ꓡ‐ꓫꓬꓳ ꓡꓳ ꓒꓱ ꓗꓪ ꓬꓲꓻ ꓙꓬ ꓡꓶꓽ ꓡ ꓟ ꓑꓶ. ꓓꓴ ꓫꓵꓻ ꓢꓴ ꓑ ꓫꓬ ꓙꓳˍ ꓟ ꓓꓳꓽ

ꓡ‐ꓫꓬꓳ ꓡꓳ ꓒꓱ ꓗꓪ ꓬꓲꓻ ꓙꓬ ꓡꓶꓽ ꓡ ꓟ ꓑꓶ. ꓓꓴ ꓫꓵꓻ ꓢꓴ ꓑ ꓫꓬ ꓙꓳˍ ꓟ ꓓꓳꓽ

ꓐꓶ‐ꓬꓲ ꓟꓵꓽ ꓡ‐ꓫꓬꓳ ꓡꓳ ꓒꓱ ꓗꓪ 9 ꓦ ꓟ 14 ꓠꓬꓲ 2023 ꓘꓳꓼ ꓕꓯ ꓟꓶ ꓦ ꓮ ꓟꓬ, ꓦ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓞꓳ ꓘ, ꓮ ꓟꓬ, ꓗꓪ ꓬꓲꓻ ꓙꓬ ꓙꓵꓽ ꓡˍ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓟꓶ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓐꓱ ꓐꓶꓽ ꓡ ꓢꓲ ꓠꓬꓲ ꓡ‐ꓫꓬꓳ ꓡꓳ ꓒꓱ ꓗꓪ ꓙꓳˍ ꓟ ꓬꓲꓻ ꓙꓬ ꓡꓳ ꓮ ꓟꓬ, ꓬꓲꓻ ꓙꓬ ꓙꓵꓽ ꓟꓶ. ꓡꓰꓳ꓿

ꓝꓮꓲ ꓑ ꓫꓬ ꓐꓴ ꓔꓬ ꓟ ꓞꓳ ꓘ, ꓮ ꓟꓬ, ꓦꓲꓻ ꓮ ꓟꓬ, ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰꓳ ꓐꓰ ꓐꓯ ꓔ ꓡꓳ꓿

ꓕꓱ ꓟꓬ ꓛꓲ ꓬꓲꓻ  ꓙꓬ ꓟꓽ ꓙꓵꓽ ꓡ ꓟ` ꓠꓬ (10) ꓘꓳꓼ ꓛꓲ ꓙꓳ ꓡꓰꓳ ꓐꓰ ꓐꓯ ꓔ ꓡꓳ꓿ ꓡ‐ꓫꓬꓳ ꓡꓳ ꓒꓱ ꓗꓪ ꓕꓱ ꓕꓲ ꓧꓪ, ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ ꓕꓲ ꓣꓳ ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ ꓔꓬ ꓦꓲꓻ ꓐꓬ ꓡꓰꓳ꓾ ꓐꓰ ꓐꓯ ꓔ ꓡꓳ꓿

ꓝꓮꓲ ꓫ. ꓔꓬ ꓢꓴ  ꓑ ꓫꓬ ꓐꓴ ꓔꓯ ꓬꓰ ꓙ ꓢꓴ ꓜꓴꓻ ꓡꓰ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ ( 7 Stars News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