ꓠꓲꓖꓰꓣ ꓬꓲꓻ ꓙꓬ ꓡꓳ ꓗꓸ ꓗꓪ ꓡꓲ ꓗꓪꓼ ꓡꓰ ꓢꓲ꓾ ꓞꓳ ꓤ 100 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

photo: credit

Thursday, June 15, 2023

ꓠꓲꓖꓰꓣ ꓬꓲꓻ ꓙꓬ ꓡꓳ ꓗꓸ ꓗꓪ ꓡꓲ ꓗꓪꓼ ꓡꓰ ꓢꓲ꓾ ꓞꓳ ꓤ 100 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

ꓠꓮꓲ-ꓙꓲ-ꓣꓲ-ꓬ ꓗꓴꓷꓼ꓾ ꓗꓮꓪ-ꓔ ꓗꓴꓷꓼ ꓫꓴꓺ ꓗꓪ ꓔꓬ ꓟ ꓠ-ꓙ ꓬꓲꓻ ꓙꓬ ꓡꓳ ꓗꓸ ꓗꓪ 6 ꓦ ꓟ 12 ꓠꓬꓲ ꓠꓽ ꓕꓲ ꓠꓬꓲ ꓕꓯ ꓡꓲ ꓕꓲꓽ ꓟ ꓗꓪꓼ ꓡꓰ ꓢꓲ꓾ ꓞꓳ ꓤ 100 ꓣꓳ ꓟꓽ ꓞꓲ ꓫꓵꓻ ꓡꓰꓳ ꓐꓰ ꓢꓷꓸ ꓪ ꓡꓳ=

ꓡꓲ ꓠꓬ ꓬꓲꓻ ꓙꓬ ꓬꓲꓻ ꓒ ꓐꓰ ꓡꓲ ꓔꓱꓹ ꓟꓽ ꓘꓴ ꓢꓲ꓾ ꓢꓲꓹ ꓜꓲ ꓐꓰ ꓙꓵꓽ ꓡꓰ ꓟ ꓑꓶ ꓓꓴ ꓡꓲ ꓗꓪꓼ ꓡꓰ ꓟ ꓥ ꓡꓳ= ꓫꓵꓻ ꓢꓴ ꓐꓴ ꓠꓬ ꓤ ꓠꓱ ꓤ ꓐꓰ ꓤ ꓟꓶ ꓮ ꓟꓬꓹ ꓐ_ ꓟ ꓥꓳ= ꓫꓵꓻ ꓡꓰ ꓢꓴ ꓐꓴ ꓠꓬ ꓖꓳ ꓗꓪ ꓒ ꓕꓲ ꓞꓳ ꓘꓹ ꓗꓪ ꓔꓬ ꓢꓴ ꓥ ꓢꓲ꓾ ꓮ-ꓐꓳ-ꓔꓲ-ꓬ ꓐꓯ_ ꓟ ꓞꓳ ꓤ ꓗꓪ ꓡꓯꓽ ꓒꓯꓹ ꓝꓸ ꓑꓮꓲ ꓙꓰ ꓢꓲ꓾ ꓡꓽ ꓡ ꓕꓯ ꓗꓷ ꓡꓰ ꓟ ꓥ ꓡꓳ=

ꓡꓲ ꓗꓪꓼ ꓡꓰ ꓟ ꓗꓪ ꓞꓳ ꓤ 103 ꓣꓳ ꓫꓵꓻ ꓡꓰ ꓢꓲ꓾ ꓞꓳ ꓤ 100 ꓣꓳ ꓔꓯ ꓬꓰ ꓙ ꓚꓬꓴ ꓙ ꓦ ꓡꓳ ꓐꓰ ꓬꓰ ꓙ ꓢꓴ ꓜꓴꓻ ꓗꓪ ꓐꓰ ꓠꓽ ꓠꓬꓲ ꓠꓬꓲ ꓕꓯ ꓐꓯ ꓔ ꓡꓳ=

ꓞꓳ ꓘꓹ ꓢꓴ ꓐꓴ ꓡꓰ ꓐꓯ_ ꓟ ꓠꓬ ꓕꓱ ꓡꓱ ꓮ ꓟꓬꓹ ꓫꓵꓻ ꓡꓰ ꓟ ꓠꓬ ꓡꓲ ꓗꓪꓼ ꓡꓰ ꓟ ꓠꓯꓼ ꓠꓯꓼ 3 ꓙꓵꓹ ꓛꓲ ꓕꓯ ꓗꓷ ꓡꓰ ꓟ ꓥ ꓢꓲ꓾ ꓮ ꓘꓶꓸ ꓟꓶꓺ ꓫꓵꓺ ꓗꓪ ꓛꓲ ꓮꓽ ꓟ ꓥ ꓟꓲ ꓟꓽ ꓢꓷꓸ ꓗꓷ ꓡꓰ ꓟ ꓑꓶ ꓓꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=