ꓠꓬꓲꓽ ꓠꓬꓲ ꓕꓲꓽ ꓠꓬꓲ ꓟ ꓢꓬꓠꓳꓓ ꓜꓲꓼ ꓓꓴ ꓚꓱ,

ꓡꓳꓹ ꓬꓰ ꓟ ꓠꓬꓲꓽ ꓠꓬꓲ ꓘꓴꓽ ꓗꓪ ꓐꓰ ꓝꓲ ꓓꓴ ꓐꓴ ꓔꓯ “ꓦ ꓢꓯꓼ ꓪ ꓘꓶꓽ” ꓐꓰ ꓐꓯ_ ꓟ ꓬꓲꓸ ꓚꓱꓹ 3 ꓚꓱꓹ ꓐꓰ ꓢꓬꓠꓳꓓ ꓚꓱꓹ ꓔꓯ ꓣꓱꓽ ꓢꓲ ꓙꓻ ꓫꓱꓽ ꓠꓹ ꓟ ꓘꓴꓽ ꓗꓷꓳ= ꓬꓲꓸ ꓪꓴꓸ ꓕꓲꓽ ꓚꓱꓹ ꓠꓬ “ ꓙꓽ ꓣꓳꓺ ꓠꓲꓹ ꓙꓳ ꓠꓹ ꓟ” ꓬꓲꓸ ꓜꓴ ꓗꓪ ꓔꓹ ꓢꓴ ꓮ ꓙꓵꓽ ꓠꓬ ꓢꓬꓠꓳꓓ ꓚꓱꓹ ꓢꓷꓸ ꓠꓲꓹ ꓔꓯ ꓠꓬꓲꓽ ꓧꓶꓹ ꓛꓲ ꓕꓲ ꓣꓳ ꓐꓰ ꓕꓲ ꓣꓳ ꓔꓱꓹ ꓕ ꓙꓻ ꓡꓯꓼ ꓘꓳ ꓢꓲ꓾ ꓗꓸ ꓠꓯꓸ ꓕꓲ ꓣꓳ ꓐꓰ ꓕꓲ ꓣꓳ ꓔꓱꓹ ꓕ ꓟ ꓚꓱꓹ ꓔꓯ ꓠꓬꓲꓽ ꓧꓶꓹ ꓛꓲ ꓢꓲ ꓡꓲꓹ ꓐꓰ ꓔꓬ ꓟ ꓙꓵꓹ ꓥ ꓡꓳ= ꓠꓬꓲꓽ ꓚꓱꓹ ꓕꓲꓽ ꓚꓱꓹ ꓠꓬ “ ꓠꓱꓸ ꓐꓯꓼ ꓢꓴ ꓔꓯ ꓬꓲ ꓔꓶꓸ ꓖꓶ_ ꓟ꓾” ꓬꓲꓸ ꓜꓴ ꓕꓲ ꓜꓴ ꓗꓪ ꓐꓰ ꓕꓲꓽ ꓣꓳ ꓬꓲ ꓪ ꓙꓻ ꓡꓯꓼ ꓘꓳ_ ꓟ ꓚꓱꓹ ꓔꓯ ꓠꓬꓲꓽ ꓧꓶꓹ ꓛꓲ ꓫꓸ ꓕꓱ ꓠꓹ ꓟ ꓥ ꓢꓲ꓾ ꓠꓬꓲꓽ ꓧꓶꓹ ꓛꓲ ꓢꓲ ꓡꓲꓹ ꓐꓰ ꓙꓻ ꓜꓲꓼ ꓔꓱꓹ ꓕ_ ꓟ ꓙꓵꓹ ꓥꓳ= ꓢꓽ ꓚꓱꓹ ꓕꓲ ꓚꓱꓹ ꓠꓬ “ꓕꓲꓽ ꓠꓲꓹ ꓕꓲ ꓪꓼ ꓫꓬꓹ ꓔꓶ_ ꓟ” ꓕꓱ ꓫꓸ ꓕꓱ_ ꓟ ꓚꓱꓹ ꓔꓯ ꓢꓷꓸ ꓠꓹ ꓟ꓾ ꓜꓴ ꓗꓪ ꓐꓰ ꓠ ꓠꓬꓲ ꓘꓶꓽ꓾ ꓟꓽ ꓪ_ ꓟ ꓚꓱꓹ ꓗꓪ ꓐꓰ ꓬꓲ ꓪ ꓓꓵꓽ ꓙ_ ꓟ ꓔꓯ ꓫꓸ ꓕꓱ_ ꓟ꓾ ꓕꓲ ꓣꓳ ꓐꓰ ꓕꓲ ꓣꓳ ꓢꓷꓸ ꓠꓲꓹ ꓙꓻ ꓜꓲꓼ ꓢꓷꓸ ꓙ ꓟꓳ ꓙ ꓡꓯꓼ ꓘꓳ ꓟ ꓙꓵꓹ ꓥ ꓡꓳ= ꓕꓱ ꓟ ꓚꓱꓹ ꓗꓪ ꓐꓰ ꓜꓲꓼ ꓡ ꓢꓴ ꓐꓴ ꓔꓯ ꓠꓽ ꓠꓬꓲ ꓘꓶꓽ꓾ ꓢꓲ-ꓫꓬ-ꓟ-ꓦ ꓠꓬ ꓮ ꓡꓲ ꓕꓲꓽ ꓒꓳꓹ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓡ?

