ꓢꓰꓼ ꓡꓯꓽ ꓘꓳˍ ꓟ꓾ ꓬꓲꓸ ꓜꓲꓽꓬꓲꓸ ꓟꓰꓹꓬꓰˍ ꓟ ꓔꓯ ꓛꓳꓽ ꓫꓱꓽˍ ꓟ ꓠꓬ ꓞꓳ ꓤ ꓜꓴꓻ ꓐꓱ ꓶ ꓪꓴꓽ ꓓꓰ ꓡꓰˍ ꓟ ꓐꓬꓺ ꓡꓰ ꓓꓴ ꓡꓰꓽ ꓒꓬꓱꓼ ꓡ ꓓꓴ ꓥꓳ ꓐꓰ ꓔꓲꓺ ꓒꓽ ꓪ ꓔꓲꓸ Francis ꓡꓰ ꓢꓷꓸ ꓙ ꓟꓳ ꓙ ꓖꓶꓽˍ ꓟ=

ꓢꓰꓼ ꓡꓯꓽ ꓘꓳˍ ꓟ꓾ ꓬꓲꓸ ꓜꓲꓽꓬꓲꓸ ꓟꓰꓹꓬꓰˍ ꓟ ꓔꓯ ꓛꓳꓽ ꓫꓱꓽˍ ꓟ ꓠꓬ ꓞꓳ ꓤ ꓜꓴꓻ ꓐꓱ ꓶ ꓪꓴꓽ ꓓꓰ ꓡꓰˍ ꓟ  ꓐꓬꓺ ꓡꓰ ꓓꓴ ꓡꓰꓽ ꓒꓬꓱꓼ ꓡ ꓓꓴ ꓥꓳ ꓐꓰ ꓔꓲꓺ ꓒꓽ ꓪ ꓔꓲꓸ Francis ꓡꓰ ꓢꓷꓸ ꓙ ꓟꓳ ꓙ ꓖꓶꓽˍ ꓟ=

8 ꓦꓻ ꓟ 13 ꓠꓬꓲ꓾ 2019

ꓣꓳ-ꓟ ꓡꓳ ꓒꓱ St.Peter ꓑꓹ ꓗꓪ꓾ ꓕꓲꓽ ꓠꓽ ꓡꓰ ꓕꓲꓽ ꓠꓽ ꓠ-ꓦꓬ-ꓠꓬꓲ ꓞꓳ ꓜꓴꓻ ꓜꓲꓼ ꓡꓳꓽˍ ꓟ ꓐꓰ Angelus ꓪꓽ ꓘꓴˍ ꓟ ꓡꓳꓹ ꓬꓰ ꓕꓯ꓾ ꓔꓲꓺ ꓒꓽ ꓪ ꓔꓲꓸ Francis ꓗꓪ ꓐꓰ ꓡꓽ-ꓛꓬꓴꓸ (ꓑꓳꓻ) ꓔꓯꓹ ꓢꓲ ꓢꓰꓼ ꓡꓯꓽ ꓘꓳꓹ ꓟ ꓪꓴꓸ ꓠꓬꓲ꓾ ꓫꓵꓺ ꓘꓷ ꓡꓰ ꓢꓴ ꓐꓰ꓾ ꓐꓬꓺ ꓡꓰ ꓔꓬꓹ ꓟ ꓗꓴꓓꓼ ꓐꓴ ꓐꓰ ꓟꓵꓽ ꓗꓳꓹ ꓓꓵꓺ ꓓꓵꓺ ꓔꓯ ꓬꓲꓼ ꓠꓬꓲꓸ ꓖꓶꓽˍ ꓟ ꓐꓯ ꓢꓲ꓾ World War(II) ꓡꓳꓹꓬꓰˍ ꓕꓯ ꓐꓳꓻ ꓝꓲ ꓗꓷ ꓟ Geneva ꓕꓳꓽ ꓶꓽ 70 ꓘꓳꓼ ꓐꓲˍ ꓟ ꓘꓳꓼ ꓚꓳꓻ ꓠꓬꓲ ꓗꓪ ꓟꓵꓽ ꓗꓳꓹꓓꓵꓺ  ꓓꓵꓺ ꓔꓯꓺ ꓔ ꓟ ꓥ ꓟ꓾ ꓕꓳꓽ ꓶ ꓐꓳꓻ ꓝꓲ ꓔ ꓟ ꓗꓪ ꓐꓹ ꓟ ꓔꓯ ꓛꓳꓻ ꓫꓱꓽ ꓠꓹ ꓟ ꓔꓯ ꓕꓵꓼ ꓪꓽ ꓖꓶꓽ ꓗꓷꓳ=

