ꓢꓬꓠꓳꓓ ꓬꓲ. ꓪꓴ. ꓕꓲꓽ ꓠꓬꓲ ꓟ (24.2.20023 News Release No 2)

ꓖꓳ ꓟ ꓡꓰꓽ ꓟꓽ ꓞꓲꓺ ꓕꓲ ꓠꓲꓹ ꓕꓲ ꓪ ꓙ ꓫꓱꓽ ꓙꓰ ꓔꓬ ꓟ (Synodality) ꓐꓯˍ ꓟ ꓬꓲꓸ ꓔꓱꓹ ꓚꓵˍ ꓟ ꓣꓱꓽ ꓬꓰ ꓚꓱꓹ ꓠꓬ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓐꓰ ꓮꓸ ꓣꓳ ꓡꓳꓸ ꓢꓴ ꓐꓴ ꓔꓯ ꓔꓯꓺ ꓡꓯ ꓘꓳꓹ ꓟ ꓟꓽ ꓒꓬꓱꓼ ꓡꓰ ꓝꓲ ꓝꓲ꓾ ꓬꓲ ꓪ ꓐꓴ ꓔꓯ ꓮ ꓕꓯ ꓟꓲ ꓙꓻ ꓡꓯꓽ ꓘꓳ ꓝꓲ ꓢꓲ ꓬꓲ ꓪ ꓬꓰ ꓙꓲꓽ ꓙꓳˍ ꓟ ꓟꓬꓱꓽ ꓔꓯ ꓡꓳꓹ ꓬꓰˍ ꓗꓪ ꓛꓲꓺ ꓬꓰ ꓠꓹ ꓟ ꓬꓰ ꓙꓵꓽ ꓪ ꓖꓶˍ ꓟ ꓔꓯ ꓐꓯ ꓖꓶ ꓗꓷꓳ=
ꓚꓮꓣꓓꓲꓮꓠꓡ Grech ꓡꓰ “ꓘꓴ ꓜꓲꓼ ꓞꓳ ꓘꓴꓽ ꓗꓪ ꓖꓪ ꓙꓱꓻ ꓡꓯ ꓘꓳˍ ꓟ ꓠꓬ ꓢꓲꓺ ꓒ ꓬꓰ-ꓢꓴ ꓬꓲ ꓟꓷꓽ ꓠꓷꓹ ꓝ ꓟꓬꓱꓽ ꓔꓯ ꓟꓳꓸ ꓟꓬꓱꓽ ꓬꓰˍ ꓟ ꓗꓪ ꓐˍ ꓟ ꓔꓱꓹ ꓚꓵˍ ꓟ ꓚꓱꓹ ꓔꓯ ꓡꓯꓼ ꓕꓲꓺ ꓬꓰ ꓐ ꓡ ꓠꓹ ꓟ ꓪꓴ-ꓢ ꓬꓲ ꓡ ꓞꓳ ꓐꓴ ꓔꓯ ꓖꓶ ꓐ ꓡ ꓗꓷꓳ”꓾ ꓐꓰ ꓝꓸ ꓢꓲ ꓐꓯ ꓖꓶ ꓗꓷꓳ=

ꓡꓳꓹ ꓬꓰˍ ꓟ ꓗꓪ꓾ Cardinal Grech ꓠꓬ ꓠ ꓠꓹ ꓖꓶˍ ꓟ ꓬꓲ ꓬꓳꓸ ꓚꓵˍ ꓟ ꓔꓯ ꓖꓴ ꓟꓸ ꓖꓶ ꓗꓷꓳ= ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓢꓲꓽ-ꓫꓬ-ꓟ-ꓦ ꓪꓴ-ꓢ ꓬꓲ ꓐꓯ ꓘꓶꓽ ꓔꓯ ꓠ ꓠꓹ ꓟ ꓐꓰ “ꓕꓲ ꓠꓲꓹ ꓕꓲ ꓪ ꓙ ꓫꓱꓽ ꓙꓰ ꓔꓬ ꓟ ꓘꓴ ꓜꓲꓼ ꓞꓳ ꓠꓬ ꓠ ꓠꓹ ꓗꓴꓸˍ ꓟ ꓘꓴ ꓜꓲꓼ ꓞꓳ ꓥ ꓡꓳ” ꓐꓯ ꓟ ꓐꓯ ꓘꓶꓽ ꓔꓯ ꓐꓯ ꓘꓶꓽ ꓕꓲ ꓘꓶꓽˍ ꓡꓰꓽ ꓟꓽ ꓥ ꓥ꓾ ꓔꓱꓹ ꓚꓵˍ ꓟ ꓔꓯ ꓬꓰ ꓠꓯꓹ ꓟ ꓔꓯˍ ꓟꓲ ꓬꓲꓼ ꓠꓬꓲꓸ ꓖꓶ ꓗꓷꓳ=

