ꓠ‐ꓙꓲ‐ꓣ‐ꓬ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓗ‐ꓕꓳ‐ꓡꓲ ꓔꓲꓺ ꓒ ꓠꓬꓲꓽ ꓣꓳ ꓔꓯ ꓢꓰꓼ ꓗꓷ ꓟ ꓓꓳꓽ

 ꓠ‐ꓙꓲ‐ꓣ‐ꓬ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓗ‐ꓕꓳ‐ꓡꓲ ꓔꓲꓺ ꓒ ꓠꓬꓲꓽ ꓣꓳ ꓔꓯ  ꓢꓰꓼ ꓗꓷ ꓟ ꓓꓳꓽ

6 ꓦ ꓟ 27 ꓠꓬꓲ 2022 ꓘꓳꓼ ꓕꓯ ꓠ‐ꓙꓲ‐ꓣ‐ꓬ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓗ‐ꓕꓳ‐ꓡꓲ ꓔꓲꓺ ꓒ ꓠꓬꓲꓽ ꓣꓳ ꓔꓯ  ꓢꓰꓼ ꓗꓷꓳ꓾ ꓐꓰ ꓢꓷ. ꓪ ꓡꓳ꓿  ꓠ‐ꓙꓲ‐ꓣꓲ‐ꓬ ꓗꓴꓷꓼ Auchi ꓢ‐ꓢꓶ‐ꓠꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ Chirstopher ꓔꓯ ꓗꓳ. ꓗꓷ ꓟ ꓢꓲ ꓒꓽ ꓦꓬꓼ ꓠꓬꓲ ꓕꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷꓳ꓿

ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓔꓯ ꓢꓰꓼˍ ꓟ ꓔꓯ ꓔꓲꓺ ꓒ ꓑꓰꓔꓰꓣ ꓡꓰ ꓐꓯ ꓑꓶ ꓗꓷ ꓟ ꓥ ꓡꓳ꓿ ꓥꓪ ꓠꓴꓽ ꓮ ꓘꓶ. ꓠꓲ, ꓠꓵˍ ꓟ ꓔꓲꓺ ꓒ ꓮꓴꓚꓧꓲ ꓠꓬꓲ ꓪꓴ‐ꓢ ꓔꓯ ꓠꓲ, ꓠꓵˍ ꓟ ꓑꓶ. ꓓꓴ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓥ ꓡꓳ ꓐꓰ ꓐꓯ ꓖꓶ ꓔ ꓡꓳ꓿ ꓔꓲꓺ ꓒ ꓳꓓꓲꓮ ꓠꓬ ꓴꓜꓮꓲꓣꓴꓰ ꓡꓳ ꓒꓱ ꓗꓪ ꓙꓳˍ ꓟ ꓢꓲꓽ ꓫꓬ ꓢꓴ ꓟꓲ‐ꓘꓷ‐ꓡꓷ ꓪꓽ ꓘꓴ ꓦꓲꓻ ꓗꓪ ꓟꓲ‐ꓢ ꓔꓲꓺ ꓪꓽ ꓘꓴ ꓠ, ꓟ ꓙꓰ ꓔꓬ ꓟ ꓙꓻ ꓖꓴ ꓗꓪ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓦꓲꓔꓴꓢ ꓐꓳꓣꓳꓖꓳ ꓥ ꓟꓲ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓠꓬ 50 ꓘꓳꓼ ꓙꓳ ꓢꓴ ꓥ ꓢꓲ ꓠꓬꓲ ꓠ‐ꓙꓲ‐ꓣ‐ꓬ ꓗꓴꓷꓼ ꓗꓪ ꓔꓲꓺ ꓒ ꓓꓽ ꓔꓯ ꓬꓰ ꓙ ꓢꓴˍ ꓟꓲ ꓥ ꓡꓳ꓿ ꓔꓲꓺ ꓒ ꓐꓴ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓑꓶ. ꓓꓴ ꓮ ꓟꓬ, ꓠꓲ, ꓟ ꓫ. ꓔꓬ ꓡꓳ ꓐꓰ ꓔꓲꓺ ꓒ ꓟ‐ꓕꓲ ꓡꓰ ꓐꓯ ꓖꓶ ꓔ ꓡꓳ꓿ ꓝꓮꓲ ꓔꓲꓺ ꓒ ꓐꓴ ꓦꓻ ꓐꓱ ꓶ ꓪꓴ‐ꓢ ꓗꓴꓷꓼ ꓗꓪ ꓛꓲ ꓬꓰ ꓠ, ꓟ ꓪꓽ ꓘꓴ ꓙ ꓡꓯ ꓐꓰ ꓐꓯ ꓖꓶ ꓔ ꓡꓳ꓿