ꓡꓽ-ꓛꓬꓴꓸ (ꓑꓳꓻ) ꓔꓯꓹ ꓢꓲ ꓢꓰꓼ ꓡꓯꓽ ꓘꓳꓹ ꓟ ꓪꓴꓸ ꓠꓬꓲ ꓫꓸꓙꓵꓺ ꓔꓬꓹꓢꓴ ꓐꓴ꓾ꓫꓵꓺ ꓘꓓ ꓡꓰ ꓢꓴ ꓐꓴ ꓢꓯꓼ ꓟꓬꓺ ꓐꓰ ꓟꓬꓱꓻ ꓓꓳꓽ ꓔꓯ ꓗꓽ ꓕꓽ ꓦꓽ ꓠꓹ ꓟ ꓠꓬ ꓣꓳꓸꓚꓰˍ ꓟ ꓥ ꓟ ꓔꓯ ꓗꓴꓷꓼ ꓮꓽ ꓙꓵꓽ ꓢꓷꓸ ꓔ ꓠ ꓗꓹ ꓡꓳ=

ꓝꓮꓲ ꓝ ꓢꓲ꓾ ꓟꓵꓽ ꓗꓳꓹ ꓓꓵꓺ ꓓꓵꓺ ꓟ ꓴ-ꓑ-ꓓꓲ ꓾ ꓟꓵꓽ ꓗꓳꓹ ꓓꓵꓺ ꓓꓵꓺ ꓞꓳ ꓤ ꓟꓶꓺ ꓙꓲꓼ ꓙꓳˍ ꓟ ꓴ-ꓑ-ꓓꓲ  ꓔꓯ ꓛꓳ ꓫꓱꓽ ꓠꓹ ꓟ꓾ꓕꓳꓽ ꓶꓽ ꓢꓷ ꓠꓲꓹ ꓢꓳꓺ ꓜꓳꓽ ꓾ ꓝꓴꓲꓸ ꓟꓽ ꓙꓳꓽ ꓟ ꓑ ꓫꓬꓼ ꓐꓴ ꓔꓬꓹ ꓟ ꓘꓹ ꓦꓲꓻ ꓐꓴ꓾ ꓠꓯꓻ-ꓞꓲꓼ ꓦꓲꓻ ꓐꓴ ꓔꓯ ꓡꓳꓸ ꓙ ꓗꓽ ꓕꓽ ꓦꓽ ꓙ ꓠꓹ ꓟ꓾ ꓢꓰꓼ ꓡꓯꓽ ꓘꓳˍ ꓟ꓾ ꓬꓲꓸ ꓜꓲꓽ ꓬꓲꓸ ꓟꓰꓹꓬꓰˍ ꓟ ꓔꓯ ꓛꓳꓽ ꓫꓱꓽˍ ꓟ ꓠꓬ ꓞꓳ ꓤ ꓜꓴꓻ ꓐꓱ ꓶ ꓪꓴꓽ ꓓꓰ ꓡꓰˍ ꓟ  ꓐꓬꓺ ꓡꓰ ꓓꓴ ꓡꓰꓽ ꓒꓬꓱꓼ ꓡ ꓓꓴ ꓥ ꓟ ꓔꓯ ꓟꓽ ꓟꓲ ꓡꓰꓹ ꓠꓹ ꓟ꓾ ꓔꓲꓺ ꓒꓽ ꓪ ꓔꓲꓸ Francis ꓡꓰ ꓕꓵꓼꓪꓽ ꓖꓶꓽ ꓐꓯ ꓟꓸ ꓗꓷ ꓟ ꓥ ꓡꓳ=

Photo credit to Vatican News

https://bit.ly/2KtcwXd