Cardinal Grech ꓠꓬ ꓝꓲ ꓓꓴ ꓐꓴ ꓠꓲꓹ ꓟ ꓔꓯ ꓙ ꓖꓴ ꓟꓸ ꓖꓶ ꓠꓹ ꓟ 3000 ꓘꓳꓼ ꓟ ꓘꓴ ꓜꓲꓼ ꓞꓳ ꓐꓱ ꓶ ꓢꓲꓺ ꓒ ꓪꓴ-ꓢ ꓡꓰ ꓒꓴ ꓖꓶ ꓡˍ ꓟ ꓙ ꓖꓴ ꓥ ꓟ ꓕꓲ ꓠꓲꓹ ꓕꓲ ꓪ ꓙ ꓫꓱꓽ ꓙꓰˍ ꓟ ꓚꓱꓹ ꓔꓯ ꓫꓱꓽ ꓙꓰ ꓠꓹ ꓟ ꓐꓱ ꓶ ꓠꓲꓹ ꓪꓴꓽ ꓪꓴꓽ ꓡꓰꓽ ꓗꓷ ꓡꓰ ꓠꓹ ꓟ ꓢꓯꓼ ꓬꓲꓼ ꓡ ꓗꓷ ꓟ ꓬꓰ-ꓢꓴ ꓙꓲ-ꓢꓴ ꓬꓲꓸ ꓦ ꓔꓯ ꓘꓴ ꓓꓰꓽ ꓗꓷꓳ=

ꓞꓳ ꓪꓴꓽ Christina Kheng ꓡꓰ ꓢꓬꓠꓳꓓ ꓐꓱ ꓶ ꓫ. ꓕꓱ ꓟ ꓔ ꓟ ꓠꓬ ꓢꓬꓳꓠꓓ ꓖꓪ ꓙꓱ ꓜꓲꓼ ꓓꓴ ꓗꓪ ꓔ ꓡ ꓢꓴ ꓐꓴ ꓮ ꓙꓵꓽ ꓠꓬ ꓗ, ꓛꓲ ꓛꓲ ꓡꓰ ꓖꓪ ꓙꓱ ꓜꓲꓼ ꓓꓴ ꓗꓪ ꓔ ꓡ ꓢꓴ ꓥ ꓟ ꓡꓰ ꓐꓰ ꓠꓻ ꓓꓴ ꓑꓬ ꓓꓴ ꓟꓽ ꓙꓳ ꓢꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓞꓳ ꓪꓴꓽ Christina ꓡꓰ ꓫ. ꓕꓱ ꓔ ꓟ ꓠꓬ ꓢꓬꓳꓠꓓ ꓖꓪ ꓙꓱ ꓜꓲꓼ ꓓꓴ ꓓꓽ ꓬꓰ ꓟ ꓠꓬ ꓕꓳ ꓶ ꓗꓪ ꓐꓳ ꓔꓶ. ꓓꓴ ꓟꓽ ꓥ ꓣꓳ ꓓꓴ ꓙ ꓚꓱ, ꓔꓯ ꓟꓬꓱꓽ ꓬꓰ ꓠ, ꓟ ꓥ ꓡꓳ꓿ ꓝꓮꓲ ꓬꓲ ꓤ ꓠꓬꓲ ꓤ ꓐꓴ ꓔꓯ ꓦꓻ ꓡꓱ ꓚꓱ, ꓗꓪ ꓪꓴꓽ ꓟꓴ ꓡ ꓠ, ꓟ ꓬꓰ ꓙ ꓔꓳ, ꓙ ꓠ, ꓟ ꓥ ꓡꓳ꓿ ꓝꓴꓲ ꓙꓳ ꓢꓴ ꓐꓴ ꓔꓯ ꓝꓴꓲ ꓖꓶ ꓠ, ꓟ ꓟꓽ ꓥ꓿ ꓮ ꓙꓵꓽ ꓢꓴ ꓔꓯ ꓪꓴ‐ꓢ ꓠꓵ ꓠꓲ, ꓟ. ꓖꓶ ꓢꓲ ꓠꓬꓲ ꓕꓲ ꓣꓳ ꓛꓳ ꓕꓲ ꓣꓳ ꓬꓰ ꓙ ꓡꓯ ꓘꓳ ꓓꓴ ꓥ ꓐꓰ ꓐꓰ ꓕꓳꓽ ꓶ 32 ꓑꓬ ꓔꓯ ꓐꓳ ꓔ ꓟ ꓥ ꓡꓳ꓿