ꓜꓲꓼ ꓡ ꓢꓴ ꓐꓴ ꓠꓬ ꓕꓱ ꓠꓽ ꓠꓬꓲ ꓘꓶꓽ ꓗꓪ ꓐꓰ ꓝꓮꓲ ꓔꓱꓹ ꓕ ꓢꓲ ꓪꓽ ꓘꓴ_ ꓟ꓾ ꓕꓱ ꓖꓪ ꓙꓱꓻ ꓟ ꓚꓱꓹ ꓗꓪ ꓟꓽ ꓐꓲ ꓜꓲꓼ_ ꓟ ꓟꓽ ꓥ ꓠꓬ ꓣꓱꓽ ꓬꓯꓼ_ ꓟ ꓙꓳ_ ꓡ? ꓮꓢꓲꓮ ꓗꓪ ꓐꓰ ꓙꓲ- ꓢꓴ ꓢꓲ ꓤ ꓐꓴ ꓠꓬ ꓕꓱ ꓢꓷꓸ ꓠꓲꓹ ꓙꓻ ꓜꓲꓼ ꓠꓲꓹ ꓗꓪ ꓐꓰ ꓕꓱ ꓣꓱꓽ ꓬꓯꓼ_ ꓟ ꓚꓱꓹ ꓗꓪ ꓐꓲ ꓜꓲꓼ ꓠꓹ ꓟ ꓐꓰ ꓪꓴ ꓟꓴ ꓡ ꓝꓲ ꓐ ꓡ_ ꓡ? 

ꓖꓪ ꓙꓱ ꓜꓲꓼ ꓓꓴ ꓠꓯꓼ ꓙꓵ, ꓕꓯ ꓮ‐ꓫ ꓗꓴꓷꓼ ꓐꓱ ꓶ ꓣꓱ ꓞ ꓔꓬ ꓟ ꓔꓯ ꓜꓲꓼ ꓓꓴ ꓗꓪ ꓡ ꓢꓴ ꓐꓴ ꓮ ꓟꓬ, ꓖꓪ ꓙꓱ ꓗꓷꓳ꓿ ꓕꓱ ꓠꓯꓼ ꓙꓵ, ꓖꓪ ꓙꓱ ꓜꓲꓼ ꓓꓴ ꓗꓪ ꓮ‐ꓫ ꓗꓴꓷꓼ ꓗꓪ ꓣꓱ: ꓬꓯꓼ ꓔꓬ ꓟ (5) ꓫꓵꓽ ꓐꓰ ꓛꓲ ꓡ ꓟ ꓦ ꓐ (10) ꓕꓯ ꓢꓬꓠꓳꓓꓮꓡ ꓮꓢꓢꓰꓟꓐꓡꓬ ꓗꓪ ꓣꓱꓽ ꓬꓯꓼ ꓔꓬ ꓟ ꓔ ꓞꓽ ꓞꓽ ꓖꓪ ꓙꓱ ꓡꓯ ꓘꓳ ꓠ, ꓟ ꓖꓪ ꓙꓱ ꓗꓷꓳ꓿ 

ꓕꓱ ꓖꓪ ꓙꓱ ꓜꓲꓼ ꓓꓴ ꓦꓬꓼ ꓠꓬꓲ ꓕꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓠꓬ ꓔꓲꓺ ꓒ ꓓꓽ ꓬꓳ‐ꓢꓷ ꓔꓧꓳꓟꓮꓢ ꓚꓳꓴꓔꓳ ꓝꓮꓲ ꓲꓠꓓꓲꓮ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓐꓴ ꓝꓮꓲ ꓞꓳꓽ ꓪꓴꓽ ꓚꓧꓣꓲꓢꓔꓲꓠꓮ ꓗꓧꓰꓠꓖ ꓐꓰ ꓟꓰꓔꓧꓳꓓꓳꓡꓳꓖꓬ ꓳꓠ ꓔꓧꓰ ꓚꓳꓟꓟꓲꓢꓢꓲꓳꓠ ꓝꓮꓐꓚ ꓢꓬꓠꓳꓓꓮꓡ ꓔꓮꓢꓗ ꓝꓳꓣꓚꓰ ꓗꓪ ꓐꓰ ꓞꓳ ꓪꓴꓽ ꓟꓳꓠꓳꓗꓳ ꓠꓲꓢꓧꓲꓟꓴꓣꓮ ꓐꓴ ꓥ ꓡꓳ꓿ ꓝꓮꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓔ ꓡ ꓢꓴ ꓐꓴ ꓠꓬ ꓮ‐ꓫ ꓗꓴꓷꓼ ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓢꓯꓼ ꓔꓯ ꓐꓯ ꓟ. ꓠ, ꓟ ꓥ ꓡꓳ꓿ ꓚꓲ ꓛꓬ ꓡꓰ ꓢꓷ. ꓔ ꓟ ꓚꓱ, ꓔꓯ ꓐꓯ ꓟ. ꓖꓶ ꓠ, ꓟ ꓟꓽ ꓥ ꓐꓰ ꓜꓲꓼ ꓓꓴ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓡꓰ ꓐꓯ ꓖꓶ ꓔ ꓡꓳ꓿ 

