ꓟ, ꓟ ꓦꓰ ꓟ ꓘꓴꓽ ꓗꓴ ꓙꓳ ꓟ ꓤ ꓠꓱ ꓤ ꓧꓳꓻ ꓝꓲ ꓟ (ꓒꓬ ꓩꓴ ꓗꓷ ꓟ) ꓤ ꓠꓱ ꓤ (43000) ꓣꓳ ꓔꓯ ꓚꓬꓴ ꓟ ꓢꓴ ꓫꓵꓻ ꓡꓰ ꓟ ꓓꓳꓽ

#creditphoto #Childs (43000) life safe

Sunday, December 03, 2023

ꓟ, ꓟ ꓦꓰ ꓟ ꓘꓴꓽ ꓗꓴ ꓙꓳ ꓟ ꓤ ꓠꓱ ꓤ ꓧꓳꓻ ꓝꓲ ꓟ (ꓒꓬ ꓩꓴ ꓗꓷ ꓟ) ꓤ ꓠꓱ ꓤ (43000) ꓣꓳ ꓔꓯ ꓚꓬꓴ ꓟ ꓢꓴ ꓫꓵꓻ ꓡꓰ ꓟ ꓓꓳꓽ

11 ꓦ ꓟ 26 ꓠꓬꓲ 2023 ꓘꓳꓼ ꓕꓯ ꓟ, ꓟ ꓦꓰꓼ ꓟ ꓘꓴꓽ ꓗꓪ ꓐꓰ ꓧꓳꓻ ꓝꓲ ꓗꓷ (ꓒꓬ ꓩꓴ ꓗꓷ ꓟ) ꓤ ꓠꓱ ꓤ (43000) ꓣꓳ ꓔꓯ ꓚꓬꓴ ꓙ ꓢꓴ ꓫꓵꓻ ꓡꓰ ꓐꓰ ꓐꓯ ꓔ ꓡꓳ꓿ ꓬꓲ ꓟꓬꓱꓺ ꓠꓬ Chris Slatter ꓥ ꓢꓲ ꓠꓬꓲ ꓠꓬꓲ ꓠꓬ ꓬꓲ ꓠꓬ ꓤ ꓠꓱ ꓤ ꓧꓳꓻ ꓝꓲ ꓟ (ꓒꓬ ꓩꓴ ꓟ) ꓔꓯ ꓗꓽ ꓕꓽ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓚꓮꓠꓚꓰꓣ ꓠꓻ ꓫꓵꓽ ꓠꓻ ꓢꓲ ꓠꓬꓲ ꓬꓲ ꓞꓲꓼ (68) ꓘꓳꓼ ꓕꓯ ꓫꓵꓻ ꓡꓰ ꓟ ꓥ ꓡꓳ꓿

Chris ꓠꓬ (ꓰꓟꓚ) ꓐꓰ ꓟꓬꓱꓺ ꓔ ꓟ ꓤ ꓠꓱ ꓟꓯ ꓟ ꓟ, ꓟ ꓐꓴ ꓐꓰ ꓟꓽ ꓓꓴ ꓙ ꓔ ꓟ ꓙꓵ, ꓔꓯ ꓤ ꓠꓱ ꓙꓳ ꓡꓰ ꓢꓴ ꓟ, ꓟ ꓐꓴ ꓐꓰ ꓤ ꓠꓱ ꓦꓵꓻ ꓠ, ꓟ ꓒꓴ ꓫꓵˍ ꓫ. ꓔꓬ ꓢꓴ ꓟ, ꓟ ꓐꓴ ꓐꓰ ꓤ ꓠꓱ ꓤ ꓙꓳˍ ꓡꓰ ꓟ ꓪꓴ. ꓠꓬꓲ ꓠꓱ ꓤ ꓤ ꓐꓴ ꓔꓯ ꓠꓯꓼ ꓞꓲꓼ ꓦꓲꓻ ꓗꓪ ꓧꓳꓻ ꓝꓲ ꓗꓷ ꓠ, ꓟ (ꓒꓬ ꓩꓴ ꓗꓷ ) ꓠ, ꓟ ꓬꓰ ꓔꓬ ꓟ ꓟ, ꓟ ꓐꓴ ꓔꓯ ꓠꓱ ꓤ ꓠꓱ ꓟꓽ ꓧꓳꓻ ꓝꓲ ꓟꓽ ꓒꓬ ꓩꓴ ꓠ, ꓟ ꓮ ꓡꓰ ꓐꓰ ꓔꓬ ꓠ, ꓟ ꓢꓷ. ꓠꓲ, ꓔꓯ ꓟ. ꓖꓶ ꓢꓴ ꓕꓲ ꓣꓳ ꓥ ꓡꓳ꓿