ꓕꓳ ꓶ ꓗꓪ ꓐꓳ ꓔ ꓟ ꓡꓰ ꓟ ꓞꓲꓼ ꓣꓳ ꓠꓬ ꓘꓴ ꓜꓲꓼ ꓞꓳ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓕꓲ ꓣꓳ ꓛꓳ ꓕꓲ ꓣꓳ ꓖꓪ ꓙꓱ ꓡꓯ ꓘꓳ ꓠ, ꓟ ꓟꓽ ꓢꓷ. ꓟꓽ ꓖꓴ. ꓢꓴ ꓔꓯ ꓬꓰ ꓙ ꓠ, ꓟ ꓐꓰ ꓙꓼ ꓡꓯ ꓘꓳ, ꓓꓴ ꓚꓱ, ꓗꓪ ꓪꓴꓽ ꓟꓴ ꓡ ꓠ, ꓟ ꓮ ꓟꓬ, ꓫꓵꓽ ꓗꓪ ꓪꓴꓽ ꓟꓴ ꓡ ꓠ, ꓟ ꓥ ꓡꓳ꓿ ꓝꓮꓲ ꓮ‐ꓫ ꓟꓵꓽ ꓗꓪ ꓔꓬ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓙꓲ ꓠꓲ, ꓚꓱ, ꓗꓪ ꓪꓴꓽ ꓟꓴ ꓡ ꓠ, ꓟ ꓕꓲ ꓪ ꓙꓽ ꓫꓱ ꓠ, ꓟ ꓥ ꓡꓳ꓿ 

ꓕꓱ ꓢꓬꓠꓳꓓ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓜꓲꓼ ꓡ ꓢꓴ ꓐꓴ ꓔꓯ ꓢꓷ. ꓡ ꓝꓲ ꓓꓴ ꓕꓲ ꓟ ꓔꓯ ꓔꓲꓺ ꓒ Antony James Corcoran SJI ꓡꓰ ꓟ. ꓖꓶ ꓡꓳ꓿ ꓕꓱ ꓟ ꓠꓬ ꓜꓲꓼ ꓓꓴ ꓗꓪ ꓡ ꓢꓴ ꓐꓴ ꓔꓯ ꓢꓷ. ꓠ, ꓟ ꓓꓯ ꓥꓳꓽ ꓗꓪ ꓐꓰ ꓟ. ꓖꓶ ꓟ ꓥ ꓡꓳ꓿ ꓔꓲꓺ ꓒ ꓮꓠꓔꓳꓠꓬ ꓡꓰ ꓐꓯ ꓟ. ꓖꓶ ꓔ ꓟ ꓠꓬ ꓢꓲꓽ ꓫꓬ ꓟ ꓦꓻ ꓪꓴ‐ꓢ ꓡꓰ ꓬꓰ ꓙ ꓟ ꓗꓪ ꓐꓰ ꓦꓻ ꓕꓲ ꓒꓳ, ꓗꓪ ꓪꓴꓽ ꓟꓴ ꓡ ꓟ ꓚꓱ, ꓔꓯ ꓐꓯ ꓟ. ꓖꓶ ꓔ ꓡꓳ꓿ ꓢꓲꓽ ꓫꓬ ꓟ ꓦ ꓪꓴ‐ꓢ ꓡꓰ ꓬꓰ ꓙ ꓟ ꓗꓪ ꓐꓰ ꓣꓳ ꓞꓶ ꓠꓬ ꓪꓴꓽ ꓟꓴ ꓡ ꓟ ꓡꓰ ꓟꓽ ꓞꓲ ꓢꓶ ꓢꓶꓽ ꓓꓱ ꓡ ꓟ ꓥ ꓡꓳ꓿ ꓔꓲꓺ ꓒ ꓡꓰ ꓪꓴ‐ꓢ ꓡꓰ ꓣꓳ ꓔꓯ ꓮ ꓫꓵꓽ ꓔꓶ ꓙꓱ ꓛ ꓦ ꓡ ꓔꓯ ꓓꓴ ꓙ ꓠ,ꓟ ꓝꓮꓲ ꓣꓳ ꓞꓶ ꓗꓪ ꓪꓴ‐ꓢ ꓗꓴꓷꓼ ꓐꓱ ꓶ ꓮ ꓫꓵꓽ ꓟꓬꓱꓽ ꓬꓰ ꓗꓷ ꓡ ꓐꓰ ꓣꓳ ꓓꓴ ꓙ ꓠ, ꓟ ꓔꓲꓺ ꓒ ꓡꓰ ꓐꓯ ꓔ ꓡꓳ꓿

