ꓡꓳꓺ ꓦꓲ ꓙꓴꓺ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓢꓳ ꓢꓴ ꓠꓳ.‐ꓟꓲ ꓡꓲ‐ꓢꓴ ꓟ ꓕꓲꓽ ꓣꓳ ꓠꓯ ꓞꓲꓼ ꓟ. ꓟ ꓒꓬꓱꓼ ꓡ ꓟ ꓓꓳꓽ

ꓡꓳꓺ ꓦꓲ ꓙꓴꓺ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓢꓳ ꓢꓴ  ꓠꓳ.‐ꓟꓲ ꓡꓲ‐ꓢꓴ ꓟ ꓕꓲꓽ ꓣꓳ ꓠꓯ ꓞꓲꓼ ꓟ. ꓟ ꓒꓬꓱꓼ ꓡ ꓟ ꓓꓳꓽ

7 ꓦ ꓟ 17 ꓠꓬꓲ 2022 ꓘꓳꓼ ꓕꓯ ꓠꓳ.‐ꓟꓲ ꓟꓵꓽ ꓗꓪ ꓞꓲꓼ ꓣꓳˍ ꓟ ꓙꓵ, ꓗꓪ ꓡꓳꓺ ꓦꓲ ꓙꓴꓻ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓢꓳ ꓢꓴ ꓠꓳ.‐ꓟꓲ ꓟ ꓕꓲꓽ ꓣꓳ ꓠꓯ ꓞꓲꓼ ꓟ. ꓟ ꓒꓬꓱꓼ ꓡꓺꓳ꓾ ꓐꓰ ꓢꓷ. ꓪ ꓡꓳ꓿ ꓬꓲ ꓟꓬꓱꓺ ꓠꓬ ꓣꓱ‐ꓬ‐ꓛꓲ ꓟꓬꓱꓺ ꓔ ꓢꓴ ꓥ ꓡꓳ꓿ ꓬꓲ ꓠꓬ ꓠꓳ.‐ꓟꓲ ꓟꓵꓽ ꓩꓴ‐ꓗꓳ ꓡꓳ ꓒꓱ ꓐꓴ‐ꓡ ꓘ, ꓗꓪ ꓔꓬ ꓢꓴ ꓥ ꓡꓳ꓿ꓬꓲ ꓠꓬ ꓠꓯ ꓞꓲꓼ ꓢꓷ. ꓠꓲ, ꓔꓯ ꓢꓳ ꓓꓳꓺ ꓡꓰ ꓗ ꓠꓯ ꓬꓲ ꓔꓬ ꓟ ꓟꓵꓽ ꓗꓪ ꓬꓲꓼ ꓡ ꓢꓲ ꓠꓬꓲ ꓠꓯ ꓞꓲꓼ ꓟ. ꓟ ꓬꓰ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓬꓲ ꓠꓬ ꓞꓲꓼ ꓣꓳˍ ꓟ ꓙꓵ, ꓕꓯ ꓡꓳꓺ ꓦꓲ ꓙꓴꓺ ꓢꓲ ꓠꓬꓲ ꓢꓳ ꓦꓲꓻ ꓗꓪ ꓙꓰˍ ꓟ ꓑꓶ. ꓓꓴ ꓮ ꓘꓶ. ꓟꓬꓱꓺ ꓓꓳꓽ ꓙꓳˍ ꓟ ꓤ ꓠꓱ ꓤ ꓕꓲ ꓣꓳ ꓥ ꓡꓳ꓿

ꓬꓲ ꓠꓬ ꓧꓶꓽ ꓗꓴꓷꓼ ꓬꓴ‐ꓠ ꓗꓪ ꓔꓬ ꓢꓴ ꓥ ꓡꓳ꓿ ꓬꓲ ꓔꓬ ꓟ ꓞꓳ ꓘ, ꓗꓪ ꓐꓰ ꓬꓲ. ꓪꓴ. ꓕꓲ ꓣꓳ ꓟ  ꓟꓴ ꓕꓲ ꓢꓳ ꓦꓲꓻ ꓗꓪ ꓢꓳꓻ ꓓꓳ ꓢꓴ ꓥ ꓡꓳ꓿ ꓬꓲ ꓠꓬ 2007 ꓘꓳꓼ ꓕꓯ ꓠꓳ.‐ꓟꓲ ꓠꓯ ꓬꓲꓻ ꓔꓯ ꓡꓳꓺ ꓦꓲ ꓙꓴꓺ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓔꓯ ꓢꓳ ꓣꓴ ꓗꓷ ꓢꓴ ꓥ ꓡꓳ꓿ ꓡꓳꓺ ꓦꓲꓻ ꓙꓴꓺ ꓢꓲ ꓠꓬꓲ ꓢꓳ ꓦꓲ ꓙꓰ ꓟ ꓔꓯ ꓓꓳꓽ ꓗꓪ ꓗꓶ ꓗꓷ ꓟ ꓑꓶ. ꓓꓴ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓬꓰ ꓙ ꓜꓴꓻ ꓡꓰ ꓑ ꓫꓬ ꓐꓴ ꓙꓰ ꓠ, ꓟ ꓓꓽ ꓖꓴ ꓔꓯ ꓫꓬ, ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿ ꓮ ꓟꓶ ꓡꓲ‐ꓢꓴ ꓠꓯ ꓞꓲꓼ ꓟ. ꓟ ꓠꓬ ꓩꓴ‐ꓖꓳ ꓡꓳ ꓒꓱ ꓬꓲ ꓔꓬ ꓟ ꓗꓷ ꓟꓵꓽ ꓗꓪ ꓠꓯ ꓞꓲꓼ ꓫꓬ, ꓟꓬꓱꓽ ꓔꓯ ꓬꓰ ꓔꓬ ꓡꓳ ꓐꓰ ꓢꓷ. ꓡꓳ꓿