ꓠꓮꓴ-ꓟꓲ ꓐꓰ ꓪ-ꓣ-ꓜꓴꓑ ꓞꓳ ꓘꓹ ꓟꓳ-ꓓꓳ ꓙꓻ ꓖꓴ ꓐꓬ ꓡꓰ ꓔꓬ ꓟ ꓑꓶ ꓓꓴ ꓙꓻ ꓫꓱꓽ ꓢꓴ ꓫꓸ ꓔꓬ ꓟ꓾

Thursday, August 24, 2023

ꓠꓮꓴ-ꓟꓲ ꓐꓰ ꓪ-ꓣ-ꓜꓴꓑ ꓞꓳ ꓘꓹ ꓟꓳ-ꓓꓳ ꓙꓻ ꓖꓴ ꓐꓬ ꓡꓰ ꓔꓬ ꓟ ꓑꓶ ꓓꓴ ꓙꓻ ꓫꓱꓽ ꓢꓴ ꓫꓸ ꓔꓬ ꓟ꓾

ꓗ-ꓛꓲ ꓗꓴꓷꓼ ꓫꓴꓻ ꓑ-ꓗ ꓡꓳ ꓒꓱ꓾ ꓠꓮꓴ-ꓟꓲ ꓐꓰ ꓪ-ꓣ-ꓜꓴꓑ ꓞꓳ ꓘꓹ ꓗꓪ ꓟꓳ-ꓓꓳ ꓙ ꓖꓴ ꓐꓬ ꓡꓰ ꓔꓬ ꓢꓲ꓾ ꓠꓲꓸ ꓞꓲ ꓡꓰ ꓔꓬ ꓟ ꓑꓶ ꓓꓴ ꓙ ꓫꓱ ꓢꓴ ꓐꓴ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓡꓳ ꓓꓲ ꓙ ꓖꓴ ꓥ ꓟ ꓪꓴꓸ ꓠꓬꓲ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓐꓬ ꓡꓰ ꓓꓴ ꓗꓷ ꓡꓰ ꓔꓬ ꓟ ꓥꓳ꓾ ꓕꓱ ꓕꓲ ꓘꓳꓼ ꓥ ꓟꓲ 7 ꓦ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓶꓽ ꓦ ꓦ ꓟ ꓥ ꓢꓲ꓾ ꓠꓲꓸ ꓞꓲ ꓐꓱ ꓗꓷ ꓡꓰ ꓟ ꓥ ꓢꓲ꓾ ꓟꓳ-ꓓꓳ ꓡꓰ ꓟꓽ ꓞꓲ ꓙ ꓫꓱꓽ ꓢꓴ ꓥ ꓟꓲ ꓫꓸ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓮ ꓟꓶ ꓒꓬꓱꓼ ꓔꓬ ꓟ ꓠꓬ ꓠꓮꓴ-ꓟꓲ ꓞꓳ ꓘꓹ ꓗꓪ ꓐꓰ ꓟꓲꓡꓰ 3 ꓕꓷꓹ ꓛꓲ ꓗꓪ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓮ ꓟꓶ ꓡꓰ ꓐꓰ ꓐꓬ ꓡꓰ ꓔꓬ ꓥ ꓟꓲ ꓮꓽ ꓟ ꓥ ꓟꓲ ꓝꓮꓲ ꓫꓬꓹ ꓐꓱ ꓓꓴ ꓟꓽ ꓬꓰ ꓖꓶ ꓡ ꓐꓰ ꓐꓯ ꓔ ꓡꓳ= ꓙꓵꓽ ꓪ ꓙꓳ ꓢꓴ ꓐꓴ ꓗꓪ ꓐꓰ ꓕꓱ ꓙ ꓖꓴ ꓫꓬꓹ ꓖꓶ ꓠꓹ ꓟ ꓐꓱ ꓶ ꓞꓳ ꓘꓹ ꓢꓴ ꓐꓴ ꓡꓰ ꓠꓲꓹ ꓫꓵ_ ꓡꓳ꓾ ꓐꓰ ꓐꓯ ꓔ ꓡꓳ=