ꓝꓮꓲ ꓔꓲꓺ ꓒ Clarence Devada ꓗꓪ ꓐꓰ ꓥ ꓟꓲ ꓮ‐ꓫ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓐꓴ ꓜꓴꓻ (FABC) ꓜꓴꓻ ꓡꓰ ꓟꓬꓱꓽ ꓬꓰ ꓔꓬ ꓟ ꓚꓱ, ꓔꓯ ꓐꓯ ꓟ. ꓔ ꓡꓳ꓿ ꓔꓲꓺ ꓒ ꓡꓰ ꓢꓬꓳꓠꓓ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓡ ꓢꓴ ꓐꓴ ꓔꓯ ꓕꓲ ꓣꓳ ꓛꓳ ꓕꓲ ꓣꓳ ꓖꓪꓽ ꓙꓱ ꓠ, ꓟ ꓐꓰ ꓕꓲ ꓣꓳ ꓛꓳ ꓕꓲ ꓪ ꓪꓽ ꓘꓴ ꓠ, ꓟ ꓕꓲ ꓪ ꓟꓬꓱꓽ ꓬꓰ ꓠ, ꓟ ꓮ ꓟꓬ, ꓫꓵꓽ ꓔꓯ ꓟ. ꓖꓶ ꓔ ꓡꓳ꓿ ꓔꓲꓺ ꓒ Clarence ꓡꓰ ꓐꓳ ꓔ ꓟ ꓕꓳꓽ ꓶ ꓗꓪ 5 ꓫꓵꓽ ꓔꓯ ꓐꓳ ꓔ ꓡꓳ꓿ ꓕꓱ ꓟ ꓠꓬ ꓮ‐ꓫ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓗꓷ ꓟ ꓮ‐ꓫ ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓢꓰꓼ ꓡꓯ ꓘꓳꓼ ꓔꓬ ꓟ ꓚꓱ, ꓝꓮꓲ ꓮ‐ꓫ ꓗꓴꓷꓼ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓚꓱ, ꓐꓰ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓚꓱ, ꓮ‐ꓫ ꓗꓴꓷꓼ ꓘꓴꓽ ꓗꓪ ꓟꓽ ꓪ ꓡꓯ ꓘꓳ ꓓꓴ ꓙꓳ ꓟ ꓚꓱ, ꓮ ꓟꓬ, ꓫꓵꓽ ꓔꓯ ꓔꓲꓺ ꓒ ꓡꓰ ꓐꓳ ꓔ ꓡꓳ꓿ ꓝꓮꓲ ꓔꓲꓺ ꓒ ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓓꓴ ꓙ ꓢꓪ ꓠꓬꓲ ꓢꓲ ꓟꓬꓱꓽ ꓬꓰ ꓠ, ꓟ ꓚꓱ, ꓔꓯ ꓐꓯ ꓔ ꓡꓳ꓿ ꓔꓲꓺ ꓒ Clarence ꓡꓰ ꓬꓲ. ꓟꓶꓽ ꓕꓯ ꓪꓺ ꓠꓲ, ꓫꓵˍ ꓟ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓥꓳꓻ ꓡꓳ. ꓓꓴ ꓙꓳ ꓠ, ꓟ ꓪꓴ‐ꓢ ꓔꓯ ꓙꓲ ꓗꓴ. ꓠ, ꓟ ꓝꓮꓲ ꓟꓽ ꓙꓲ ꓟ ꓟꓬꓱꓽ ꓔꓯ ꓠ, ꓟ ꓡꓰ ꓠ, ꓟ ꓡ ꓞꓳ ꓮ ꓙꓵꓽ ꓐꓱ ꓶ ꓙꓲ ꓖꓴ ꓙꓳ ꓟꓬꓱꓽ ꓔꓯ ꓒꓬꓱꓼ ꓡ ꓠ, ꓟ ꓔꓯ ꓟꓳ. ꓢꓷ. ꓙ ꓟꓳ ꓙ ꓔ ꓡꓳ