ꓕꓱ ꓡꓰ ꓐꓰ ꓬꓲ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓴꓢꓮ ꓗꓴꓷꓼ ꓠꓰꓪꓬꓳꓣꓗ ꓡꓳ ꓒꓱ ꓗꓪ ꓟꓬꓱ ꓬꓰ ꓟ ꓙꓵ, ꓔꓯ ꓟ, ꓟ ꓦꓰꓼ ꓟ ꓘꓴꓽ ꓗꓪ ꓐꓰ ꓧꓳꓻ ꓝꓲ ꓗꓷ ꓟ (ꓒꓬ ꓩꓴ ꓗꓷ ꓟ) ꓤ ꓠꓱ ꓤ (43000) ꓣꓳ ꓚꓬꓴ ꓙ ꓗꓷꓳ ꓐꓰ ꓐꓯ ꓔ ꓡꓳ꓿

ꓚꓧꓣꓲꓢ ꓡꓰ ꓐꓯ ꓔ ꓟ ꓠꓬ ꓕꓱ ꓡꓰ ꓟꓬꓱꓽ ꓬꓰ ꓒꓬꓱꓼ ꓡ ꓟ ꓠꓬ ꓤ ꓠꓱ ꓧꓳꓻ ꓞꓲ ꓠ, ꓟ ꓠꓱꓻ ꓞꓲꓼ ꓦꓲꓻ ꓗꓪ ꓡꓳ ꓔꓬ ꓟ ꓤ ꓠꓱ ꓟ, ꓟ ꓐꓴ ꓐꓰ ꓫ. ꓕꓱ ꓗꓷ ꓗ. ꓠꓱ ꓮ ꓡꓰ ꓐꓰ ꓤ ꓠꓱ ꓤ ꓐꓴ ꓧꓳꓻ ꓞꓲ ꓗꓷ ꓟ (ꓒꓬ ꓗꓷ ꓟ) ꓔꓯ ꓗꓽ ꓕꓽ ꓠ, ꓟ ꓟꓬꓱꓽ ꓬꓰ ꓠ, ꓟ ꓒꓬꓱꓼ ꓡ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓬꓲ ꓡꓰ ꓤ ꓠꓱ ꓟ, ꓟ ꓐꓴ ꓮ ꓟꓬ, ꓔꓯ ꓤ ꓠꓱ ꓐꓴ ꓔꓯ ꓦꓵꓻ ꓠ, ꓟ ꓐꓰ ꓤ ꓠꓱ ꓤ ꓐꓴ ꓠꓬ ꓪꓴ‐ꓢ ꓡꓯꓽ ꓫꓴ ꓥ ꓟ ꓚꓱ, ꓔꓯ ꓮ ꓘꓶ. ꓛꓲ ꓟ. ꓟ ꓚꓺ ꓖꓶ ꓢꓲ ꓠꓬꓲ ꓢꓷ. ꓠꓲ, ꓟ. ꓖꓶ ꓗꓷ ꓐꓰ ꓐꓯ ꓔ ꓡꓳ꓿ ꓬꓲ ꓠꓬ ꓗ‐ꓔꓳ‐ꓲ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓥ ꓢꓲ ꓠꓬꓲ ꓮ ꓘꓶ. ꓙꓵꓻ ꓠꓲ, ꓙꓳ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓟ, ꓟ ꓦꓰ ꓟ ꓘꓴꓽ ꓗꓪ ꓔꓬ ꓟ ꓤ ꓠꓱ ꓐꓴ ꓔꓯ ꓮ ꓘꓶ. ꓛꓲ ꓗꓽ ꓕꓽ ꓖꓶ ꓢꓴ ꓚꓬꓴ ꓙ ꓖꓶ ꓢꓴ ꓕꓲ ꓣꓳ ꓥ ꓡꓳ꓿