ꓠꓻ ꓐꓶꓽ ꓓꓲ ꓙꓳ ꓢꓴ ꓮ ꓟꓬꓹ ꓟꓬꓽ ꓡ ꓟ ꓪꓴꓸ ꓠꓬꓲ ꓚꓳꓦꓲꓓ ꓗꓻ ꓫꓵꓻ ꓬꓲ ꓫꓵꓼ ꓐꓴ ꓔꓯ ꓠꓯꓻ ꓞꓲꓼ ꓟꓬꓱꓽ ꓣꓱꓽ ꓢꓲꓽ ꓒ ꓜꓴ ꓐꓴ ꓡꓰ ꓫꓬꓹ ꓓꓳ ꓡ ꓟ

ꓠꓱꓸ ꓐꓯ ꓗꓴꓷꓼ ꓗꓪ ꓐꓰ ꓬꓲꓼ ꓡ ꓗꓷ ꓢꓴ ꓐꓴ ꓗꓪ ꓐꓰ ꓚꓳꓦꓲꓓ ꓐꓶꓽ ꓓꓲꓻ ꓮ ꓟꓬꓹ ꓟꓳꓻ ꓡ ꓠꓬꓲ 8 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓛꓳ ꓫꓱꓽ ꓠꓯꓹ ꓟ ꓚꓳꓦꓲꓓ ꓗꓻ ꓫꓵꓻ ꓐꓴ ꓔꓯ ꓠꓯꓻ ꓞꓲꓼ ꓟꓬꓱꓽ ꓣꓱꓽ ꓢꓲꓽ ꓒ ꓜꓴ ꓗꓪ ꓐꓰ ꓐꓯ ꓑꓶ ꓗꓷꓳ=

8 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓬ-ꓟ ꓗꓴꓷꓼ ꓗꓪ ꓐꓬꓱꓻ ꓦꓲ ꓗꓪ ꓐꓰ ꓬꓲꓼ ꓡ ꓢꓴ ꓐꓴ ꓠꓬ꓾ ꓟꓬ-ꓟ ꓗꓴꓷꓼ ꓗꓪ ꓛꓲꓺ ꓡ ꓟ ꓬꓲ ꓠꓬꓲ ꓟꓽ ꓛꓲꓺ ꓡ ꓢꓰꓽ ꓟ ꓧꓶꓸ ꓕꓯ 14 ꓠꓬꓲ ꓗꓪ ꓚꓳꓦꓲꓓ ꓗꓽ ꓠꓯꓻ ꓞꓲꓼ ꓗꓸ ꓔ ꓟ ꓡꓯꓼ ꓟꓼ ꓟꓳꓸ ꓖꓶ ꓠ ꓔ ꓡꓳ꓾ ꓐꓰ ꓐꓯ ꓔ ꓡꓳ=

ꓕꓱ ꓟ ꓡꓰꓽ ꓟꓽ ꓞꓲꓺ 48 ꓙꓵꓹ ꓘꓴꓽ ꓗꓪ ꓠꓯꓻ ꓞꓲꓼ ꓚꓬꓹ ꓠꓬꓲ ꓔ ꓟ ꓔꓯ ꓟꓳꓸ ꓖꓶ ꓠꓯꓹ ꓟ ꓥ ꓢꓲ ꓠꓬꓲ ꓚꓬꓹ ꓠꓬꓲ ꓔ ꓟ ꓕꓳꓽ ꓶ ꓒꓬꓽ ꓗꓪ ꓚꓳꓦꓲꓓ ꓠꓻ ꓟꓽ ꓙꓳ ꓐꓰ ꓐꓳ ꓔ ꓟ ꓥ ꓠꓯꓹ ꓡꓳ= ꓝꓮꓲ ꓟꓬ-ꓟ ꓗꓴꓷꓼ ꓐꓬꓱꓻ ꓦꓲꓻ ꓠꓽ ꓔꓶꓸ ꓗꓪ ꓛꓲꓺ ꓡˍ ꓕꓯˍ ꓟꓲ ꓝꓮꓲ ꓕꓲ ꓧꓪꓹ ꓚꓳꓦꓲꓓ ꓠꓻ ꓙꓳ ꓟꓽ ꓙꓳ ꓚꓬꓹ ꓠꓬꓲ ꓠ ꓗꓹ ꓡꓳ꓾ ꓐꓰ ꓐꓯ ꓑꓶ ꓔ ꓡꓳ= ꓖꓳ ꓡꓰ ꓚꓬꓹ ꓠꓬꓲˍ ꓕꓯ ꓠꓻ ꓟꓽ ꓙꓳ ꓢꓴ ꓠꓬ ꓚꓲꓸ ꓛꓬ ꓙꓰ ꓠꓲꓹ ꓫꓵˍ ꓟ ꓗꓪ ꓙꓰ ꓐ ꓡˍ ꓟ ꓥ ꓢꓲ ꓠꓻ ꓙꓳ ꓢꓴ ꓠꓬ ꓠꓯꓻ ꓞꓲꓼ ꓦꓲ꓾ ꓠꓯꓻ ꓞꓲꓼ ꓫꓬꓹ ꓔꓶꓸ꓾ ꓥ ꓠꓬ꓾ ꓧꓳꓔꓰꓡ ꓗꓪ ꓙꓰ ꓢꓲ ꓠꓻ ꓫꓬꓹ ꓓꓴ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=