ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓙꓲꓸꓸꓔꓲ ꓦꓲꓸꓹ ꓕꓲ ꓦꓲꓸꓹ ꓐꓰ ꓦꓲꓸꓹ ꓕꓲ ꓦꓲꓸꓹ ꓮ ꓔꓳꓸ ꓐꓬ ꓡꓰ ꓟ ꓓꓳꓽ

Tuesday, January 16, 2024

ꓟꓶ-ꓚꓲ-ꓠ-ꓡꓳ ꓒꓱ ꓢꓲꓔꓮꓑꓴꓣ ꓞꓳ ꓘꓹ ꓗꓪ ꓮ ꓟꓰ ꓠꓯꓼ ꓠꓯꓼ 4 ꓙꓵꓹ ꓕꓯ ꓮ ꓔꓳꓸ ꓪꓲꓣꓰ ꓢꓧꓳꓚꓗ ꓗꓷ ꓡꓰ ꓢꓲ꓾ ꓙꓲꓸꓸ ꓔꓲ ꓦꓲꓸꓹ ꓕꓲ ꓦꓲꓸꓹ ꓐꓰ ꓦꓲꓸꓹ ꓕꓲ ꓦꓲꓸꓹ ꓮ ꓔꓳꓸ ꓐꓬ ꓡꓰꓳ ꓐꓰ ꓢꓷꓸ ꓪ ꓡꓳ= ꓓ ꓪꓴꓸ ꓠꓬ ꓙꓲꓸꓸ ꓔꓲ ꓦꓲꓸꓹ ꓧꓶꓸ ꓕꓯ ꓮ ꓔꓳꓸ ꓙꓬ ꓡ ꓢꓲ꓾ ꓟꓽ ꓟꓶ ꓫꓵ ꓕꓯ ꓦꓲꓸꓹ ꓕꓲ ꓦꓲꓸꓹ ꓝꓸ ꓢꓲ꓾ ꓙꓬ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓮ ꓔꓳꓸ ꓐꓬ ꓡꓰ ꓟ ꓔꓶꓸ ꓗꓪ ꓮ ꓔꓳꓸ ꓢꓰꓼ ꓟꓳ-ꓓꓳ ꓠꓬꓲꓽ ꓢꓶꓽ ꓐꓰ ꓬꓲꓸꓹ ꓙꓬ ꓕꓲꓽ ꓟꓳ-ꓓꓳ ꓕꓲ ꓟꓳ ꓓꓳ ꓡꓰ ꓠꓯꓼ ꓠꓯꓼ 6 ꓙꓵꓹ ꓕꓯ ꓮ ꓔꓳꓸ ꓢꓰꓼ ꓗꓷ ꓢꓲ꓾ ꓞꓳ ꓤ ꓠꓸꓹ ꓓꓴ ꓡꓰ ꓓꓴ ꓠꓬ ꓟꓽ ꓔꓬ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓡꓳꓹ ꓬꓰ ꓟ 2023 ꓘꓳꓼ ꓕꓯ ꓥˍ ꓟꓲ ꓟꓶ-ꓚꓲ-ꓠ ꓡꓳ ꓒꓱ ꓣꓮꓟꓑꓴ ꓞꓳ ꓘꓹ ꓗꓪ ꓥˍ ꓟꓲ ꓪꓲꓣꓰ ꓢꓧꓳꓚꓗ ꓗꓷ ꓡꓰ ꓢꓲ꓾ ꓟꓬꓱꓽ ꓬꓰ ꓔꓶꓸ ꓕꓲ ꓔꓶꓸ ꓮ ꓔꓳꓸ ꓐꓬ ꓡꓰ ꓟ ꓥˍ ꓡꓳ ꓐꓰ ꓢꓷꓸ ꓪ ꓡꓳ=