Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓶ‐ꓚꓲ‐ꓠ ꓡꓳ ꓒꓱ ꓲꓠ‐ꓗꓮꓲ‐ꓐꓴꓟ ꓪ ꓚꓲꓻ ꓗꓪ ꓮ. ꓔꓳ ꓐꓬ ꓔꓬ ꓟ (40) ꓠꓬꓲ ꓙꓳ ꓡꓰ ꓟ
Monday, May 15, 2023
ꓟꓶ‐ꓚꓲ‐ꓠ ꓡꓳ ꓒꓱ ꓲꓠ‐ꓗꓮꓲ‐ꓐꓴꓟ ꓪ ꓚꓲꓻ ꓗꓪ ꓮ. ꓔꓳ ꓐꓬ ꓔꓬ ꓟ (40) ꓠꓬꓲ ꓙꓳ ꓡꓰ ꓟ
5 ꓦ ꓟ 11 ꓠꓬꓲ 2023 ꓘꓳꓼ ꓕꓯ ꓟꓶ‐ꓚꓲ‐ꓠ ꓡꓳ ꓒꓱ ꓲꓠ‐ꓗꓮꓲ‐ꓐꓴꓟ ꓪ ꓚꓲꓻ ꓗꓪ ꓮ. ꓔꓳ ꓐꓬ ꓔꓬ ꓟ ꓠꓬ (40) ꓠꓬꓲ ꓙꓳ ꓡꓰ ꓟ ꓥ ꓡꓳ꓿ ꓗ‐ꓛꓲ ꓗꓴꓷꓼ ꓫꓴ ꓟꓶ‐ꓚꓲ‐ꓠ ꓡꓳ ꓒꓱ ꓗꓪ ꓙꓳˍ ꓟ ꓲꓠ‐ꓗꓮꓲ‐ꓐꓴꓟ ꓪꓽ ꓚꓲꓻ ꓗꓪ ꓮ ꓔꓳ. ꓐꓬ ꓡꓰ ꓟ ꓔꓯ ꓟꓽ ꓢꓰꓼ ꓪ ꓢꓰ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓞꓲ ꓠꓲ, ꓮ ꓔꓳ. ꓐꓬ ꓡꓰ ꓟ ꓠꓬ ꓗꓳ. ꓗꓷ ꓟ ꓘꓳꓼ ꓕꓯ ꓢꓲ ꓬꓲ. ꓙꓵ, ꓟꓶ ꓫꓵ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓲꓠ‐ꓗꓮꓲ‐ꓐꓴꓟ ꓪꓽ ꓚꓲꓻ ꓗꓪ ꓮ ꓔꓳ. ꓟꓽ ꓐꓬ ꓡꓰ ꓟ ꓠꓬ ꓟꓶ ꓫꓵ ꓡꓰꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲ, ꓜꓲ ꓡꓳ ꓜꓲ ꓐꓴ ꓮ ꓘꓶ. ꓪꓴꓽ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓮ ꓔꓳ. ꓐꓬ ꓡꓰ ꓟ ꓪꓴ. ꓠꓬꓲ ꓢꓲ, ꓜꓲ ꓡꓳ ꓜꓲ ꓐꓰ ꓧꓪꓽ ꓫꓵ ꓧꓪ ꓙꓵꓽ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓐꓴ ꓡꓰ ꓕꓱ ꓮ ꓔꓳ. ꓐꓬ ꓡꓰ ꓟ ꓠꓬ ꓑ ꓫꓬ ꓐꓴ ꓦꓻ ꓟꓲ ꓬꓰ ꓜ ꓢꓴ ꓐꓴ ꓡꓰ ꓐꓬ ꓡꓰ ꓝꓲ ꓟ ꓐꓰ ꓢꓲ, ꓜꓲ ꓘꓶ, ꓢꓲ ꓠꓬꓲ ꓶꓻ ꓡꓯꓼ ꓬꓰ ꓢꓴ ꓐꓴ ꓡꓰ ꓐꓬ ꓡꓰ ꓐꓬ ꓡꓰ ꓝꓲ ꓟ ꓟꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓮ ꓔꓳ. ꓔꓯ ꓢꓰꓼ ꓙ ꓗꓽ ꓙ ꓠ, ꓟ ꓐꓯ ꓔ ꓡꓳ ꓐꓰ (Myitkyina News Journal ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment