ꓟꓶ: ꓦ ꓮ ꓟꓬ, ꓦ ꓢꓲ ꓠꓬꓲ ꓡꓳ ꓓꓲꓻ ꓮ ꓟꓬ, ꓞꓰꓻ ꓔꓬ ꓟ ꓪꓴ. ꓠꓬꓲ ꓒꓲ‐ꓟꓳ ꓟꓳ‐ꓓꓳ ꓙꓻ ꓖꓴ ꓙꓰ ꓠ, ꓟ ꓫ. ꓔꓬ ꓟ ꓓꓳꓽ

ꓟꓶ: ꓦ ꓮ ꓟꓬ, ꓦ ꓢꓲ  ꓠꓬꓲ ꓡꓳ ꓓꓲꓻ ꓮ ꓟꓬ, ꓞꓰꓻ ꓔꓬ ꓟ ꓪꓴ. ꓠꓬꓲ ꓒꓲ‐ꓟꓳ ꓟꓳ‐ꓓꓳ ꓙꓻ ꓖꓴ ꓙꓰ ꓠ, ꓟ ꓫ. ꓔꓬ ꓟ ꓓꓳꓽ

6 ꓦ ꓟ 15 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓛꓲ‐ꓑꓪꓲ ꓟꓵꓽ ꓒꓲ‐ꓟꓳ ꓡꓳ ꓒꓱ ꓗꓪ 6 ꓦ ꓟ 10 ꓠꓬꓲ ꓗꓪ ꓐꓰ ꓟꓶꓽ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓡꓳ ꓓꓲꓻ ꓡꓱ. ꓢꓲ ꓠꓬꓲ ꓟꓳ‐ꓓꓳ ꓙꓻ ꓖꓴ ꓙꓰ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓒꓲ‐ꓟꓳ ꓡꓳ ꓒꓱ ꓗꓪ ꓙꓰ ꓟ ꓙꓻ ꓖꓴ ꓥ ꓟꓲ ꓪꓽ ꓜꓱ ꓢꓽ ꓟ ꓒ ꓕꓲ ꓗꓪ ꓟꓳ‐ꓓꓳ ꓙꓻ ꓖꓴ ꓠꓬ ꓮ ꓟꓬ, ꓙꓰ ꓟꓽ ꓙꓲꓻ ꓐꓰ ꓐꓯ ꓔ ꓡꓳ꓿ ꓟꓳ‐ꓓꓳ ꓫꓲ. ꓒꓽ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓮ ꓟꓲꓽ ꓕꓯ ꓟꓶꓽ ꓦ ꓮ ꓟꓬ, ꓦ ꓡ ꓢꓲ ꓟ‐ꓓꓳ ꓙꓻ ꓖꓴ ꓗꓪ ꓡꓳ ꓓꓲꓻ ꓮ ꓟꓬ, ꓡꓱ. ꓞꓰꓻ ꓡ ꓟ ꓢꓴ. ꓠꓬꓲ ꓙꓻ ꓖꓴ ꓞꓲꓼ ꓡꓰ ꓪ ꓐꓰ ꓐꓯ ꓔ ꓡꓳ꓿ ꓟꓳ‐ꓓꓳ ꓫꓲ. ꓢꓴ ꓐꓴ ꓠꓬ ꓮ ꓟꓬ, ꓙꓼ ꓟꓳ ꓢꓲ ꓠꓬꓲ ꓟꓳ‐ꓓꓳ ꓫꓲ. ꓔꓬ ꓡꓳ ꓮ ꓔꓲ ꓤꓼ ꓥꓳꓽ ꓡꓰ ꓠꓬ ꓮ ꓘꓶ. ꓙꓳꓺ ꓛꓲ ꓟ ꓙꓻ ꓖꓴ ꓥ ꓟ ꓪꓴ. ꓠꓬꓲ ꓮ ꓘꓶ. ꓤ ꓟꓳ ꓢꓲ ꓠꓬꓲ ꓟꓳ‐ꓓꓳ ꓫꓲ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓟꓶ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓡꓳ ꓓꓲꓻ ꓡꓱ. ꓞꓰ ꓡ ꓢꓲ ꓠꓬꓲ ꓙꓻ ꓖꓴ ꓗꓻ ꓞꓲꓼ ꓔꓬ ꓟ ꓙꓻ ꓖꓴ ꓔꓯ ꓙꓻ ꓖꓴ ꓫꓬ, ꓢꓴ ꓐꓴ ꓐꓰ ꓙ ꓡꓯꓽ ꓘꓳ, ꓢꓲ ꓠꓬꓲ ꓞꓼ ꓞꓼ ꓙꓻ ꓖꓴ ꓫꓬ, ꓪ ꓠ, ꓟ ꓬꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓒꓲ‐ꓟꓳ ꓟꓵꓽ ꓗꓪ ꓐꓰ ꓠꓬ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓟꓶ ꓦ ꓮ ꓟꓬ, ꓦ ꓡ ꓟ ꓟꓵꓽ ꓥ ꓟ ꓪꓴ.ꓠꓬꓲ ꓙꓻ ꓖꓴ ꓮ ꓟꓬ, ꓐꓬ ꓡꓰ ꓟ ꓟꓵꓽ ꓟꓲ ꓥ ꓡꓳ ꓐꓰ (EPN)Facebook ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