ꓠꓰꓪꓜꓰꓡꓮꓠꓓ ꓗꓴꓷꓼ ꓗꓪ ꓥꓪ. ꓒ (500) ꓟ ꓬꓲꓻ ꓡꓳ ꓐꓱ ꓘꓶꓽ ꓗꓪ ꓫꓵꓻ ꓟ ꓓꓳꓽ

ꓠꓰꓪꓜꓰꓡꓮꓠꓓ ꓗꓴꓷꓼ ꓗꓪ ꓥꓪ. ꓒ (500) ꓟ ꓬꓲꓻ ꓡꓳ ꓐꓱ ꓘꓶꓽ ꓗꓪ ꓫꓵꓻ ꓟ ꓓꓳꓽ

10 ꓦ 13 ꓠꓬꓲ 2022 ꓘꓳꓼ ꓕꓯ ꓠꓰꓪꓜꓰꓡꓮꓠꓓ ꓗꓴꓷꓼ ꓗꓪ ꓥꓪ. ꓒ ꓓꓽ (500) ꓟ ꓬꓲꓻ ꓡꓳ ꓐꓱ ꓘꓶꓽ ꓗꓪ ꓫꓵꓻ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓠꓰꓪꓜꓰꓮꓡꓮꓠꓓ ꓗꓴꓷꓼ ꓚꓧꓮꓔꓧꓮꓟ ꓟꓵꓽ ꓬꓲꓻ ꓡꓳ ꓐꓱ ꓘꓶꓽ ꓗꓪ ꓥꓪ. ꓫꓵꓻ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓠꓖꓳ ꓜꓴꓻ ꓡꓰ ꓫ. ꓕꓱ ꓔ ꓟ ꓠꓬ ꓥꓪ. ꓫꓵꓻ ꓡꓰ ꓟ ꓠꓬ ꓬꓲ ꓪ ꓚꓲ ꓛꓬ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓠꓰꓪ ꓜꓰꓮꓡꓮꓠꓓ ꓗꓴꓷꓼ ꓚꓧꓮꓔꓧꓮꓟ ꓟꓵꓽ ꓗꓪ ꓠꓬ ꓑ ꓫꓬ (600) ꓣꓳ ꓔꓬ ꓟ ꓟꓵꓽ ꓥ ꓢꓲ ꓠꓬꓲ ꓬꓲꓻ ꓡꓳ ꓐꓱ ꓗꓪ ꓠꓬ ꓞꓳ ꓤ ꓔꓯ ꓜꓼˍ ꓟ ꓥꓪ. ꓮ ꓟꓬ, ꓔꓬ ꓟ ꓪꓴ. ꓠꓬꓲ ꓫꓵꓻ ꓔꓬ ꓟ ꓥꓪ. ꓜꓴꓻ ꓔꓯ ꓬꓲꓻ ꓙꓬ ꓘꓴꓽ ꓗꓪ ꓛꓲ ꓬꓰ ꓠ, ꓟ ꓬꓰ ꓙ ꓢꓴ ꓐꓴ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓠꓰꓪꓜꓰꓮꓡꓮꓠꓓ ꓗꓴꓷꓼ ꓗꓪ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓟꓵ ꓞꓴꓽ ꓞꓻ ꓝꓲ. ꓕꓯ ꓬꓲꓻ ꓡꓳ ꓐꓱ ꓘꓶꓽ ꓗꓪ ꓥꓪ. ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ꓿ ꓮꓴꓢꓔꓣꓮꓡꓲꓮ ꓗꓴꓷꓼ ꓥ ꓟꓲ ꓗꓳ. ꓗꓷ ꓟ ꓕꓲ ꓫꓵꓽ ꓠꓽ ꓘꓴꓽ ꓗꓪ ꓥꓪ. (200) ꓟ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ꓴ