ꓢ-ꓢꓶ-ꓠꓽ ꓘꓴꓽ ꓗꓪ ꓟ ꓪ ꓙꓵꓽ ꓪ ꓙꓳˍꓟ ꓠꓬ ꓚꓲ ꓛꓬ ꓐꓱ ꓶ ꓣꓱꓽ ꓓꓴ ꓟꓽ ꓥ ꓐꓰ ꓔꓲꓸꓸ ꓒ ꓪ ꓔꓲ Francis ꓡꓰ ꓐꓯ ꓟ ꓓꓳꓽ

ꓢ-ꓢꓶ-ꓠꓽ ꓘꓴꓽ ꓗꓪ ꓟ ꓪ ꓙꓵꓽ ꓪ ꓙꓳˍꓟ ꓠꓬ ꓚꓲ ꓛꓬ ꓐꓱ ꓶ ꓣꓱꓽ ꓓꓴ ꓟꓽ ꓥ ꓐꓰ ꓔꓲꓸꓸ ꓒ ꓪ ꓔꓲ Francis ꓡꓰ ꓐꓯ ꓟ ꓓꓳꓽ
ꓔꓲꓸꓸ ꓒ ꓪ ꓔꓲ Francis ꓠꓬ Motu Proprio entitled ꓟꓬꓱꓽ ꓔ ꓟ ꓙꓵꓽ ꓗ ꓕꓲ ꓟ ꓔꓯ ꓚꓬꓹ ꓢꓲ ꓐꓯ ꓟꓸ ꓖꓶ ꓔ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓙꓵꓽ ꓗ ꓠꓬ ꓢ-ꓢꓶ-ꓠꓽ ꓘꓴꓽ ꓗꓪ ꓟ ꓪ ꓙꓵꓽ ꓪ ꓐꓰ ꓣꓱꓽ ꓬꓯꓼ ꓟ ꓙꓳˍ ꓟ ꓪꓴꓸ ꓠꓬꓲ ꓜꓴꓻ ꓘꓴꓽ ꓗꓪ ꓟ ꓕꓲ ꓫꓵꓽ ꓫꓵ ꓪꓴꓸꓹ ꓦ ꓟ ꓐꓰ ꓪ ꓙꓵꓽ ꓪ ꓙꓳ ꓟ ꓔꓯ ꓗꓴ ꓙꓵ ꓙꓳ ꓢꓲ ꓐꓯ ꓟꓸ ꓖꓶ ꓔ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓗꓴ ꓙꓵꓽ ꓙꓳ ꓟ ꓡꓰ ꓐꓰ ꓣꓱꓽ ꓬꓯꓼ ꓟ ꓙꓳ ꓡ ꓕꓯ ꓥ ꓟꓲ ꓪꓴꓸꓹ ꓦ ꓟ ꓐꓰ ꓪ ꓙꓵꓽ ꓪ ꓙꓳ ꓟ ꓠꓬ ꓚꓲ ꓛꓬ ꓐꓱ ꓶ ꓣꓱꓽ ꓓꓴ ꓟꓽ ꓥ꓾ ꓖꓳ ꓡꓰ ꓐꓯ ꓥ ꓟꓲ ꓘꓴ-ꓜꓲ-ꓞꓳ ꓐꓱ ꓶ ꓢ-ꓢꓶ-ꓠ ꓐꓱ ꓶ ꓣꓱꓽ ꓬꓯꓼ ꓫꓵ ꓙꓳ ꓡ ꓕꓯ ꓣꓱꓽ ꓓꓴ ꓥ ꓡꓳ ꓐꓰ ꓔꓲꓸꓸ ꓒ ꓪ ꓔꓲ Francis ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓕꓳꓽ ꓶ ꓫꓬꓹ ꓢꓲ ꓢꓷꓸ ꓙ ꓟꓳ ꓙ ꓟ ꓗꓪ ꓢ-ꓢꓶ-ꓠ ꓐꓱ ꓶ ꓕꓲ ꓟꓲ ꓠꓯ ꓡꓱꓼ ꓢ-ꓢꓶ-ꓠ ꓐꓱ ꓶ ꓟꓬꓱꓽ ꓬꓰ ꓟ ꓗꓪ ꓣꓱꓽ ꓓꓴ ꓐꓱ ꓶ ꓪꓴꓸꓹ ꓪ ꓓ_ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓚꓲ ꓛꓬ ꓐꓱ ꓶ ꓣꓱꓽ ꓟ ꓗꓪ ꓤ ꓟꓳ ꓢꓲ ꓣꓱꓽ ꓠꓹ ꓟ ꓔꓲꓸꓸ ꓒ ꓪ ꓔꓲ Francis ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= 
ꓕꓱ ꓙꓵꓽ ꓗ ꓔꓯ ꓠꓬ ꓔꓲꓸꓸ ꓒ ꓪ ꓔꓲ Francis ꓡꓰ ꓢ-ꓢꓶ-ꓠ ꓘꓴꓽ ꓗꓪ ꓡꓳꓸ ꓟꓳ_ ꓟ ꓔꓯ ꓚꓬꓹ ꓢꓲ ꓐꓳ ꓩꓴ ꓡ ꓟ ꓥ ꓡꓳ ꓐꓰ ꓐꓯ ꓡꓳ=
ꓸ