐꓬ ꓡꓰ ꓟ꓾ ꓟꓵ: ꓙꓴ: ꓓ: ꓚꓵꓹ ꓡꓰ ꓟ ꓟꓵ: ꓗꓪ ꓟ: ꓠ: ꓠ: ꓢꓯꓼ ꓕꓵꓼ ꓢꓲ ꓬꓰ ꓙ ꓣꓱ: ꓙ ꓔꓬ ꓡꓳ꓾ ꓐꓰ ꓢꓷ. ꓪ ꓡꓳ=
ꓡꓳꓹ ꓬꓰ ꓟ ꓠꓬꓲ: ꓠꓬꓲ ꓕꓯ ꓟꓵ: ꓙꓴ: ꓚꓵꓹ ꓡꓰ ꓟ ꓖꓳ ꓕꓲ ꓟꓵ: ꓗꓪ ꓪ: ꓜꓯꓼ ꓡ ꓟ ꓑꓶ ꓓꓴ ꓬꓰ ꓙ ꓢꓴ ꓐꓴ ꓗꓪ ꓐꓰ ꓫ. ꓓꓴ ꓔꓳꓹ ꓜꓳ ꓔꓬ ꓡꓳ꓾ ꓐꓰ ꓢꓷ. ꓪ ꓡꓳ=