ꓟꓶ‐ꓡꓯ‐ꓫ ꓗꓴꓷꓼ ꓗꓪ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓬꓰˍ ꓟ

ꓟꓶ‐ꓡꓯ‐ꓫ  ꓗꓴꓷꓼ ꓗꓪ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓬꓰˍ ꓟ

2 ꓦ ꓟ 1 ꓠꓬꓲ ꓗꓪ ꓐꓰ ꓠꓬꓲꓽ ꓠꓬꓲ ꓗꓪ ꓛꓲ ꓟꓶ‐ꓡꓯ‐ꓫ ꓗꓴꓷꓼ ꓢꓰ‐ꓡ‐ꓖꓳ ꓟꓵꓽ Kalumpanh ꓡꓳ ꓒꓱ ꓗꓪ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓔꓯ ꓗ, ꓛꓲꓽ ꓛꓲꓽ ꓡꓰ ꓬꓰ ꓗꓷꓳ꓾ ꓐꓰ ꓢꓷ. ꓪ ꓡꓳ꓿

ꓕꓱ ꓟ‐ꓡꓰ,‐ꓫ ꓗꓴꓷꓼ ꓗꓪ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓬꓰ ꓗꓷ ꓟ ꓗꓪ USA ꓗꓴꓷꓼ ꓗꓪ ꓐꓰ ꓟ. ꓒ ꓓꓽ ꓡ‐ꓪꓴ ꓐꓰ ꓟꓬ‐ꓟ ꓗꓴꓷꓼ ꓗꓪ ꓐꓰ ꓟ. ꓒ ꓓꓽ ꓡ‐ꓢ‐ꓣꓴ ꓐꓴ ꓥ ꓟꓲ ꓔꓺ ꓡ ꓢꓲ ꓠꓬꓲ ꓢꓯꓼ ꓖꓶ ꓪ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿

ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓗꓪ ꓜꓲꓼ ꓡ ꓢꓴ (300) ꓣꓳ ꓟꓽ ꓛꓲ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓕꓱ ꓑꓮꓲ ꓗꓪ ꓜꓲꓼ ꓡ ꓢꓴ ꓐꓴ ꓗꓪ ꓐꓰ (200) ꓣꓳ ꓠꓬ ꓡꓲ‐ꓢꓴ ꓞꓳ ꓡꓯ. ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓶ‐ꓡꓯ‐ꓫ ꓗꓴꓷꓼ ꓗꓪ ꓠꓬ ꓟꓬ‐ꓟ ꓗꓴꓷꓼ ꓗꓪ ꓐꓰ ꓡ ꓢꓲ ꓠꓬꓲ ꓟꓬꓱꓽ ꓬꓰ ꓜꓽ ꓢꓴ ꓮ ꓟꓬ, ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ꓿

ꓣꓳ ꓡꓲ‐ꓢꓴ ꓫꓵꓽ ꓐꓴ ꓥ ꓟꓲ ꓮ ꓟꓬ, ꓔꓬ ꓟ ꓗꓴꓷꓼ ꓟꓲ ꓥ ꓡꓳ꓿ ꓟꓶ‐ꓡꓯ‐ꓫ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓔꓯ ꓡꓣꓚ ꓡꓲ‐ꓢꓴ ꓜꓴꓻ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓬꓰ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