ꓢꓴ-ꓑꓲ-ꓬ ꓟꓯꓼ ꓘꓰꓹ ꓢꓴ ꓐꓴ ꓜꓽ ꓫꓵꓽ ꓐꓰ ꓔꓬ ꓖ ꓣꓱꓽ ꓬꓯ;_ ꓟ ꓓꓳꓽ

Tuesday, February 08, 2022

ꓢꓴ-ꓑꓲ-ꓬ ꓟꓯꓼ ꓘꓰꓹ ꓢꓴ ꓐꓴ ꓜꓽ ꓫꓵꓽ ꓐꓰ ꓔꓬ ꓖ ꓣꓱꓽ ꓬꓯ;_ ꓟ ꓓꓳꓽ

ꓑꓴ-ꓔ-ꓳ ꓡꓳ ꓒꓱ ꓢꓴ-ꓑꓲ-ꓬ ꓘꓹ ꓗꓪ ꓗꓳꓸ ꓡ_ ꓟ 2 ꓦ 1 ꓠꓬꓲ ꓕꓯ ꓟꓯꓼ ꓢꓰꓼ ꓡꓯ ꓘꓳ_ ꓟ ꓑꓶ ꓓꓴ ꓞꓳ ꓘꓹ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓟꓵꓽ ꓡꓲ-ꓛꓵꓸꓸ ꓗꓪ ꓛꓰꓹ ꓙꓰ ꓢꓲ-ꓸ ꓜꓽ ꓓꓴ ꓐꓰ ꓔꓬ ꓖ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓛꓰꓹ ꓙꓰ ꓟ ꓠꓬ (5) ꓠꓬꓲ ꓙꓳ ꓡꓰꓳ= ꓟꓯꓼ ꓢꓰꓼ ꓡꓯ ꓘꓳ_ ꓟ ꓟꓶ ꓫꓵꓸꓹ ꓡ ꓐꓭ ꓠꓬ ꓟꓬ ꓠꓬꓲ ꓫꓸ ꓓꓴ ꓔꓳꓹ ꓜꓳ ꓡ ꓥꓳ ꓐꓰ ꓑ ꓫꓬ ꓐꓴ ꓙꓬ ꓫꓸ ꓔꓬ ꓡꓳ=

ꓖꓳ ꓡꓱ ꓥ ꓢꓲ ꓖ-ꓟꓶ-ꓓꓰ ꓡꓳ ꓒꓱ ꓗꓪ ꓔꓬ ꓟ ꓡꓲ-ꓢꓴ ꓡꓲꓽ ꓒꓲꓼ ꓜꓴ ꓐꓰ ꓘꓴ ꓜꓲꓼ ꓞꓳ ꓐꓴ ꓠꓬ ꓟꓯꓼ ꓘꓰꓹ ꓡ ꓢꓴ ꓐꓱ ꓶ ꓖ-ꓟꓶ-ꓓꓰ ꓡꓳ ꓒꓱ ꓡꓲ-ꓢꓴ ꓡꓲꓽ ꓒꓲꓼ ꓜꓴ ꓚꓰ ꓟꓵꓽ ꓗꓪ ꓙ ꓖꓶ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=