ꓡꓲ-ꓢꓴ ꓕꓳ: ꓶ (106) ꓘꓳꓼ ꓐꓲˍ ꓟ ꓐꓰ ꓠꓮꓟ‐ꓔꓴ ꓡꓲ‐ꓢꓴ ꓕꓳꓽ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴꓻ ꓗꓪ ꓐꓰ ꓧꓳꓽ ꓣꓱꓽˍ ꓟ ꓘꓳꓼ ꓫꓵꓼ ꓡꓳꓥꓽ ꓑꓮꓲ ꓬꓰ ꓗꓷ ꓟ ꓓꓳꓽ

ꓡꓲ-ꓢꓴ ꓕꓳ: ꓶ (106) ꓘꓳꓼ ꓐꓲˍ ꓟ ꓐꓰ ꓠꓮꓟ‐ꓔꓴ ꓡꓲ‐ꓢꓴ ꓕꓳꓽ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴꓻ ꓗꓪ ꓐꓰ ꓧꓳꓽ ꓣꓱꓽˍ ꓟ ꓘꓳꓼ ꓫꓵꓼ ꓡꓳꓥꓽ ꓑꓮꓲ ꓬꓰ ꓗꓷ ꓟ ꓓꓳꓽ

2 ꓦ ꓟ 27 ꓠꓬꓲ ꓗꓪ ꓐꓰ 3 ꓦ ꓟ 2 ꓠꓬꓲ ꓗꓪ ꓛꓲ ꓠꓮꓟ‐ꓔꓴ ꓡꓲ‐ꓢꓴ ꓕꓳꓽ ꓶ ꓐꓰ ꓗ ꓟꓲꓽ ꓡꓲꓼ ꓒꓰꓼ ꓜꓴꓻ ꓗꓪ ꓐꓰ ꓧꓳꓽ ꓣꓱꓽ ꓢꓲ ꓠꓬꓲ ꓠꓮꓟ‐ꓔꓴ ꓡꓳ ꓒꓱ ꓗꓪ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓔꓯ ꓗ, ꓛꓲꓽ ꓛꓲꓽ ꓡꓰ ꓬꓰ ꓓꓳꓻ ꓡꓰꓳ꓾ ꓐꓰ ꓢꓷꓸ ꓪ ꓡꓳ꓿

ꓕꓱ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓗꓪ ꓠꓬ ꓡꓲ‐ꓢꓴ ꓖꓪ ꓛꓰ ꓛꓰ ꓔꓯꓺ ꓡꓯ ꓘꓳ, ꓟ꓾ ꓝꓮꓲ ꓟꓳꓓꓰꓡ ꓐꓲꓻ ꓔꓯꓺ ꓡꓯ ꓘꓳ, ꓟ ꓮ ꓟꓬ, ꓫꓵꓽ ꓬꓰ ꓗꓷ ꓟ ꓥ ꓡꓳ꓿ ꓠꓮꓟ‐ꓔꓴ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓗꓪ ꓜꓲꓼ ꓡ ꓢꓴ ꓑ ꓫꓬ (5000) ꓣꓳ ꓟꓽ ꓞꓲꓺ ꓔ ꓡ ꓟ ꓥ ꓡꓳ꓿ ꓝꓮꓲ ꓑꓮꓲ ꓗꓪ ꓠꓱ ꓐꓯꓼ ꓞꓳ ꓫꓵꓽ ꓐꓴ ꓥ ꓟꓲ ꓬꓲ. ꓪ ꓡꓲ ꓒꓰꓼ ꓖꓪ ꓛꓰꓹ ꓐꓰ ꓟꓶꓻ ꓫꓵꓽ ꓗꓪ ꓐꓰ ꓔ ꓗꓷ ꓟ ꓥ ꓡꓳ꓿

ꓠꓮꓟ-ꓔꓴ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓠꓬ ꓡꓳ ꓖꓪ ꓓꓴ ꓮ ꓟꓬ, ꓫꓵꓽ ꓔꓯ ꓥ ꓟꓲ ꓔꓯꓺ ꓡꓯ ꓘꓳ ꓗꓷ ꓟ ꓥ ꓡꓳ꓿ ꓠꓮꓟ‐ꓔꓴ ꓡꓳ ꓒꓱ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓓꓽ ꓬꓰ ꓗꓷ ꓟ ꓠꓬ ꓬꓲ. ꓪꓴ. ꓕꓲ ꓧꓪ, ꓬꓰˍ ꓟ ꓥ ꓢꓲ ꓠꓬꓲ ꓑꓮꓲ ꓔꓯ ꓥ ꓟꓲ ꓗ, ꓛꓲꓽ ꓛꓲꓽ ꓡꓰ ꓬꓰ ꓓꓳꓻ ꓡꓰ ꓟ ꓥ ꓡꓳ= ꓝꓮꓲ ꓡꓲ-ꓢꓴ ꓕꓳꓽ ꓶ ꓓꓳꓻ ꓡˍ ꓟ ꓥˍꓟꓲ 106 ꓘꓳꓼ ꓐꓲ ꓡꓰ ꓟ ꓥ ꓡꓳ꓾ ꓐꓰ ꓟ. ꓒ ꓖꓴ‐ꓮ‐ꓐ‐ꓡ‐ꓦ ꓗꓪ ꓐꓰ ꓓꓳꓽ ꓫꓵꓽ ꓖꓶ ꓡ ꓟ ꓗꓪ ꓐꓰ ꓢꓷ. ꓪ ꓡꓳ꓿