ꓟꓶ-ꓚꓲ-ꓠ ꓡꓳ ꓒꓱ Nan Kaew ꓬꓲꓻ ꓙꓬ ꓡꓳ ꓗꓪ ꓤ ꓟꓶ ꓤ ꓕꓲ ꓣꓳ ꓬꓲꓻ ꓙꓬ ꓔꓲꓹ ꓢꓲ꓾ ꓫꓵꓻ ꓡꓰ ꓟ ꓓꓳ: 

ꓟꓶ-ꓚꓲ-ꓠ ꓡꓳ ꓒꓱ Nan Kaew ꓬꓲꓻ ꓙꓬ ꓡꓳ ꓗꓪ ꓤ ꓟꓶ ꓤ ꓕꓲ ꓣꓳ ꓬꓲꓻ ꓙꓬ ꓔꓲꓹ ꓢꓲ꓾ ꓫꓵꓻ ꓡꓰ ꓟ ꓓꓳ: ꓡꓳꓹ ꓬꓰ ꓟ 3023 ꓘꓳꓼ 7 ꓦ 9 ꓠꓬꓲ ꓕꓯ ꓟꓶ-ꓚꓲ-ꓠ ꓡꓳ ꓒꓱ Nan Kaew ꓬꓲꓻ ꓙꓬ ꓡꓳ ꓗꓪ ꓤ ꓟꓶ ꓤ ꓕꓲ ꓣꓳ ꓫꓵꓻ ꓟꓳ ꓔꓯ ꓡꓳ. ꓟꓳ ꓪ ꓡꓰꓳ ꓐꓰ ꓢꓷ. ꓪ ꓡꓳ= ꓕꓱ ꓤ ꓟꓶ ꓤ ꓠꓬ ꓬꓲ ꓟꓯꓼ ꓛꓳ ꓒꓯꓹ ꓐꓴ ꓐꓰ ꓕꓲ ꓪ ꓬꓲꓻ ꓙꓬ ꓞꓲ ꓤ ꓡ ꓕꓯ ꓬꓲꓻ ꓙꓬ ꓔꓲꓹ ꓢꓲ꓾ ꓫꓵꓻ ꓡꓰ ꓟ ꓥ ꓡꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ=
ꓕꓱ ꓡꓱ ꓬꓲꓻ ꓙꓬ ꓔꓲꓹ ꓢꓲ꓾ ꓫꓵꓻ ꓡꓰ ꓟ ꓤ ꓟꓶ ꓤ ꓫꓵꓻ ꓟꓳ ꓔꓯ ꓠꓬ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓟ ꓑ ꓫꓬ ꓠꓯꓺ ꓞꓲꓼ ꓦꓲꓻ ꓓ ꓟ ꓗꓪ ꓧꓳ: ꓦ ꓪ ꓡꓰꓳ ꓐꓰ ꓢꓷ. ꓪ ꓡꓳ=
ꓕꓱ ꓡꓱ ꓬꓲꓻ ꓙꓬ ꓔꓲꓹ ꓢꓲ꓾ ꓫꓵꓻ ꓡꓰ ꓟ ꓤ ꓟꓶ ꓤ ꓠꓬ Sitapu ꓞꓳ ꓘꓹ ꓗꓪ ꓔꓬ ꓢꓴ ꓥ ꓡꓳ ꓐꓰ ꓢꓷ. ꓪ ꓡꓳ=
ꓡꓳꓹ ꓬꓰ ꓟ 2022 ꓘꓳꓼ ꓕꓯ ꓥˍ ꓟꓲ Nan Kaew ꓬꓲꓻ ꓙꓬ ꓡꓳ ꓗꓪ ꓬꓲꓻ ꓙꓬ ꓞꓲ ꓤ ꓡ ꓟ ꓤ ꓑ ꓤ ꓕꓲ ꓫꓵꓻ ꓬꓲꓻ ꓙꓬ ꓔꓲꓹ ꓢꓲ꓾ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=