ꓠꓯꓼ ꓙꓵ, ꓖꓪ ꓙꓱ ꓜꓲꓼ ꓠꓬꓲꓽ ꓟ ꓔꓯ ꓢꓲ‐ꓒ ꓬꓰ‐ꓢꓴ ꓧꓪꓽ ꓖꓳ ꓓꓱꓽ ꓥ ꓟ ꓢꓲꓽ ꓫꓬ ꓑ ꓑ ꓗꓪ ꓪ ꓟꓽ ꓘꓴ ꓢꓲ ꓕꓯ ꓓꓳꓻ ꓡꓰ ꓟ ꓥ ꓡꓳ꓿ ꓢꓬꓳꓠꓓ ꓖꓪ ꓙꓱ ꓜꓲꓼ ꓓꓴ ꓔꓯ ꓧꓪ. ꓧꓪ ꓐꓰ ꓬꓰ ꓓꓳꓻ ꓠ, ꓟ ꓪꓽ ꓘꓴ ꓟ ꓠꓬ ꓮ ꓘꓶ. ꓣ. ꓚꓵꓻ ꓟ ꓥ ꓡꓳ꓿

ꓖꓳ ꓕꓲ ꓠꓬꓲ ꓗꓪ ꓟ ꓖꓪ ꓙꓱꓻ ꓜꓲꓼ ꓓꓴ ꓢ ꓧꓪꓹ ꓕꓲ ꓧꓪꓹ ꓗꓪ ꓟꓬꓱꓽ ꓬꓰ ꓕꓳꓽ ꓶ ꓚꓱꓹ ꓔꓯ ꓬꓲ ꓙꓲꓻ ꓚꓬꓹ ꓠꓬꓲ ꓠꓹ ꓟ ꓜꓴꓻ ꓔꓯ ꓘꓴ ꓗꓷ ꓟ ꓥ ꓡꓳ= ꓖꓪ ꓙꓱꓻ ꓜꓲꓼ ꓓꓴ ꓜꓴꓻ ꓗꓪ ꓟ ꓕꓲ ꓣꓳ ꓥ ꓟ꓾ Pakistan ꓗꓴꓷꓼ꓾ Karachi ꓔꓲꓺ ꓒ ꓓꓽ Cardinal Joseph Coutts ꓡꓰ ꓧꓳꓽ ꓪꓴꓸ ꓟꓴ ꓢꓲꓽ ꓫꓬꓹ ꓟ ꓟꓲ-ꓢ ꓬꓰ ꓗꓷ ꓢꓲ ꓖꓳ ꓕꓲ ꓠꓬꓲ ꓔꓯ ꓬꓲꓸ ꓟꓶꓽ ꓢꓰꓼ ꓗꓷꓳ= ꓖꓪ ꓙꓱꓻ ꓜꓲꓼˍ ꓟ ꓠꓬ ꓬꓰ ꓔꓬ ꓙꓰ ꓔꓬ ꓟ ꓥ ꓢꓲ꓾ ꓬꓲ-ꓟ-ꓪꓴ-ꓢꓶ ꓗꓪ ꓙꓰˍ ꓟ ꓙꓻ ꓖꓴ ꓗꓪ ꓟ ꓝꓲ ꓓꓴ ꓐꓴ ꓡꓰ ꓐꓰ “ ꓙ ꓖꓴ ꓗꓪ ꓬꓲ ꓣꓳꓽˍ ꓐꓰ ꓫꓸ ꓕꓱ ꓢꓲ꓾ ꓣꓳ ꓔꓯ ꓢꓲꓽ ꓫꓬ ꓕꓳ ꓶ ꓒꓶꓻ ꓟꓸ ꓖꓶ ꓡ ꓕꓯ꓾ ꓣꓳꓽ ꓠꓲꓹ ꓟ ꓗꓪ ꓡꓱꓻ ꓡꓰˍ ꓐꓰ ꓗꓹ ꓛꓲꓽˍ ꓟ ꓐꓲ ꓡꓰꓳ꓾ ꓟꓽ ꓥ ꓡ?꓾”(ꓡꓴ-ꓘ 24ꓽ32) ꓐꓯˍ ꓟ ꓢꓲꓽ ꓫꓬ ꓕꓳꓽ ꓶ ꓝꓲꓸ ...