ꓢꓲ ꓒ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ ꓦꓬꓼ ꓠꓬꓲ ꓗꓪ ꓠꓲꓹ ꓡꓱ ꓗꓹ ꓛꓲ ꓢꓲ꓾ ꓥꓳ ꓡꓳꓸ ꓓꓴ ꓔꓯ ꓧꓪ꓾

ꓢꓲ ꓒ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ ꓦꓬꓼ ꓠꓬꓲ ꓗꓪ ꓠꓲꓹ ꓡꓱ ꓗꓹ ꓛꓲ ꓢꓲ꓾ ꓥꓳ ꓡꓳꓸ ꓓꓴ ꓔꓯ ꓧꓪ꓾

ꓟꓬ-ꓟ ꓗꓴꓷꓼ ꓗꓪ ꓫꓸ ꓓꓴ ꓟꓶ ꓓꓴ ꓗꓴꓷꓼ ꓫꓵꓽ ꓪꓴ ꓮ ꓟꓬꓹ ꓙꓳ ꓥ ꓟꓲ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ Charles Maung Bo ꓡꓰ ꓢꓯꓸ ꓬꓲꓼ ꓡ ꓑꓮꓲ ꓢꓷꓸ ꓙ ꓟꓳ ꓙ ꓟ ꓠꓬ ꓙꓲ ꓢꓴ ꓢꓲ ꓤ ꓐꓴ ꓔꓯ ꓢꓲ ꓒ ꓬꓰ-ꓢꓴ ꓠꓯꓼ ꓗꓪ ꓥꓳ ꓡꓳꓸ ꓠꓹ ꓟ꓾ ꓕꓱ ꓟ ꓠꓬ ꓣꓳ ꓠꓲꓹ ꓟ ꓔꓯ ꓗꓹ ꓛꓲ ꓡꓰ ꓝꓲ_ ꓟ꓾ ꓟꓽ ꓙꓲ ꓟ ꓔꓯ ꓙꓲ_ ꓟ ꓕꓲ ꓒꓳꓹ ꓗꓪ ꓒꓳꓹ ꓡꓰ ꓝꓲ_ ꓟ ꓥꓳ=

ꓟꓬ-ꓟ ꓗꓴꓷꓼ Yangon ꓔꓲꓺ ꓒ ꓓꓽ ꓜꓴꓻ ꓐꓰ ꓮꓢꓲꓮ ꓔꓲꓺ ꓒ ꓓꓽ ꓜꓴꓻ (ꓝꓮꓐꓚ) ꓢ ꓡ ꓙꓵ ꓥ ꓟ ꓔꓲꓺ ꓒ ꓓꓽ Cardinal Charles Maung Bo ꓡꓰ ꓗꓴꓷꓼ ꓘꓴꓽ ꓗꓪ ꓫꓸ ꓓꓴ ꓟꓶ ꓓꓴ ꓫꓵ ꓪꓴ ꓮ ꓟꓬꓹ ꓙꓳ ꓥ ꓟꓲ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ ꓙꓵꓹ ꓗꓪ ꓥꓳ ꓡꓳꓸ ꓓꓴ ꓐꓱ ꓶ ꓢꓷꓸ ꓙ ꓟꓳ ꓙ ꓡꓳ=

ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓚꓧꓮꓣꓡꓰꓢ ꓐꓳ ꓡꓰ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ ꓔꓯ ꓠꓲꓹ ꓡꓱ ꓗꓹ ꓛꓲ ꓢꓲ꓾ ꓟꓽ ꓙꓲ ꓟ ꓔꓯ ꓧꓪꓸ ꓡꓰ_ ꓟ꓾ ꓬꓰ-ꓢꓴ ꓡꓯ ꓐꓳ ꓔꓶꓸ ꓓꓴ ꓔꓯ ꓫꓱꓸ ꓖꓶ ꓠꓹ ꓟ ꓐꓰ ꓣꓳ ꓮ ꓙꓵ ꓬꓰ-ꓢꓴ ꓢꓯꓸ ꓬꓲꓼ ꓡ ꓑꓮꓲ ꓬꓰ ꓔꓬ ꓟ ꓫꓱꓸ ꓖꓶ ꓔꓬ ꓟ ꓥꓳ= ꓔꓳꓹ ꓜꓳ ꓔꓬ ꓟ ꓫꓸ ꓓꓴ ꓟꓷꓼ ꓓꓴ ꓗꓪ ꓐꓰ ꓗꓳꓸ ꓙꓰ ꓝꓲ ꓐꓰ ꓐꓯ ꓔ ꓡꓳ=

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓬꓰ-ꓢꓴ ꓢꓯꓸ ꓬꓲꓼ ꓡ ꓟ Urbi et ꓫꓸ ꓕꓱ ꓔ ꓟ ꓠꓬ ꓟꓬ-ꓟ ꓗꓴꓷꓼ ꓫꓸ ꓓꓴ ꓟꓷꓼ ꓓꓴ ꓔꓯ ꓓꓵꓽ ꓙ ꓢꓲ꓾ ꓗꓴꓷꓼ ꓢꓲ ꓡꓲꓹ ꓠꓹ ꓟ꓾ ꓗꓴꓷꓼ ꓙꓵꓽ ꓢꓴ ꓪꓴꓸ ꓓꓴ ꓣꓱꓽ ꓢꓴ ꓐꓴ ꓠꓲꓹ ꓟ ꓔꓯ ꓠꓬꓲ ꓟꓳ ꓓꓴ ꓡꓯ ꓖꓶ ꓠꓹ ꓟ ꓪꓽ ꓘꓴ ꓙ ꓖꓶ ꓔꓬ ꓟ ꓥ ꓡꓳ=