ꓟꓶ‐ꓛ‐ꓐꓳ; ꓡꓳ ꓒꓱ ꓗꓪ ꓐꓰ ꓔꓲ‐ꓛ ꓞꓳ ꓘ, ꓗꓪ ꓙꓰ ꓟ ꓙꓻ ꓖꓴ ꓟꓵꓽ ꓡꓶꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓔꓬ ꓟ ꓓꓳꓽ

ꓟꓶ‐ꓛ‐ꓐꓳ; ꓡꓳ ꓒꓱ ꓗꓪ ꓐꓰ ꓔꓲ‐ꓛ ꓞꓳ ꓘ, ꓗꓪ ꓙꓰ ꓟ ꓙꓻ ꓖꓴ ꓟꓵꓽ ꓡꓶꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓔꓬ ꓟ ꓓꓳꓽ

6 ꓦ ꓟ 30 ꓠꓬꓲ 2023 ꓘꓳꓼ ꓟꓶ‐ꓛ‐ꓐꓳ ꓡꓳ ꓒꓱ ꓗꓪ ꓐꓰ ꓔꓲ‐ꓛ ꓞꓳ ꓘ, ꓗꓪ ꓙꓰ ꓟ ꓙꓻ ꓖꓴ ꓟꓵꓽ ꓡꓶꓽ ꓔꓲ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳꓻ ꓓꓴ ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓝꓮꓲ ꓟꓶ‐ꓛ‐ꓐꓳ ꓡꓳ ꓒꓱ ꓗꓪ ꓐꓰ ꓔꓲ‐ꓛ ꓘ, ꓗꓪ ꓙꓰ ꓟ ꓙꓻ ꓖꓴ ꓠꓬ ꓗꓳ. ꓗꓷ ꓟ 6 ꓦ ꓟ 19 ꓠꓬꓲ ꓗ ꓐꓰ ꓟꓵꓽ ꓡꓶꓽ  ꓟ ꓪꓴ. ꓠꓬꓲ ꓙꓰ ꓠ, ꓟ ꓫ. ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓙꓻ ꓖꓴ ꓔꓯ ꓞꓼ ꓞꓼ ꓫꓬ, ꓖꓶ ꓠ, ꓟ ꓠꓲ, ꓫꓵˍ ꓡꓳ ꓮ ꓫꓵˍ ꓑꓶ. ꓓꓴ ꓥ ꓐꓯ ꓠꓬ ꓜꓽ ꓓꓴ ꓓꓳꓻ ꓓꓴ ꓟꓽ ꓙꓳˍ ꓗꓷ ꓡꓰ ꓔꓬ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓚꓬꓚꓡꓰ ꓗꓪ ꓐꓰ ꓙꓰ ꓠ, ꓟ ꓥ ꓟꓲ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓬ, ꓟ ꓙꓵ, ꓗꓪ ꓠꓬ ꓜꓽ ꓔꓶ ꓟ ꓙꓵ, ꓥ ꓟ ꓪꓴ. ꓠꓬꓲ ꓣꓱ ꓫꓵˍ ꓣꓱ ꓙꓵꓽ ꓪꓴ. ꓠ, ꓟ ꓫ. ꓔꓬ ꓟ ꓪꓴ. ꓠꓬꓲ ꓙꓻ ꓖꓴ ꓔꓯ ꓠꓲ, ꓞꓻ ꓞꓼ ꓞꓼ ꓫꓬ, ꓖꓶ ꓠ, ꓟ ꓠꓲ, ꓫꓵˍ ꓡꓳ ꓐꓰ ꓐꓯ ꓔ ꓡꓳ꓿

ꓟꓶ‐ꓛ‐ꓐꓳ ꓡꓳ ꓒꓱ ꓗꓪ ꓐꓰ ꓔꓲ‐ꓛ ꓞꓳ ꓘ, ꓠꓬ ꓡꓳ ꓔ (40) ꓔꓷ ꓶꓻ ꓟ ꓙꓻ ꓖꓴ ꓥ ꓡꓳ ꓐꓰ (The 74 media ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