ꓟ-ꓓ-ꓡꓰꓹ ꓗꓪ ꓞꓺ ꓢꓯꓼ ꓮ ꓘꓶꓸ ꓟꓴꓺ ꓓꓯꓻ ꓡ ꓔꓬ ꓟ ꓑꓶꓸ ꓓꓴ ꓕꓲ ꓠꓬꓲ ꓘꓴꓽ ꓗꓪ ꓡꓰꓽ 10 ꓣꓳ ꓟꓽ ꓞꓲꓺ ꓫꓵꓻ ꓔꓬ ꓟ ꓓꓳꓽ

ꓟ-ꓓ-ꓡꓰꓹ ꓗꓪ ꓞꓺ ꓢꓯꓼ ꓮ ꓘꓶꓸ ꓟꓴ ꓓꓯꓻ ꓡ ꓔꓬ ꓟ ꓑꓶꓸ ꓓꓴ 4 ꓦ 29 ꓠꓬꓲ꓾ ꓕꓲ ꓠꓬꓲ ꓘꓴꓽ ꓗꓪ ꓡꓰꓽ ꓞꓺ ꓢꓯꓼ ꓟꓶꓸ ꓡꓰ ꓢꓲ ꓫꓵꓻ ꓢꓴ ꓞꓲꓺ ꓣꓳ ꓟꓽ ꓞꓲꓺ ꓙꓳˍ ꓟ ꓥ ꓢꓲ꓾ 4 ꓦ ꓕꓲ ꓦ ꓡꓱꓸꓼ ꓗꓪ ꓞꓺ ꓢꓯꓼ ꓟꓶꓸ ꓢꓲ ꓫꓵꓻ ꓢꓴ 40 ꓣꓳ ꓟꓽ ꓞꓲꓺꓳ꓾ ꓐꓰ ꓟ-ꓓ-ꓡꓰꓹ ꓗꓪ ꓟ ꓬꓰ ꓙ ꓢꓴ ꓜꓴꓻ ꓐꓴ ꓗꓰ ꓐꓰ ꓢꓷꓸ ꓪ ꓡꓳ=

ꓞꓺ ꓢꓯꓼ ꓮ ꓘꓶꓸ ꓟꓬꓽ ꓡ ꓔꓬ ꓟ ꓗꓳꓸ ꓡ ꓟ 4 ꓦ ꓘꓴꓽ ꓗꓪ ꓧꓰꓮꓔ ꓢꓔꓣꓳꓗꓰ ꓐꓯ ꓟ ꓞꓺ ꓢꓯꓼ ꓟꓶꓸ ꓢꓲ ꓫꓵꓻ ꓢꓴ ꓐꓰ ꓠꓯꓻ ꓞꓲꓼ ꓦꓲ ꓗꓪ ꓠꓻ ꓫꓬꓹ ꓔꓬ ꓪ ꓢꓴ ꓮ ꓟꓬꓹ ꓟꓬꓽ ꓡ ꓔꓬ ꓟ ꓐꓰ꓾ ꓕꓲ ꓠꓬꓲ ꓕꓲ ꓠꓬꓲ ꓡ ꓞꓳ ꓫꓵꓻ ꓟ ꓘꓴꓽ ꓗꓪ ꓞꓺ ꓢꓯꓼ ꓟꓶꓸ ꓗꓷ ꓢꓲ ꓫꓵꓻ ꓢꓴ ꓐꓴ ꓥˍ ꓟꓲ ꓮ ꓟꓬꓹ ꓙꓳˍ ꓡꓳ꓾ ꓐꓰ ꓟ-ꓓ-ꓡꓰꓹ ꓬꓰ ꓙ ꓢꓴ ꓜꓴꓻ ꓗꓪ ꓧꓳꓽ ꓣꓱꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓟ-ꓓ-ꓡꓰꓹ ꓡꓳ ꓒꓱ ꓠꓬ 4 ꓦ 30 ꓠꓬꓲ ꓗꓪ ꓛꓲꓺ ꓟꓲ ꓠꓯ ꓞꓺ ꓓꓰ ꓡꓰˍ ꓟ ꓡꓳ ꓒꓱ 15 ꓟ ꓘꓴꓽ ꓗꓪ ꓕꓲ ꓟ ꓥ ꓢꓲ꓾ ꓞꓺ ꓢꓯꓼ ꓠꓬ 44ꓸ5°C ꓗꓪ ꓛꓲ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓟ-ꓓ-ꓡꓰꓹ ꓡꓰꓽ ꓟꓽ ꓞꓲꓺ ꓟ-ꓖꓪꓰꓹ ꓟꓵꓽ ꓫꓴ ꓗꓪ ꓥˍ ꓟꓲ 4 ꓦ 28 ꓠꓬꓲ ꓗꓪ ꓐꓰ 30 ꓠꓬꓲ ꓗꓪ ꓛꓲ ꓫꓵꓻ ꓢꓴ 8 ꓣꓳ ꓗꓪ ꓛꓲ ꓙꓳ ꓡꓰꓳ꓾ ꓐꓰ Voice of Myanmar ꓓꓳꓽ ꓗꓪ ꓐꓯ ꓔ ꓡꓳ=