ꓡꓲ-ꓢꓴ ꓘꓳꓼ ꓫꓵꓼ ꓚꓲꓸ ꓟꓶ_ ꓟ ꓑꓮꓲ ꓢꓯꓼ ꓧꓪꓸ ꓗ ꓠꓯꓹ ꓔꓯꓺ ꓡꓯꓽ ꓘꓳ_ ꓟ꓾(lisu new year news)

#Lisu new year #Kachhin state #lisu new year 2024 #Photo by Rva Lisu
Thursday, February 15, 2024

 

ꓡꓲ-ꓢꓴ ꓘꓳꓼ ꓫꓵꓼ ꓚꓲꓸ ꓟꓶ_ ꓟ ꓑꓮꓲ ꓢꓯꓼ ꓧꓪꓸ ꓗ ꓠꓯꓹ ꓔꓯꓺ ꓡꓯꓽ ꓘꓳ_ ꓟ꓾
 
ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴꓻ ꓚꓰꓺ ꓡꓰ ꓧꓳꓽ ꓪꓴꓸ ꓟꓴ ꓢꓲ꓾ ꓗ-ꓛꓲ ꓗꓴꓷꓼ ꓫꓴꓻ ꓟꓲ-ꓚꓲ-ꓠ ꓡꓳ ꓒꓱ꓾ ꓑ-ꓟꓶ-ꓓꓲ ꓡꓲ-ꓢꓴ ꓡꓲꓽ ꓒꓰꓼ ꓪꓮꓥ ꓗꓪ ꓢꓯꓼ ꓧꓪꓸ ꓗ ꓠꓯꓹ ꓔꓯꓺ ꓡꓯꓽ ꓘꓳ_ ꓟ ꓗꓪ ꓠꓬꓲꓸ ꓠꓬꓲ 2 ꓦ ꓟ 14 ꓠꓬꓲ 2024 ꓘꓳꓼ ꓕꓯ ꓠꓬ ꓐꓳ-ꓡꓲ-ꓐꓳ ꓔꓯ ꓔꓯꓺ ꓡꓯꓽ ꓘꓳ ꓗꓷ ꓟ ꓥꓳ= ꓕꓱ ꓔꓯꓺ ꓡꓯꓽ ꓘꓳˍ ꓟ ꓗꓪ ꓤ ꓑ ꓤ (6) ꓜꓴꓻ ꓐꓰ ꓤ ꓟꓶ ꓤ (4) ꓜꓴꓻ ꓔꓯꓺ ꓡꓯꓽ ꓘꓳ ꓗꓷ ꓟ ꓥꓳ=
 
ꓖꓳ ꓡꓰ ꓟꓽ ꓞꓲ 2 ꓦ ꓟ 17 ꓠꓬꓲ ꓠꓯꓼ 9 ꓙꓵ, ꓗꓪ ꓥ ꓟꓲ ꓛꓬ ꓑꓶ ꓔꓯꓺ ꓡꓯꓽ ꓘꓳ, ꓟ ꓔꓯ ꓝꓮꓲ ꓬꓰ ꓓꓴ ꓥ ꓡꓳ꓿ ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴꓻꓗꓪ ꓐꓰ ꓧꓳꓽ ꓟꓴ ꓢꓴ ꓐꓴ ꓡꓰ ꓣꓳ ꓫꓵꓽ ꓔꓯ ꓠꓲ, ꓫꓵ ꓠ, ꓟ ꓥ ꓟꓲ ꓢꓯꓼ ꓕꓵꓼ ꓖꓶ ꓗꓷꓳ꓿
ꓞꓳ ꓡꓯ. ꓞꓳ ꓡꓱ ꓐꓴ ꓔꓯ ꓔꓯꓺ ꓡꓯꓽ ꓘꓳ, ꓟ ꓑꓮꓲꓽ ꓗꓪ ꓠꓱ. ꓐꓯꓼ ꓢꓴ ꓔꓯ ꓠꓻꓡꓰ ꓟ ꓟꓽ ꓙꓲ ꓟ ꓫ. ꓕꓱ ꓘꓶꓽ ꓔꓯ ꓟꓽ ꓫ. ꓕꓱ ꓠ, ꓟ ꓢꓯꓼ ꓖꓶ ꓗꓷ ꓟ ꓥ ꓡꓳ꓿ ꓑꓮꓲꓽ ꓗꓪ ꓡꓲ‐ꓢꓴ ꓫꓵꓽ ꓐꓴ ꓮ ꓟꓬ, ꓢꓯꓼ ꓖꓶ ꓪꓽ ꓖꓶ ꓡ ꓟ ꓔꓯ ꓥ ꓟꓲ ꓡꓳ. ꓟꓳ ꓪ ꓡꓳ꓿

Add new comment

3 + 10 =

Quick Links