ꓟꓶ‐ꓚ‐ꓐꓳꓼ ꓡꓳ ꓒꓱ ꓗꓪ ꓠꓯꓻ ꓞꓲꓼ ꓟ. ꓒꓽ ꓓꓽ ꓐꓴ ꓐꓰ ꓠꓯꓻ ꓞꓲꓼ ꓟꓽ ꓡꓳꓼ ꓟ ꓑꓶ. ꓓꓴ ꓠꓻ ꓔꓬ ꓢꓴ ꓐꓴ ꓫ. ꓔꓬ ꓟ ꓓꓳꓽ

 ꓟꓶ‐ꓚ‐ꓐꓳꓼ ꓡꓳ ꓒꓱ ꓗꓪ ꓠꓯꓻ ꓞꓲꓼ ꓟ. ꓒꓽ ꓓꓽ ꓐꓴ ꓐꓰ ꓠꓯꓻ ꓞꓲꓼ ꓟꓽ ꓡꓳꓼ ꓟ ꓑꓶ. ꓓꓴ ꓠꓻ ꓔꓬ ꓢꓴ ꓐꓴ ꓫ. ꓔꓬ ꓟ ꓓꓳꓽ

7 ꓦ ꓟ 27 ꓠꓬꓲ 2022 ꓘꓳꓼ ꓕꓯ ꓖ‐ꓟꓶ‐ꓓꓲ ꓟꓵꓽ ꓟꓶ‐ꓚ‐ꓐꓳꓼ ꓡꓳ ꓒꓱ ꓗꓪ ꓠꓯꓻ ꓞꓲꓼ ꓟ. ꓒꓽ ꓓꓽ ꓐꓴ ꓐꓰ ꓠꓯꓻ ꓞꓲꓼ ꓟꓽ ꓡꓳꓼ ꓟ ꓑꓶ. ꓓꓴ ꓠꓻ ꓔꓬ ꓢꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓟꓶ‐ꓚ‐ꓐꓳꓼ ꓡꓳ ꓒꓱ ꓗꓪ ꓐꓰ ꓮ ꓟꓬ, ꓠꓻ ꓓꓴ ꓔꓳ, ꓜꓳ ꓢꓴ ꓐꓴ ꓠꓬ ꓖ‐ꓟꓶ‐ꓓꓲ Putao ꓠꓯꓻ ꓞꓲꓼ ꓦꓲꓻ ꓗꓪ ꓙꓰ ꓠ ꓗ. ꓡꓳ ꓐꓰ ꓢꓷ. ꓪ ꓡꓳ꓿ ꓑ ꓫꓬ ꓕꓲ ꓣꓳ ꓫ. ꓕꓱ ꓔ ꓟ ꓠꓬ ꓮ ꓟꓶ ꓟ ꓙꓵ, ꓗꓪ ꓠꓻ ꓫꓬ, ꓓꓴ ꓮ ꓘꓶ. ꓫ. ꓔ ꓡꓳ꓿

ꓠꓯꓻ ꓞꓲꓼ ꓦꓲꓻ ꓗꓪ ꓠꓯꓻ ꓞꓲꓼ ꓟ. ꓒꓽ ꓓꓽ ꓐꓴ ꓐꓰ ꓠꓯꓼ ꓞꓲꓼ ꓟꓽ ꓡꓳꓼ ꓟ ꓑꓶ. ꓓꓴ ꓑ ꓫꓬ ꓐꓴ ꓠꓻ ꓫꓬ, ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓖꓶ ꓔ ꓡꓳ꓿ ꓟꓶ‐ꓚ‐ꓐꓳꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ (Medical Action Myanmar) ꓜꓴꓻ NGO ꓜꓴꓻ ꓐꓴ ꓠꓬ  ꓑ ꓫꓬ ꓐꓴ ꓠꓻ ꓔꓬ ꓢꓴ ꓔꓯ ꓠꓻ ꓫꓬ, ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

(MAM) ꓜꓴꓻ ꓠꓬ ꓑ ꓫꓬ ꓐꓴ ꓮ ꓟꓬ, ꓫꓵꓽ ꓗꓪ ꓬꓰ ꓙ ꓔꓳ, ꓙ ꓢꓲ ꓠꓬꓲ ꓠꓻ ꓫꓬ, ꓖꓶ ꓟ ꓥ ꓡꓳ꓿ ꓝꓮꓲ ꓟꓮꓟ ꓜꓴꓻ ꓠꓬ ꓑ ꓫꓬ ꓐꓴ ꓠꓻ ꓫꓬ, ꓠ, ꓟ ꓬꓰ ꓙ ꓒꓴ ꓫꓵꓺ ꓐꓰ ꓠꓯꓻ ꓞꓲꓼ ꓬꓰ ꓙ ꓜꓴꓻ ꓥ ꓡꓳ ꓐꓰ (Myitkyina News Journal) ꓓꓳꓽ ꓗꓪ  ꓐꓰ ꓢꓷ. ꓪ ꓡꓳ꓿