ꓢꓳ-ꓡ ꓒꓬꓸ ꓢꓧꓳꓚꓗ ꓗꓷ ꓡꓰ ꓠꓬꓲ ꓦꓲꓻ 73 ꓦꓲ ꓐꓬ ꓗꓷ ꓟ ꓠ-ꓖꓸ ꓟꓵꓽ ꓗꓪ ꓙꓳˍ ꓟ ꓢꓮꓪ-ꓡꓮꓪ-ꓠꓮꓴꓗ-ꓗꓳꓴ ꓞꓳ ꓘꓹ ꓢꓴ ꓐꓴ ꓬꓰ ꓙ ꓔꓳꓹ ꓙˍ ꓟ ꓔꓯ ꓠꓲꓹ ꓞ ꓣꓱꓽ ꓞꓹ ꓔꓬ ꓟ ꓓꓳꓽ

ꓢꓳ-ꓡ ꓒꓬꓸ ꓢꓧꓳꓚꓗ ꓗꓷ ꓡꓰ ꓠꓬꓲ ꓦꓲꓻ 73 ꓦꓲ ꓐꓬ ꓗꓷ ꓟ ꓠ-ꓖꓸ ꓟꓵꓽ ꓗꓪ ꓙꓳˍ ꓟ ꓢꓮꓪ-ꓡꓮꓪ-ꓠꓮꓴꓗ-ꓗꓳꓴ ꓞꓳ ꓘꓹ ꓢꓴ ꓐꓴ ꓬꓰ ꓙ ꓔꓳꓹ ꓙˍ ꓟ ꓔꓯ ꓠꓲꓹ ꓞ ꓣꓱꓽ ꓞꓹ ꓔꓬ ꓟ ꓓꓳꓽ

ꓢ-ꓖꓮꓲꓹ ꓟꓵꓽ꓾ ꓠ-ꓖꓸ ꓟꓵꓽ ꓡ-ꓦꓯ ꓡꓳ ꓒꓱ ꓢꓮꓪ-ꓡꓮꓪ-ꓠꓮꓴꓗ-ꓗꓳꓴ ꓞꓳ ꓘꓹ ꓠꓬ 2 ꓦ 2 ꓠꓬꓲ꓾ ꓟꓶꓽ ꓘꓶꓼ 4ꓽ00 ꓙꓵꓹ ꓛꓲꓺ ꓕꓯ ꓦꓲꓻ ꓕꓯꓽ ꓢꓲ ꓗꓪ ꓗꓷ ꓔ ꓟ ꓢꓳ-ꓡ ꓒꓬꓸ ꓢꓧꓳꓚꓗ ꓗꓷ ꓡꓰ ꓢꓲ ꓮ ꓔꓳꓸ ꓐꓬ ꓔꓴ ꓡˍ ꓟ ꓗꓪ ꓐꓰ ꓞꓳ ꓦꓲꓻ ꓗꓪ ꓛꓲ ꓐꓬ ꓗꓷ ꓢꓲ꓾ ꓦꓲꓻ 73 ꓦꓲꓻ ꓐꓬ ꓗꓷ ꓟ ꓑꓶꓸ ꓓꓴ ꓞꓳ ꓘꓹ ꓢꓴ ꓐꓴ ꓠꓬ ꓬꓰ ꓙ ꓜꓴ ꓐꓴ ꓬꓰ ꓙ ꓡˍ ꓟ ꓔꓯ ꓠꓲꓹ ꓞ ꓣꓱꓽ ꓞꓹ ꓔꓬ ꓡꓳ꓾ ꓐꓰ ꓡ-ꓦꓯ ꓡꓳ ꓒꓱ ꓗꓪ ꓙꓰ ꓢꓲ ꓬꓰ ꓙ ꓖꓶ ꓔꓬ ꓢꓴ ꓕꓲ ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓮ ꓔꓳꓸ ꓐꓬ ꓗꓷ ꓟ ꓪꓴꓸ ꓠꓬꓲ ꓞꓳ ꓦꓲꓻ 73 ꓦꓲꓻ꓾ ꓠꓯꓻ ꓞꓲꓼ ꓖꓶ ꓔꓶꓸ꓾ ꓠ-ꓖꓸ ꓡꓲꓽ ꓒꓰꓼ ꓦꓲꓻ 2 ꓦꓲꓻ꓾ ꓮ ꓭꓸ 300 ꓟꓽ ꓞꓲꓺ꓾ ꓮ ꓪꓯꓼ 50 ꓟ ꓛꓲꓺ꓾ ꓢꓮꓲ-ꓗꓯ 6 ꓒꓽ ꓐꓰ ꓟꓳ ꓓꓳ 1 ꓒꓽ ꓐꓴ ꓔꓯ ꓮ ꓔꓳꓸ ꓐꓬ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓢꓮꓪ-ꓡꓮꓪ-ꓠꓮꓴꓗ-ꓗꓳꓴ ꓞꓳ ꓘꓹ ꓠꓬ ꓲ-ꓓꓲ-ꓬ ꓐꓰ ꓟꓬ-ꓟ ꓟꓵꓽ ꓠꓬꓲꓽ ꓗꓴꓸ ꓚꓸꓼ ꓗꓪ ꓓꓹ ꓟ ꓥ ꓢꓲ ꓙꓻ ꓖꓴ ꓫꓸ ꓟ ꓡꓰꓽ ꓟꓽ ꓞꓲꓺ ꓑꓧꓳꓠꓰ ꓡꓲꓠꓰ ꓥˍ ꓟꓲ ꓟꓽ ꓙꓳ ꓟ ꓞꓳ ꓘꓹ ꓥ ꓡꓳ= ꓖꓳ ꓗꓪ ꓦꓲꓻ 176 ꓦꓲꓻ ꓐꓰ ꓑ ꓫꓬ ꓕꓲ ꓔꓴ ꓣꓳ ꓟꓽ ꓞꓲꓺ ꓔꓬ ꓟ ꓥ ꓢꓲ ꓠꓬꓲ꓾ ꓮ ꓔꓳꓸ ꓐꓬ ꓟꓶ ꓗꓷ ꓟ ꓦꓲꓻ ꓠꓬ ꓞꓳ ꓦꓲꓻ 59 ꓦꓲꓻ ꓐꓰ ꓞꓳ ꓤ 390 ꓣꓳ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=