ꓠꓬꓲꓸ ꓠꓬꓲ ꓖꓪ ꓙꓱ ꓜꓲꓼ ꓓꓴ ꓐꓱ ꓶ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓠꓬ Hong Kong ꓔꓲꓸꓸ ꓒ ꓓꓽ Stephen Chow SJ ꓟꓲ ꓠꓯ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓚꓱꓹ ꓔꓯ ꓟꓳꓸ ꓟꓬꓱꓽ ꓬꓰ ꓢꓴ ꓐꓴ ꓬꓲꓸ ꓜꓴ Ms.Susan Pascoe  ꓐꓰ Philippines ꓗ‐ꓔꓳ‐ꓡꓲꓗ ꓔꓲꓸꓸ ꓒ ꓓꓽ ꓜꓴ ꓗꓪ ꓟ ASIA ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓗꓪ ꓐ ꓢꓴ Joy Candelario ꓐꓴ ꓥ ꓡꓳ=

ꓝꓲ ꓓꓴ ꓐꓴ ꓔꓯ ꓠ ꓠꓬꓲ ꓘꓶꓽ ꓢꓽ ꓟ ꓐꓰ ꓝꓮꓲ ꓓꓵꓽ ꓙ ꓡꓰ ꓝꓲ_ ꓟ꓾ Synod ꓚꓱꓹ ꓗꓪ ꓐꓰ ꓮ ꓫꓵꓽꓢꓷꓸ ꓠꓲꓹ ꓖꓶ_ ꓡ? ꓕꓱ ꓖꓪ ꓙꓱꓻ ꓜꓲꓼ ꓓꓴ ꓗꓪ ꓬꓲ ꓪ ꓟꓬꓱꓽ ꓙꓵꓽ ꓪ ꓚꓱꓹ ꓔꓯ ꓮ ꓡꓰ ꓟꓳ_ ꓡ?“ꓦ ꓢꓯꓼ ꓪ ꓫꓸ ꓕꓱ ꓘꓶꓽ” ꓔꓯ ꓮ ꓡꓰ ꓐꓰ ꓓꓵꓽ ꓙ_ ꓡ?

ꓟꓳꓼ ꓡꓳ ꓜ ꓜꓽ ꓓꓳ ꓗꓸ ꓠꓯꓸ ꓝꓲ ꓓꓴ ꓐꓴ ꓜꓲꓼ ꓢꓲ ꓬꓲ ꓪ ꓓꓵꓽ ꓙ_ ꓟ꓾ ꓙꓽ ꓟꓶ_ ꓟ ꓔꓯ ꓕꓲ ꓣꓳꓐꓰ ꓕꓲ ꓣꓳ ꓫꓸ ꓕꓱ ꓙꓻ ꓡꓯꓼ ꓘꓳ ꓗꓷ ꓟ ꓥꓳ=